مصر موتورز مجتمع السيارات - سمكرة عتبة العربية

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - سمكرة عتبة العربية (https://www.masrmotors.com/vb/showthread.php?t=84496)

رد: سمكرة عتبة العربية

اقتباس:

المشاركة الأصلية كتبت بواسطة reda310 (المشاركة 661393)

تمام وربنا يوفقك عموما ربنا يسهل وهروح انشالله
هحاول اصور الخدوش وكله قبل وبعد واوريك النتيجة اما نشوف هتطلع ازاى
وانت شوف الملمع اخباره ايه وقولى
والعتبة اخبارها ايه خلصت وطلعت عملة ازاى
حكاية العتبة دى مديقانى جدا عربية زيرو واتبهدلت الواحد عايز فى مصر دبابة يمشى بيها
احط العربية فى حتة عشان اشرب شاى اجى الاقيها متروقة
خلينا على اتصال انا قاعد فى مستشفى الصدر لو احتجت اى حاجة انا موجود ROSE4U

اة ياريت يا استاذ رضا تصورها قبل وبعد وانا هبقى اصور العربية بعد مالمعها
اة فعلا الواحد نفسو يمشى بعربية عالية انا كنت فعلا بفكر ابيع العربية دى واشترى رينو ساندريو ستيب واى جديدة العربية فخمة وعالية على الارض وداخلة دماغى اوى
وكمان انا شغلى قريب من مستشفى الصدر قدام المدينة الجامعية بتاعت البنات هههههه
ياريت نبقى على اتصال :010104~171:

رد: سمكرة عتبة العربية

اقتباس:

المشاركة الأصلية كتبت بواسطة jojojojojo (المشاركة 661416)

ياريت تقولنا السمكري ده فين عشان محدش يتعامل معاه تاني وانا كنت نفسي تجرب السمكري اللي انا قلتلك عليه عند امون للادويه راجل عنده ضمير وذمه ومش بتاع كلام وشغله نضيف جدا بس خير وبخصوص الخدوش انا بتهيئالي التلميع والبولش والشمع مش بيخفوها وحتي لو خفوها بتبقي مؤقتا وبعد كده بتظهر تاني مع الغسيل العربيه وانا برضه من المنصوره وتشرفت بيكم

السمكرى للاسف محلة مالوش اسم على العموم هو فى المجزر الالى ومكانو فى حتة فسحاية اوى كدة وجمبو كام مرجيحة كدة
وفعلا كان عندك حق كنت روحت للراجل اللى قولتلى علية وخلاص بس للاسف السمكرى اللى روحتلو جاى من واحد بيتعامل معانا واكدلى انو ممتاز
حصل خير
والتلميع انا هعملو عشان العربية تلمع بس مش عشان خدوش
بس انا كنت عاوز اعرف هو فية سبراى للخدوش ؟؟؟
وانا اتشرفت بحضرتك وياريت نبقى كلنا على اتصال بدام احنا من المنصورة :CONGRA~238:

رد: سمكرة عتبة العربية

اقتباس:

المشاركة الأصلية كتبت بواسطة reda310 (المشاركة 661420)

الله يخليك الشرف لينا :fun_36_3_11[1]:
الشمع والبوليش مش عملى بس هعملها كمبون وبوليش بالصاروخ ونشوف كدا وربنا يسهل وشكرا على المرور :140109~347:

دة انا هحط شمع بس عشان تحافظ على لون العربية وتبرق وشكلها يلمع كدة ههههه
بس هديها غسلة جامد انشاء الله تظبطها FLASHCar

رد: سمكرة عتبة العربية

انا اتهديت يارجالة
طالع عينى ساعتين ساعة بغسل فى العربية وساعة بشمعها
والحمد لله زي ماروحت زى ماجيت مافيش اى فرق تماما كل اللى فيها ان العربية بقى ملمسها ناعم
استفدت اية انا مش عارف
والشمع اسمو paste wax
مع انى عملت نفس اللى اتعمل فى الموضوع دة
http://masrmotors.com/vb/showthread.php?t=11410
بس مافيش فايدة:01AD96~139::pty: