مصر موتورز مجتمع السيارات - استفتاء : هل توافق علي عدم عرض اي مواضيع سياسية في المنتدي

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

رد: استفتاء : هل توافق علي عدم عرض اي مواضيع سياسية في المنتدي

اقتباس:

المشاركة الأصلية كتبت بواسطة walidelwahsh (المشاركة 578090)

لأ بالطبع يا كورسير باشا
امال نتخانق فين
كل الامور بالاتفاق
الا الكلام في السياسة بالخناق
هههههههههههههههههه
وبعدين لو ماكناش نتخانق عشان بلدنا هنتخانق عشان مين
ربنا مايجيب خناق ان شاء الله

:THUMB_~112::THUMB_~112:: THUMB_~112:

رد: استفتاء : هل توافق علي عدم عرض اي مواضيع سياسية في المنتدي

اقتباس:

المشاركة الأصلية كتبت بواسطة walidelmorsi (المشاركة 577851)

نعمل لجنة حكماء من الاعضاء تتكون من خمسة اعضاء مثلا ويكون دورها ان تهدى المشاحنات وتقرب وجهات النظر لان اصلا احنا اعضاء مش اعداء.

اللجنه فعلا موجوده يا استاذ وليد بس فعلا المشاكل كترت بسبب المواضيع ديه وربنا يهدي النفوس

اقتباس:

المشاركة الأصلية كتبت بواسطة nktis (المشاركة 577857)

نوووووووووووووووووووووووو وووووووووووووووووووو كروسير ... بيكوز
انا باعرف الاخبار من المنتدي ومعنديش دماغ اقعد ادور علي الاخبار من اكثر من موقع ومن ناحيه اخري باشوف الاخوه الاعضاء وانا منهم ونعتبر عينه من المجتمع بنفكر ازاي وعلي اساسها بابني رؤيتي ونظرتي الحلزونيه للمواضيع...:12422A~17:

شكلي كدا محدش ناوي ينصفني المرادي في التصويت اللهم لا اعتراض

اقتباس:

المشاركة الأصلية كتبت بواسطة mf86 (المشاركة 577907)

لا

اومال انا هاخد ايقاف تاني ازاي

هههههههههههههههههه

لا سيب الايقاف ده عليا وان شاء الله مش هحرمك منه والكارت الاحمر هيبقي علي ايدي قول انتا يا رب :bat_467:

اقتباس:

المشاركة الأصلية كتبت بواسطة THE EGYPTIAN (المشاركة 577979)

يا عم كروسير دا مات من زمااااااااااااااااااااااا ان
انا ممكن احضر لك روحه او اعملك زار party و تقعد تتفاهم معاه

هههههههههههههههه

سمو علو ارتفاع

فكرتني بفيلم عبد المنعم ابراهيم الله يرحمه

رد: استفتاء : هل توافق علي عدم عرض اي مواضيع سياسية في المنتدي

اقتباس:

المشاركة الأصلية كتبت بواسطة AboNoRa (المشاركة 578082)

انا لا مع حجب موضوعات السياسة ولا الدين زى ما احنا فى الواقع بنتلكم فى الحاجات ديه طبيعى فى منتدياتنا الاجتماعية والثقافيه نتناقش فيها وفى رائى النقاش فيها فى المنتديات ( بشكل مكتوب) وجماعى تفاعلى احسن بكتير من الدردشة فى المترو لانة اكيد منظم اكتر ومراقب ومثبت

فكرة كورسير انه دراء للخلافات للاسف مش صحيحة لان الخلاف فى الراى ممكن ينشاء على عربيات او اراء وتلعيقات فى مجال العربيات وعلى مر السنين بنشوف ده كتير وليه مواسم كمان
واتذكر فى فترة من الفترات كان فيه اراء فى الادارة ومن الاعضاء عايزة ناخد موقف من الموضوعات الترفيهية ( النكت والقفشات والحركات) لبعدها عن تخصص المنتدى ولتضخمها مقارنة بقيمتها
بس كان الموقف المعتدل والنهائى بالحفاظ على عموم الطبيعة الاجتماعية للمنتدى وحرية اعضائه فى نشر ما يريدو حتى وان تحملت الادارة والدعم الفنى جهد اكبر او تكلفة اكثر

واتذكر فى وقت من الاوقات كان فيه دعوات من ناس فى الادارة واعضاء برضو باتخاذ اجراءات ضد الاعضاء و الموضوعات اللى اقل من المستوى تخصصياً يعنى اللى يقول العربيات الصينى ابوابها بتطير فى الهواء من المطبات او اللى يقول الفيرنا ثابتة على كل السرعات يتاخذ ضدة اجراء ادارى علشان منروجش كلام مش علمى او مش دقيق

بس استقرينا على وسطية التناول واهمية المتابعة والرد على كل مغالطة بالتصحيح والشرح لتعم الفائدة ونساهم فى تصحيح المفاهيم

بس يكمن دلوقتى مفيش عربيات مثيرة للجدل اوى وطبيعى الاحداث السياسية او الدينية هى اللى على الساحة فالتاريخ بيعيد نفسه تانى وتتعالى الاصوات لحذف مشاركات واراء مئات من الاعضاء كتبت فى مئات من الساعات تلخص اراء حقيقة وصور جامعة لشخصياتنا وقناعتنا جميعاً

انا شخصياً فى المجمل استفدت من اراء كل المشاركين فى الحوارات السابقة منذ افتتاح منتدى الثورة حتى اللى بختلف معاهم لا ابالغ لو قلت انى استفدت منهم برضو ولو بشكل غير مباشر وبعتز بكل كلمة اتكتبت سواء اتفق عليها او اختلف

فانا فى النهاية مع الحفاظ على المنتدى الاجتماعى بكل جوانبة كنموذج طبيعى لمجتمعنا الاجتماعى الاكبر

واسمحولى اكرر ردى ده فى كل الموضوعات ذات الصلة

مش اتفقنا انك مش هتتكلم في السياسه لحد ما توفيق عكاشه يكسب الانتخابات الرئاسية كدا بردك يا ابو نورا

اقتباس:

المشاركة الأصلية كتبت بواسطة walidelwahsh (المشاركة 578090)

لأ بالطبع يا كورسير باشا

امال نتخانق فين
كل الامور بالاتفاق
الا الكلام في السياسة بالخناق
هههههههههههههههههه
وبعدين لو ماكناش نتخانق عشان بلدنا هنتخانق عشان مين
ربنا مايجيب خناق ان شاء الله

حتي انتا يا وليد باشا يا كبير عين شمس مش عايز تنصفني في الاستفتاء ده طيب اجيب اصوات منين استورد اعضاء من بره ولا اعمل ايه بالظبط

رد: استفتاء : هل توافق علي عدم عرض اي مواضيع سياسية في المنتدي

:fun_36_1_39[1]::fun_36_1_39[1]::fun_36_1_39[1]:

رد: استفتاء : هل توافق علي عدم عرض اي مواضيع سياسية في المنتدي

لا أوافق على غلق هذه الموضوعات التى تخص السياسة فإن الخلافات فى هذه المواضيع لا يفسد للود قضية أما المواضيع الدينية فيجب غلق المناقشات التى تتناول المقارنه بين الأديان وإختلافات العقائد