بص يا استاذ وليد .. كلمتين وادي احنا بندردش
بتوع الائتلافات كانوا مفكرين انهم هيستلموا الحكم بعد مبارك كمكافأه ليهم على تفجير الثورة ... عادي يعني وبحساب المنطق يبقى من حقهم يطالبوا بتمن مجهودهم
هوب لقوا المجلس العسكري واقف في وشهم ( وانا عارف انك ممكن تعترض بس طول بالك ) واقف في وشهم سواء لمصلحته الشخصيه ولمحاولة الاستيلاء على الحكم او لظروف البلد لانه مش مجلس ملايكه يعني وبرضه ليه حساباته وخططه ومصالحه لازم نكون واقعيين ...
المهم الائتلافات دي لقت ان السجاده بتتسحب من تحت رجليهم واحده واحده والسلطه والحكم بيروحوا لناس تانيين خالص وانهم بعد شهر او اتنين او حتى ست شهور في يونيو الجاي مش هايبقى ليهم اي لازمه ولا صفه شرعيه لانه هيكون عندنا رئيس منتخب ومجلس شعب منتخب ومافيش حاجه نعترض عليها ولا نعمل عليها ثوار يبقى طلعوا من المولد بلا حمص ...
طيب يعملوا ايه ؟ يطلعوا من المولد بلا حمص ولا يقلبوها عاليها واطيها ؟
بس يا سيدي وقالك شرفاء ... شرفاء ... شرفاء