المشاركة الأصلية كتبت بواسطة ahmedchina (المشاركة 545677)

انا متفق مع صاحب الموضوع فى اغلب اللى قاله
العربية متقلبة صح يعنى الاساسيات أصبحت كماليات الناس بتشترى شكل و سمعة فقط
وبعدين السعر كان معروف إنة هيكون غالى اللى متابع السوق المصرى خلال سنة ماضية
هنجد ظاهرة إسمها إزاحة الاسعار يعنى بيتم تحريك أسعار موديلات أصغر فى الفئة الى فئة اعلى متاحة فى السوق لاتاحة الفرصة للمنتج الجديد للفئة الاعلى إنة يتحرك الى مجال سعر جديد
مثال الاكسنت ار بى نزلت سعرها هو هو سعر الانترا الشكل القديم , ال اى20 سعرها زى الالنترا الشكل القديم معنى كدة إن العربيات الصغيرة أو الفئة A أسعارها تداخلت مع أسعار سيارات من نفسة الماركة بس فئة أكبر و هى B , و السوق قبل الاسعار و العربية باعت جامد رغم إن الموديل السابق عليها من نفس الفئة A و هى النيو أكسنت سعرها لايزيد عن 85000 الف تقريباً معنى كدة إن حصل إزاحة للسعر فمن الطبيعى يكون سعر النيو إلنترا أعلى من 120000 لاول فئة أتوماتيك و 115000 للعادى .
الازاحة اللى حصلت فى سوق العربيات أعطى مساحة للعربيات الصينى تدخل فى فئة سعرية و شريحة أعلى من معدلاتها فى السابق
مثال جديد لنظرية الازاحة النيو ريو سعرها 117000 هاتش باك 1400 سى سى الفئة المتوسطة
أغلى من السيراتو الاكبر فى الحجم و الماتور و الشنطة و توافر قطع الغيار و الفئة
يعنى السوق عرض و طلب و الناس بتشترى الشكل و راضية . و مش كل الناس بتفهم فى العربيات و أنواع الفرامل و حاجات كتير تانية المهم الشكل و البرستيج
و شكرا

المشاركة الأصلية كتبت بواسطة ahmedchina (المشاركة 545684)

معلش إضافة بمناسبة جباهذة غبور
انا رحت و شوفت الالنترا الجديدة فى معرض غبور بالمعادى
و إستغربت لما عربية سعرها 126000 و مفيهاش abs
سألت موظف البيع قالى إنت عارف يعنى إية abs و بتعمل إية
ردت علية بتواضع و قلت إن العربية الصينى اللى معاى فيها abs و ووو بتفرق فى لحظات و ثوانى هذة التكنولوجيا
المهم كان ردة إحنا عملنا إختراع جديد اى و الله
قلت بشغف إية هو يمكن هيواندى عملت حاجة جديدة
قال المحترم كارك للفرامل هتبقى abs:fun_7_5_128[1]:
أى و الله

المشاركة الأصلية كتبت بواسطة khaabas (المشاركة 545697)

الشجرة المثمرة تقذف بالحجارة