مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- السيارات التجارية (https://www.masrmotors.com/vb/forumdisplay.php?f=215)

- - التريللا (https://www.masrmotors.com/vb/showthread.php?t=68665)

رد: التريللا

اقتباس:

المشاركة الأصلية كتبت بواسطة تامر ديزل (المشاركة 531108)

كده ؟ اخرتها تقولي زملكاوي ؟ داانت لو قولتلي فلول كان ارحم
الحكايه اني بجهز صور على الطبيعه لكل الاسئله بتاعت الكومندا واللي انت وصيت عليها مخصوص
طول بالك شويه
اوخدالسؤال ده فكر فيه على ما اجهز
لو انت بتجري بعربيتك وقدامك لزق عربيه نقل هووب الاستبن شيع تعمل ايه ؟
اقول الشهاده على طول من غير تفكير

انت رايك ايه

رد: التريللا

:286: الف شكر ليك بجد موضوع تحفة وفى انتظار المزيد وربنا يستر على الكل الملاكى والنقل على الطريق MADDRIVE

رد: التريللا

متابع الموضوع مهم جدا و الله و ياريت الاخ تامر يجاوبلنا على الاسئله الى اتسالت

رد: التريللا

بسم الله الرحمن الرحيم:_:w6w2005041113562 663 :w6w2005041113562663
صحصح يا عوباد_ ديزل بيقولك الأستبن ضرب_ وده مش ممكن لأنه مش ماشي علي الأرض أصلا" وعموما" واضح جدا" إنك بتسوق دايما" وإنت سرحان:fun_36_1_50[1]:هههه_وده شيء أخطر من الأستبن لو ضرب وإنت سايق سيارتك الملاكي ولازق ورااا أخوك ديزل بدون ترك ما يسمي >المسافة الآمنة< وهي تعد أهم عنصر لما يسمي بالقيادة الدفاعية والتي إن إالتزم بها كل قائد مركبة فستنخفض الحوادث بمصر بنسبة90%_ ومتابع يا ديزل بكل إهتمام_ولي سؤال. وهو إذا كان من الممكن جلب رأس تريلا مستعملة من الإمارات فما هي الموديلات المسوح بها بالنسبة لسنة الصنع؟ أم أن المسألة متاحة مهما كانت سنة الصنع؟ ولو تتكرم بإعطائي فكرة تقريبية عن مبلغ الجمارك بالنسبة لبعض الموديلات التي ترشحها_وأرجو منك الإهتمام نظرا"لأهمية الموضوع بالنسبة لي وجزاك الله خير الجزاءعلي مجهودك الرائع:THUMBS~220: جميعا"تقبلوا تحياتي:fun_36_3_12[1]::fun_36_3_11[1]:

رد: التريللا

اقتباس:

المشاركة الأصلية كتبت بواسطة كومندا (المشاركة 530353)

لا انا عايز اشوف ام 2 دركسيون دى
ومعلش كام سوال كده
ايه افضل انواع التريلات اللى فى مصر بالترتيب كده من الكبير للصغير وياريت اسعارهم
ايه اقصى سرعه ممكن توصلها المقطوره وهيه فاضيه ووهيه محمله
كلمنا شويه عن المرسيدس الاكتروس ((عجبانى اوى كلمة اكتروس دى مع انى مش عارف يعنى ايه )).
مرتبات السواقين فى المهنه دى ممكن توصل لكام واقل مرتب ممكن يكون كام ومرتبات التباعين
مجموعة التريلات الزرقه اللى متورها قدام الكابينه وبنشفها فى الافلام الاجنبي اللى مرميه فى مدخل راس البر ومدغدغه دى نوعها ايه يا جمـــــيل
بالنسبه لقطع الغيار الكابينه بتعمل كام والمتور والفتيس والدفرنس اللى وراء
اوقات بشوف خرطوم هواء بمسدس هواء فى الكابينه ده ليه
التريلات الصينى الجاك اللى منتشره فى السوق دلوقتى دى متورها صينى برده ولا وكويسه ولا لا وياترا تعمل كام دى
معلش الاسئله كتير شويه بس ده من شدة حبى فى التريلات :shyy:

سلامو عليكم
طبعا طلباتكم اوامر واسئلتكم كلها ها جاوب عليها ان شاء الله
اول حاجه ايه افضل التريللات اللي ف مصر ؟
قبل ما جاوب احب نتفق على حاجه مهمه انا مبحبش الفتي والعجن وطخ الكلام ولكن هقول عن العربيات اللي جربتها واشتغلت فيها وهارتبها لكن مش معنى كده ان السوق ما فيش فيه احسن
احسن عربيه اشتغلت معاها (صيانه طبعا ) هيا المرسيدس اكتروس 3340 6x4 عربيه هايله
ليه ؟ .... عربيه قويه جدا ممكن تحمل عليها لحد 60 طن حموله صافيه مرتاح من غير ماتحس ان العربيه متقله من الحمل وده بفضل الموتور ال400 حصان اللي التحكم فيه بالكنترولات والكهربا والفتيس المتطور واللي برضه ليه كنترول للتحكم فيه وطبعا دفرنسات قويه مشاكلها نادره جدا مقارنه بدفرنسات عربيات تانيه كتير انما الحاجه اللي شدتني للعربيه دي اول ما شفتها من ست سنين هيا الكابينه .... الكابينه ؟ ايوه ... واحد هيقولي العربيه عباره عن مكنه والات جر الكابينه مالهاش لازمه او مش هيا اللي بتحدد كفاءة العربيه
على فكره الصور في المشاركه بتاعت العدادات دي من عربيه اكتروس وغير كده الكابينه مكيفه وقزاز كهربا وكاسيت سي دي وسرير والكابينه نفسها عاليه وفيها براح كبير وفيها كنترول شغلته تمام زي الصندوق الاسود في الطياره بس كل ده كوم والمساعدين بتاعت العربيه كوم تاني لدرجةانك هتحس وانت سايق انك سايق عربيه ملاكي
اسيبكم مع الصوره لحد ما اكمل الاجابه
[IMG]http://www3.0zz0.com/2011/10/12/16/415205924.jpg[/IMG]
يتبع