رد: استفتاء للاعضاء ايهما افضل الكربراتير او الانجكشن .
 

بارك الله فيك واشكرك على هذه المعلومات القيمه .

رد: استفتاء للاعضاء ايهما افضل الكربراتير او الانجكشن .
 

السلام عليكم كنت عايز اعرف من الاستاذ طارق التمبرا انجكشن ولا عادا ولو عادا ينفع نركب كاربراتير انجكشن وشكراااا

رد: استفتاء للاعضاء ايهما افضل الكربراتير او الانجكشن .
 

الاخ العزيز الشيخ طارق أولا اشكرك على الموضوع المفيد اللى حضرتك فتحت النقاش فيه

انا هاشرح لحضرتك ملاحظاتى على الاتنين من واقع التجربة

• انا عربيتى كربراتير من سنة تقريبا كنت فكيت و نضفت الكربراتيرلأن العربية قبلها كانت بنتش نتشه قويه جدا وكنت باحس ان لما ازود بنزين البنزين بيدخل بصعوبة لكن الميكانيكى مغيرش فيه حاجة خالص وقالى انه سليم وبعدها بأمانة العربية فايقة جدا

المهم : من ضمن عربيات الشركة عندنا كانت عربية شاهين 2008 انجيكشن 1400 سىسى وركبتها كتير جدا جدا

الملاحظات على الاتنين
الاداء
طبعا الانجيكشن افضل كاداء ومتجاوب معاك على كل السرعات باحس بالفرق عن عربيتى الكربراتير مع العلم انى مهتم جدا بعربيتى ومابسكتش على اى حاجة غريبة ظهر لكن بلاحظ فرق كبير فى الاداء والتجاوب وبكرر التجاوب

استهلاك البنزين فى الشاهين الانجيكشن افضل بكتير عربيتى 1300 يتعمل 100 كيلو با 9.5 للتر تقريبا مالم تظهر مشاكل
اما سيارة الشركة عملت فى حدود 2008 انجيكشن عملت 7.5 لتر فى 100 كيلو لأن المشوار عندنا للشركة 100 كيلو بالضبط (1400 سىسى) كنت اخدتها اليوم ده عشان اشترى متطلبات للعمل وحبيت اعرف الفروق كويس وده طبيعى لأن الانجيكشن عليه كنترول اكتر

بالنسبة للصيانة

1. الكربراتير ليس به صعوبة كبيرة فى الصيانة واعطاله ليست غامضة وبيسمحلك تمون اى نوع بنزين دومن مشاكل كبيرة
2. كان حصل فى العربية ال 2008 مشكلة العربية فى مرة قطعت تقطيع وحش جدا جدا ورجرجة غبية واحنا طالعين لسة ممشيناش 10 كيلو ووقفت مرتين وتدور وتمشى شوية وتقف طبعا الشركة جابت ميكانيكى وابتدى الفتى الراجل ابتدى بالكهرباء وغير دائرة الاشعال الالكترونى كاملة بدون اى فايدة نفس المشاكل المهم الميكانيكى قال ان فى حساس ضارب وبدون اى فايدة المهم العربية راحت التوكيل بتاع النصر للسيارات وبعد اول مرة
   نفس المشكلة بعد التجربة اذا العربية دارت تعمل رجرجة تكسر العضم والمشكلة ان العطل مكانش واضح رجعت التوكيل تانى وبعد محاولات اتغير الكومبيوتر بتاع السيارة وفعلا اتحلت المشكلة
3. المختصر للرغى اللى فوق ان عطل الانجيكشن ممكن ميكونش واضح عكس الكربراتير تماما وده حاجة فى صالح الكربراتير تماما (ممكن يكون بيكات-عوامة - تنضيف وده اغلب المشاكل اللى شوفتها فى الكربراتير )

ارجو انى اكون وضحت الفروق اللى لاحظها على الاتنين يعنى الانجيكشن (اداء -استهلاك افضل للبنزين- اقصد بالاداء ان مفيش تقطيع أو خنقة زى اللى بنسمع عنهم فى الكربراتير )
الكربراتير : سهولة فى الصيانة ولاتوجد اعطال غامضة ويمكن اعادة احيائه كما تفضل احد الاعضاء الكرام ووضح هذه النقطة - اسهلاك بنزين اعلى ولكن ليس بدرجة كبيرة عندما يكون مضبوط

رد: استفتاء للاعضاء ايهما افضل الكربراتير او الانجكشن .
 

رد: استفتاء للاعضاء ايهما افضل الكربراتير او الانجكشن .
 

الانجيكشن افضل طبعا بالتأكيد ..

الكربراتير تقنية قديمة راحت عليها ولا توجد عربيات جديده بتنزل بكربراتير اطلاقا (الا بعض العربيات زى الماروتى مثلا او الادا وغيرها من العربيات اللى لسه بتنزل زيرو) ..

الانجيكشن مميزاته لا حصر لها .. فمثلا موفر فى البنزين - اداؤه ممتاز ويعطى عزم وقدره اكبر - اكثر حفاظا على البيئة (لانه بيحرق البنزين بكفاءه) - اعطاله قليلة ونادره بالمقارنه بالكربراتير - صيانته سهله نسبيا لانه سهل التعرف على العطل من خلال كنترول العربية وبيكون غالبا فى احد الحساسات وغالبا الصيانة بتكون مجرد تغيير - وبيمنع مشكلة صعوبة الدواره فى الجو البارد - الموتور الانجيكشن صهل تطلع بيه بالدبرياج بس عن الكربراتير بسبب حساس الايدل .. الخ الخ ......

عيوبه انه محتاج اهتمام شويه عن الكربراتير .. ولايفضل معاه بنزين 80 لان نسبة انضغاط المحركات الانجيكشن بتكون عالية شويه عن التى يتحملها البنزين الـ 80 فممكن يحدث تسقيف احيانا خصوصا فى الجو الحار ...