|
رد: انا مش رايح الاستفتاء , اه اهو كدا , بس خلاص
في حل سهل اعتقد هيريح حضرتك بالنسبه لاختلاف النص انفس الماده او اي لخبطه تانيه:
حضرتك بس هتتعب شوية وتنزل تروح اي لجننة تعجبك وتقرأ نصوص المواد المعدلة و الله حضرتك شايف انها كافية و نافعه للبلد يبقى اختيارك هيبقى نعم لو شايف انها ترقيع وكلام من ده وملهاش لازمه يبقى لا حضرتك شايف ان بيضحكوا علينا و بيستخفوا بينا و العمليه كلها تهريج و مفيش جديه ممكن تبطل صوتك بحيث انك مثلا تعلم على نعم ولا او تكتب كلمه او تعمل علامه وبالتالي تكون اديت واجبك في جميع الحالات........عاشت مصر شكرا لسعة صدركم |
رد: انا مش رايح الاستفتاء , اه اهو كدا , بس خلاص
اقتباس:
تعلم انى بحبك وبحترمك كثيرا ولكن ..... احساسك ايه وانت بتسال السؤال دا لنفسك ؟؟؟؟ طيب لما مش هتشارك وجالك احساس 1 % ان الاصوات اتفبركت ... ولا بلاش اتفبركت.. اكيد جهه من اللى هيقولوا نعم او لا هى الصح لو الجهه الغلط هى اللى فازت لانها ماكنتش سلبيه وراحت عملت التصويت مش هتلوم نفسك ؟؟؟ اعمل اللى عليك فيما يمليه عليك ضميرك ولو مش عارف النصوص الحقيقيه اسعى وراها لغايه ماتحصل عليها علشان ما تحسش فى يوم من الايام انك جنيت على نفسك او على عيالك وتأكد انك حتى و شعرت فى يوم الايام ان تصويتك كان غلط مش هيكون تأنيب الضمير اكثر من تأنيب الضمير لانك مارحتش تقبل تحياتى واحترامى |
رد: انا مش رايح الاستفتاء , اه اهو كدا , بس خلاص
مترحش يا عم انت عاملها حكاية ليه مهو لو كل واحد عمل اللي انت بتعملة ده لا كانت قامت ثوره ولا يحزنون ولا كان في ناس ماتت وكانت الدنيا حتبقي زي الفل ولا ايه - بس انا عايز اقولك حاجة الناس اللي راحت دي دمها لسة مابردش ومش هيبرد الا لما الشعب ده علي الاقل يبقي ايجابي - خليك في البيت نام قرير العين ومتقلقش فية ناس نازلة تجيب حقك انا مش حسهلها عليك زي ما الاخوه الافاضل عملوا معاك لانك حتي بعد كده انت مش مقتنع - ببساطة يا اخي مش عجباك التعديلات انزل قول لا لكن لازم تنزل
|
رد: انا مش رايح الاستفتاء , اه اهو كدا , بس خلاص
يا استاذ pointer
ريح دماغك من الموال ده كلها 48 ساعه وهتلاقي المواد قدامك وورقة التصويت في ايدك اما عن نصوص التعديلات فهتلاقيها على صفحة المجلس الاعلى للقوات المسلحة وكمان فيه موقع معمول اسمه استفتاء مصر هجيبلك الرابط بتاعه وكمان فيه صورة من نموذج الاستفتاء كانت نازلة وفيها كل البنود مكتوبة وفيها المطلوب منك تعمله ايه وكمان على موقع استفتاء مصر كل حاجة تخص الاستفتاء مشروحه سواء كانت المواد او كيفيه التسفتاء او اماكن اللجان الانتخابية او البطاقاتالصالة والمرفوضة اما بقى اللي الناس مش عاوزين يستوعبوه ويفهموه ان مواد تعديل الدستور الحالى بتفررررررررررررررررض على الرئيس القادم ومجلس الشعب القادم انتخاب لجنة تأسيسية لوضع دستور جديد للبلاد يتوافق مع متطلبات العصر الجديد هتيجي بقى تقول المادة 75 لا المادة 76 لا المادة 77 كلها سنة ومش هيبقى فيه ولااااااااااااا مادة من دول لان مش هيبقى فيه الدستور خلاص ده انتهي هيتعمل واحد تاني وبعدين اللي حصل يوم 25 - يخلي اي حد يفكر مليون مرة قبل ما يقول اعملوا كذا او سووا كذا بس ياريت بعد كده الناس مش تكسل تروح الانتخابات ويقولك اهو يوم اجازة اريح فيه والا اخرج افسح العيال فيه وينسي ان ده اجازةعلشان خاطر يروح ينتخب |
رد: انا مش رايح الاستفتاء , اه اهو كدا , بس خلاص
اقتباس:
احساسي زغفت اسف علي اللفظ بس هاقول ايه الاول كنت اميل اقول لا لان ده استفتاء لايطلع صح لانلبس في حيط وبعدين فجئه حد قال كل اللي بطالب بيه اتحقق طيب انا عاوز ايه تاني كده يبقي نعم اراجع الموضوع تاني علي شان لي اكتر من 100 مشاركه في هذا الموضوع القيهم ثلاث صيغ مش اتنين لنهي الرسمي كلهم رسمييت يقولوا اخر فيرجن اتعدل ادور الاقيه بتاع الدستوريه و الاربغ سنين كله بيقول التاليه بس اللي هي اصل الاعتراض انت لو مكاني هتعمل ايه المشكله تاني مش انت و انا والناس هنا المشكله في اللي ميعرفش و الاميين اللي مليين البلد انا لغايه الان مختار السلبيه الايجابيه و كدا كدا انا مش عارف اخد قرار طبعا هاخده علي انهي نص الكلمه بتفرق والله انا حزين م مش عارف اعمل ايه |
| الساعة الآن 10:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017