مصر موتورز مجتمع السيارات - انا بكرة التوكيل دة بكرررررررة (جاك)

اقتباس:

المشاركة الأصلية كتبت بواسطة samirayad (المشاركة 303546)

أنظر للموضوع من منظور آخر

أنا رايح أشترى عربيه مهما كانت صناعتها

عجبتنى .........أوك

أخلص

معجبتنيش وحسيت أن توكيلها بدأ يتلاعب ويزود فى سعرها

نظرا للأقبال عليها

ودى للأسف سمة الشعب المصرى

يشوف حاجه كله بيشتريها

يطلع جرى

علشان يجيب زيه

هو جربها ....هو عاشرها ....أبدأ

هو شافها فقط من بره وتملكت من قلبه

على طول

بشد ديله فى أسنانه ويقول

أما أجيب مرسيدس زى إللى راكبين مرسيدس

للأسف أحنا إللى بنغلى الحاجه بتكالبنا عليها

وأتذكر الرئيس السادات لما اللحمه غليت

وبنشر الوعى القومى لدى الشعب وأمتناع الشعب ومقاطعته للحمه

نزل تمن اللحمه

فاللى بيحصل ده بسببنا أحنا

نظرا لوجود الطمع المادى لدى المستوردين

_____________________

عموما

أنا شايف

أن الكل لازم يهدأ

أحنا حنختلف من أجل سياره معينه

تنزل تاكسى ولا ماتنزلش

فى البلاد المحترمه زى ألمانيا

أفخم الماركات ( مرسيدس وبى أم )

بتستخدم كتاكسى

أنا مش عارف ليه

بألاقى ناس تزعل لما سياره زى سيارته بيلاقيها بتعمل تاكسى

__________________

فلوسك فى جيبك والبضاعه قدامك

عجباك ( كثمن ووضع ) أشترى مهما كان تلاعب المستورد

مش عاجباك

ماتشتريش

من حكم فى ماله ماظلم

عاجباك وأشتريت حتى ولو بثمن مبالغ فيه

فأنت تتحمل وزر نفسك

لأنك لم تعقلها جيدا

كما قال المصطفى (ص)

أعقلها وتوكل

صدق المصطفى (ص)

مش كده ولا إيه

اولا شكرا لردك --ولكن اعتقد ان كثيرا من المحبين للسيارات عندما يشرعوا فى شراء سيارة بيكون الشراء مبنى على عنصر الخبره وبعض من الأحاسيس اوالشعور الداخلى الذى يدفعك للشراء بدافع الممارسه والتجربه السابقه التى سوف يبنى عليها فيما بعد قرار الشراء يعنى بعد كل ده هشترى ولا لالالالالالالالالالا--المهم سيدى العزيز ---انا عن نفسى لما اشتريت مقلتش مش مهم الصناعه ايه ولكن قلت الصناعه دى اصبحت ايه يعنى وصلت لأيه ---وعليه وربنا يخلى (النت بيك)--بدأت البحث والتنقيب علشان اعرف انا بشترى ايه وبتعامل مع مين --وبما ان الأخوه الصينيين عيزين يقنعونا بلشراء ولكن بناء على معطيات منطقيه وضعوا حزمه من الأسس التى من خلالها يتحرك الدافع والشعور الخاص بحضرتك المبنى على خلاصة خبرتك واحتكاك بعالم السيارات.. وعليه يجعلك تدخل فى سياق من المقارنات مع اقرب سيارات قد تتشابه مع سيارتك الجديده التى وقع اختيارك عليها التى هى من صنع يديهم ---ومع بعض من المقارنات بين سيارتك والسيارات ذات التاريخ القديم والسمعه الحسنه تجد ان ماتقبل عليه هو شىء جدير بلثقه لأنه لاينقصه شىء سوى ان يكون من ماركه قديمه او مشهوره على الأقل واعتقد الأختلاف فى الأزواق هو قانون استمرار البيع والشراء حتى لاتبور السلع وهذا لايضايق احد ----
--اما السادات --سيدى الفاضل --فجعل الشعب المصرى يأكل لحمه يومين فى الأسبوع وهو كان يأكل لحمه كل ساعه!!!!!!!!!!!!!!! حضرتك فاكر لحمة الطيور الجارحه التى كانت تستورد فى عهده ---حضرتك فاكر قضايا الفراخ الفاسده التى كانت تستورد فى عهده !!!!!!!!!!!!!!!! حضرتك فاكر الصلصه الفاسده التى كانت تستورد فى عهده!!!!!!!!!!!!!!!!!!!! حضرتك تعرف احد كبار المستوردين فى عهده وهو(توفيق عبد الحى) كان احد اكبر تجار السلع الفاسده فى مصر وهو قد هرب الى اليونان والله اعلم هو فين !!!!!!!!! حضرتك فاكرسنة 1977 الدولار بكام!!!!!!!!!!!!! كان فى السوق السوداء ايامها ب62 قرش يعنى كان فى هذه الحقبه الجنيه المصرى لسه له احترامه على الرغم من الحروب التى دخلتها مصر ---ولكن هذه المؤشرات تقول ان الأقتصاد المصرى ايامها كان لسه ممكن يكون بخير ---ولكن السادات --الله يرحمه -- عوم الجنيه المصرى فى قناة السويس لحد ما غرق عمنا الجنيه واصبح السيد دولار ب6 جنيه !!!!!!!!!!!!!عارف ليه حضرتك علشان الله يرحمه (السادات) امر بأقامة بورسعيد مدينه حره ولكن للأسف معملش زى الصينين الى احنا بنتريق عليهم --وعلمنا نصطاد السمكه لالالالالالالالالالالالا علمنا بس نأكل السمكه ومنفكرش نتعلم ونعرف اذاى السمه وصلت الى افواهنا !!!!!عارف ليه علشان اصبحنا نستورد حتى اللبان --وعليه فقد غرق الجنيه المصرى فى قناة السويس لأنك لازم تشترى الدولار علشان تستورد اللبان--وتنشأ مصانع بم بم وكراتيه وايس كريم كيمو ونسيت حتى تتعلم زرار القميص ازاى بيتصنع ---حضرتك عارف ان فى مدينة السويس كان فى مصنع للزراير قديم يعنى منذ الثلاثينيات عارف أنعمل ليه فى السويس لأن الأصداف البحريه القويه هى اصداف البحر الأحمر وعليه قد تم انشاء ذلك المصنع وشوف حضرتك الخبرات المكتسبه من وراء مثل هذه الصناعات ---ولكن للأسف يفرحه ماتمت اخدها غراب السويس وطار لم نهتم بمثل هذه الصناعات واهتمينا اما بأستيراد كل شىء واى شىء أو الأهتمام بصناعة الهيافه زى مصانع بم بم وكراتيه وغيره من الصناعات التى تأخذك الى الأسفل وتبعدك عن الصناعات القائمه على البحث العلمى والتى تبحر بيك الى الأبداع فى عالم التكنولوجيا ---وهذا ما وصلت ايه الصين والهند وكوريا الجنوبيه وغيره من النمور الأسياويه ---للأسف السادات علمنا اذى نحرم نفسنا من اللحمه الى الأبد---والذى قبله علمنا نقول عيشنى اليوم وموتنى غدا(علمنا الجبن للأسف الشديد) اسف لأنى طولت ودخلت فى موضوع بعيد عما نحن بصدده ولكن الشىء بلشىء يذكر وشكرا جزيلا لرأيك المحترم