مصر موتورز مجتمع السيارات - مشكله رعشه في السلانسيه ومش لاقي لها حل ....ارجو المساعده

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: مشكله رعشه في السلانسيه ومش لاقي لها حل ....ارجو المساعده

اقتباس:

المشاركة الأصلية كتبت بواسطة احمد على 1999 (المشاركة 298899)

عايز استفسر عن حاجة مهمة
حضرتك قولت ان لما بتفصل حساس الشاكمان المشكلة بتروح
المفروض فى الاوضاع الاتية:
اولا الحساس متوصل
1- العربية لسة باردة فالكنترول مش حيعتمد على الحساس و بيبقى وضع open loop يعنى الكنترول بينظم نسبة البنزين للهواء من خلال برنامج مسبق التخزين
2- العربية لما تسخن بيبقى وضع closed loop يعنى حساس الاوكسوجين بيتدخل فى ظبط نسبة الوقود للهواء

ثانيا فصل الحساس
حيؤدى الى ان الكنترول يفضل open loop على طول

فلى سؤال هل و العربية لسة باردة المشكلة دى بتبان؟

المشكله دي والعربيه بارده بس لما بتسخن كويس .... مش هقولك بتروح لكن بتبقي بسيطه يعني ترتيله بسيطه كده مش رجه منتظمه زي وهيا بارده

رد: مشكله رعشه في السلانسيه ومش لاقي لها حل ....ارجو المساعده

باش مهندس سمير ايه اخبارك ؟

الرشاش طلع برىء الحمد لله
لو تفتكر ان آخر تجربه لينا حطينا الرشاش رقم ٢ ( البوجيه اللي بيهبب ) في رقم ١ والعكس
النتيجه ان البوجيه رقم ٢ ( اللي كل مره بيهبب ) هبب برده

اعتقد كدا الرشاش سليم
يبقي انا قدامي حل من اتنين يالبوجيه نفسه تعبان يا اما خرج البوبينه تعبان

وانا وديت البوجيه التعبان لرقم ١ وحطيت في رقم ٢ واحد سليم
يبقي كده لو البوجيه التعبان هبب برده يبقي العيب منه
لو السليم هبب في رقم ٢ يبقي خرج البوبينه وحش

صح كده ولا ايه ؟؟

وليا سؤال ازاي اقيس خرج البوبينه واتأكد اذا كان سليم ولا لأ ؟؟ هل الكهربائي ممكن يقيسها ؟

ويا رب تكون البوجيهات نغيرها وخلاص وربنا يستر

رد: مشكله رعشه في السلانسيه ومش لاقي لها حل ....ارجو المساعده

اقتباس:

اعتقد كدا الرشاش سليم

تمام

وبكده الرشاشات زى الفل

_______________

وعلشان نمشى للنهايه صح وندفع فلوس فى مكانها الصح ( مثلما تريد )

ركب طقم بوجيهات جديد

وكل حاجه فى مكانها ( رشاشات وسوست )

لقينا البوجيه الخاص بالغرفه 2 ( الجديد )

لسه بيهبب عن أخواته

يبقى

وجب تغيير البوبينا

أن أردنا التخلص من هذا العيب الخبيث

رد: مشكله رعشه في السلانسيه ومش لاقي لها حل ....ارجو المساعده

اقتباس:

المشكله دي والعربيه بارده بس لما بتسخن كويس

الغريب فى كلامك هذا

أن المفروض العكس ( لو كانت البوبينا معطوبه )

تظهر المشكله مع السخونه وتتلاشى مع البروده

وكده أنا بدأت تقريبا

أقتنع بأن العيب

بوجيهات وليس بوبينا

رد: مشكله رعشه في السلانسيه ومش لاقي لها حل ....ارجو المساعده

هو الموضوع ده خلص على ايع يا استاذ سمير
لان ده العيب اللى عندى
رعشه على السلانسيه وبوجيهات مهببه
ياترى هو غير بوبينا ولا ايه؟