مصر موتورز مجتمع السيارات - ايه أكتر عربية تمنها قليل عليها؟

يا جماعة انا مش مصدق الي بيحصل في مصر
دي حاجة تخلي البهايم ترقع بالصوت
تخيلوا مثلا لما يبقي واحد معاه فلوس اي كان المبلغ و نفسه يشتري عربية
لما بيجي يختار العربية مش بيختار العربية الي هوا بيحبها
لأ ده بيختار العربية و معاه 100 الف حاجة لازم يعمل حسابها
مثلا:
انا لازم اشتري عربية منتشرة و الميكيانيكي و الكهربائي بيفهم فيها عشان بعد الضمان ما يخلص اروح اصلحها برة
يا سلااااام طيب ما الصنايعية في مصر 99% منهم جهلة و أميين يبقي انا لازم اشتري عربية بتكنولوجيا العصر الحجري عشان البهوات الصنايعية الجهلة؟

متشتريش عربية لونها اسود عشان الخبطات بتبان فيها عشان تعرف تبيعها بعد كدة؟
يا سلام افرض انا بحب الاسود اعمل ايه يعني؟ و لو روحت رشتها نضافة مثلا يبقي العربية كدة لا مؤاخذة سمعتها بقت في الطين كانها اتمسكت في شقة دعارة

متشتريش عربية واطية عشان المطبات
متشتريش عربية تربو عشان البنزين
متشتريش عربية معرفش ايه عشان معرفش ايه

ده ايه الذل ده

و نيجي بعد كدة لقانون المرور العجيب المريب و الله العظيم قوانين حامورابي الي من 3 ولا 4 الاف سنة اكثر عقلانية منها
متحطش فيمية لانك لو حطيت يبقي انت اكيد لا مؤاخذة بتاع بنات بس لو انت ظابط او حتي طالب في شرطة تقدر تحط عشان انت باشا
لو ركبت زينون يبقي نهارك اسود
لو حبيت تعمل عربيتك لونين او اكتر يبقي هتلف زي التور في الساقية
يا سلام بقي لو انت مجنون و حبيت تقلد الي الناس برة بتعمله في عربياتها يبقي هيسحبوا منك العربية و يركبولك انت نمر تمشي بيها

لو انت مش معلق الحزام تاخد مخالفة
طبعا عشان الحكومة خايفة علينا
طيب لو الحكومة خايف علينا ليه بتاخد جمارك علي عوامل الامان في العربيات و بيعتبروها كماليات؟
ليه مش بيصلحوا الشوارع؟
ليه مش بيحطوا علامات ارشادية كفاية؟

يا جماعة عربيات ايه الي احنا بنتكلم عليها بس
المفروض يعملوا ماركة عربيات و يسموها للمصريين فقط
و تكون عبارة عن كنبة بلدي مركبين ليها موتور وهمي و بيجرها حصان او اتنين و اكيد ساعتها الحكومة هتطلع كل فترة و التانية يصوتوا لنا زي الندابة (ست بتصوت في المياتم بفلوس) و يقولولنا احنا هنرفع الدعم عن البرسيم

انا واحد مؤمن جدا بنظرية المؤامرة و عندي احساس شخصي ان الحكومة بتعمل فينا كدة
عشان البشوات يركبوا عربيات نضيفة و طول ما هم ماشيين في الشوارع يتفوا علينا و علي عربياتنا

اقتباس:

المشاركة الأصلية كتبت بواسطة عمرو سرحان (المشاركة 261561)

العربيات الامريكى كلها من جيب ليبرتى و رانجلر و دودج رام ماعدا الديرانجو طبعا انا عندى رام 2009 جايبها ب 320 الف جيت ابعها جابتلى 240 بالكتيير و مرضتش ابعها

معنديش غير كلمة واحدة اقولها بتاعت الممثل الي اسمه حاجة ابو النجا :)
ياااااااا حلااااااااوة

اقتباس:

المشاركة الأصلية كتبت بواسطة mido_4up (المشاركة 261672)

انا اعتقد ان اكتر عربيه مبالغ فى ثمنها فى مصر الكيا سيراتو والكروز و الهوندا سيفيك والمزدا 3 و العربيات المظلومه (لايوجد ) وفى المستعمل زى ما قولت قبل كده الميجان مظلومه جدا

في عربيات كتير كويسة جدا بس مظلومة في تسويقها للاسف او بسبب جشع الوكيل سواء في تمنها او صيانتها

اقتباس:

المشاركة الأصلية كتبت بواسطة Meemo The Beast (المشاركة 325163)

أ هشام
لقد أصبت الحقيقة فليس هناك في مصر ما يباع بأقل من ثمنه فالروث في مصر له ثمن

و حسبي الله و نعم الوكيل في التجار

تشبيه غريب بس فعلا معاك حق