رد: تجربة الكيا نيو سيراتو - 1600 سى سى اوتوماتيك.
 

ايه التقرير المستفز ده!!! اكيد طبعا الكلام ده اغلبه خطا في خطا
كله نقض في نقض
تقريبا انت مكنتش راكب سيراتو انت كنت راكب شاهين او دوجان
بقى الهيونداي مفهاش غير الالنترا؟؟؟!!!!
ده رابع اكبر مصنع سيارات في العالم!!
مفيش حيادية

رد: تجربة الكيا نيو سيراتو - 1600 سى سى اوتوماتيك.
 

ليه رابع اكبر مصنع فى العالم طيب مصنع اودى ولا بى ام دبلو ولا مصنع مرسيدس طيب مصنع فورد وفين مصنع اوبل طيب قين مصنع كرايسلير ولا بورشه
يا عم مصنع هيونداى كبير علشان بصنع عربيات للعالم التالت الى محروم من ركوب العربيات المحترمه زى الالمانى والامريكانى مثلا ROSE4U
تقبل تحياتى

رد: تجربة الكيا نيو سيراتو - 1600 سى سى اوتوماتيك.
 

التقرير كله بيناقص نفسه وناس كتير ردت عليك نقطه نقطه ياريت لو فيه تقارير نستفاد منها تكون علميه وحياديه مش علشان واحد بيحب حاجه يقول حاجه عكس الواقع الىل الناس شايفاه
لكن المعروف ان اى حاجه فى الدنيا ناجحه ليها اعادء واشاعات ده شيىء طبيعى وكده كده لو مليون تقرير السيراتو ناجحه رغم انف ماركااااات كتير ممكن تكون اعلى منها بس انت فى مصر وملتزم بقوانين سوق وقطع غيار

رد: تجربة الكيا نيو سيراتو - 1600 سى سى اوتوماتيك.
 

شكرا يا فادى على التقرير الرائع ده عن العربيه و هو تقرير شامل كل حاجه لكن هو انا عاوز اول انى على ما اعتقد انى الكروز غطت عليها شويه مع انى الكروز غاليه جدا جدا جدا ومعرفش ليه

رد: تجربة الكيا نيو سيراتو - 1600 سى سى اوتوماتيك.
 

اخى العزيز
بعد التحيه
تقيرق للسياره مظبوط بنسبه كبيره جدا لاكن انتا نسيت تقول ان عفشتها نشفه اوى وان مدخل الباب الخلفى ديق جدا وكمان المسافه الموجوده بين العتب والدواسه كبيره زياده يعنى وانته بتقوم من على الكنبه الخلفيه بترفع رجلك مسافه طويله
ونرجع نقول ان الخامات المستخدمه فى الداخل متدنيه بشكل مستفز
بالنسبه للمبيعات انا اقلك هى باعت ليه
1- شكل العربيه ملفت جدا
2- العربيه نزلت فى وقت كان فيه السوق المصريه عطشان ومفيهوش عربيات تشجع
كانت الالنترا مزهقه الناس وبيخافو طبعا من الاوبترا موتور المتسوبيشى 1500سم3 ضعيف والسعر كان غالى والهوندا السيفيك بيقولو عليها واطيه وقطع الغيار غاليه والتويوتا الكورولا مش مقتنعين بالفتيس MMT بتاعها والفيكترا نفس الموضوع ويزيد بقا الوكيل الفاشل فى الصيانه وقطع الغيار والنيبه مهندسين مش فهمين حاجه شغالين عند منصور والصنى مصرى والفورد الفوكس مش محبوبه عند المصريين وطبعا الصينى مرفوض بالمره عند فئه كبيره جدا من المصريين


يعنى بأختصار كدا لو اى شركه غير الصينى طبعا كانت عملت اى حاجه شكلها حلو كانت باعت وعمومن هنروح بعيد ليه اسأل اى حد راكبها وبيصلح فى التوكيل عن اسعار قطع الغيار ومفهوم الشركه عن معنى الضمان والعيوب اللى بتظرلك من اول اسبوع استخدام واولها الكوتش الى بيفقلل من الجنب وغيره
وهنشوف بعد سنتين العربيه دى هتمشى فى الشارع شكلها ايه
انا شايف انها موضه وخلاص خلصت

احمد سنبل