مصر موتورز مجتمع السيارات - توكلت على الله و استقريت على الماروتى

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

رد: توكلت على الله و استقريت على الماروتى - ارجو دخول اصحاب الخبرة فى الماروتى

اقتباس:

المشاركة الأصلية كتبت بواسطة aymanay32 (المشاركة 213275)

لو على التعليم هات موديل جامد شوية تتعلم فيها و ممكن تكسرها و متزعلش عليها و تكون حاجة رخيصة
اما الماروتى متستحملش حادثة اثناء التعليم و تخبيط يمين و شمال لحد ما تتعلم
و انصحك اوفر من دة كله و تعب نفسك و تعبنا معاك روح احسن مركز تعليم سيارات و بعد ما تتعلم على العربيات بتاعتهم كويس جدا روح و حاول تطلع الرخصة و بعد الرخصة روح اشترى الماروتى او اى عربية تعجبك

لان فيه واحد صاحبى اسمه سيد اشترى عربية و اتعلم و بقى يسوق كويس و بعد محاولات استمرت سنه معرفش يطلع رخصة و باع العربية فى الاخر

يا سيدى جزاك الله خيرا انا متشكر انك شاركتنى وجهة نظرك بس مكنتش اعرف انى تاعبك معايا كده

رد: توكلت على الله و استقريت على الماروتى - ارجو دخول اصحاب الخبرة فى الماروتى

الماروتى عربية ممتازة بجد و حمالة قسية ، و ماتحطش فى دماغك موضوع قوة موتورها ده خالص و خصوصا ان العربية زيرو ، انا اعرف واحد بيسافر بيها الغردقة 3 مرات فى الاسبوع .هاتها و توكل على الله و ربنا يباركلك فيها ان شاء الله .

رد: توكلت على الله و استقريت على الماروتى - ارجو دخول اصحاب الخبرة فى الماروتى

جزاكم الله خيرا على جميع الردود وحقا أفادتنى جدا

لى فقط مشكلة وهى أننى طويل وأمامى فرصة جيدة لشراء ماروتى موديل 2007 وبها تكييف وزجاج كهرباء ولكن قابلتنى مشكلة حينما ركبت فى كرسي السائق فقد وجدت أننى مزنوق جدا والدركسيون ملتصق برجلى مع العلم أننى مرجع الكرسى على الآخر

فهل هناك حل مثل تركيب مجارى أطول للكرسي بحيث أستطيع إرجاع الكرسى أكثر وهل هذا سيؤثر على من يجلس خلف السائق

وإذا كان هناك حل آخر فأرجو أن تدلونى عليه

رد: توكلت على الله و استقريت على الماروتى - ارجو دخول اصحاب الخبرة فى الماروتى

اقتباس:

المشاركة الأصلية كتبت بواسطة amrnoor (المشاركة 295341)

فى البداية احب اقولك فيه مثل مصرى بس متزعلش منه لان اسلوبى ساعات بيبقى جامد او ناشف شوية بس عاوزك تفكر بالعقل مش العواطف
المثل بيقول
شراء العبد ولا تربيته
يعنى انت بدل ما تشترى ماروتى و تدور على تعديل علشان الكرسى ضيق عليك و تعمل مجارى حديد من تحت و تضيق على الجالس خلفك و محدش يقعد خلفك الى الابد و المجارى تفك اللحمات بتاعتها و تبدأ فى معاناه و تدور على حلول للمعاناه و تشيل الكرسى و تروح تلحم و اللحام يفك و يطلع غلط و الكرسى يطلع فى الاخر فيه حدفه يمين و لا شمال و مش مرتاح فى الكرسى و تبقى عاوز تقول انا غلطت بس بتعاند مع نفسك
ممكن تشترى عربية تانية تكون واسعة شوية و جرب البولونيز اقعد فى الكرسى و شوف الفرق
و ان عجبتك توكل على الله و دور على البولونيز و لغاية ما تلاقى حاجة حالتها كويسة و ربنا يعينك

رد: توكلت على الله و استقريت على الماروتى - ارجو دخول اصحاب الخبرة فى الماروتى

يا جماعة انا ناوي اجيب ماروتي ان شاء الله بس الشيطان بيهرشني في دماغي على حاجة صيني زي الشانا بيني بنفس السعر 1300 سي سي وفرق الشكل وتتكييف وباور و جنوط ومرايات وزجاج كهرباء و كل الحبشتكنات دي ... ايه رأيكو..؟؟