مصر موتورز مجتمع السيارات - عربيتك نوعها إيه ؟؟؟

عربيتى برة مصر

فى دول الخليج ... أسعار العربيات مختلفة تماما ومنخفضة جدا عن مصر ... بالرغم من الإختلاف فى الدخل .... و بالتالى لا توجد مشكلة إنك تشنرى أى عربية تعجبك أو تحلم بها و تغيرها بعد فترة وجيزة .... و سوق المستعمل منتعش جدا جدا و مضمون .... المشكلة الرئيسية هى الحصول على رخصة القيادة .... ودى صعبة شوية نظرا للجدية و الصرامة فى الإختبار .... طبعا الوضع فى دول الخليج أيضا يختلف من دولة لأخرى ... لكنها فى أغلبها متشابهة....

فى كثير من الأحيان كان يتم توفير السيارة عن طريق جهة العمل ..... أو أن تشترى سيارة مستقلة بك .... و غالبا كل ثلاثة أو أربع سنوات يتم تغيير السيارة بموديل آخر ....

أول سيارة لى كانت منذ أكثر من 10 سنوات .... تويوتا RAV4 ... سيارة أكثر من رائعة ... جيب هاتشباك مانيوال باور و تكييف .... كانت عربية عملية وجميلة جدا ....

بعدها تويوتا كرسيدا 96 .... ودى كانت حلم وقتها .... لآنها كانت السيارة رقم واحد من حيث المبيعات .... و الللى كان يشوف الشوارع وقتها يقول إن مصانع اليابان شغالة بس على إنتاج الكريسيدا و مصانع أمريكا شغالة بس على إنتاج الكابريس .... و دة من كثرة السيارات المنتشرة يكثافة من هذه النوعية .. زى موقف أحمد حلمى فى القاهرة فى أواخر السبعينات و أوائل الثمانينات كانت مصانع بيجو شغالة لحسابه تقريبا ptmnlo123per136 و الغريب إن كل الموديلات الناجحة دى تم وقف إنتاجها فى قمة نجاحها.

و بعدها إشتريت أنا سيارة خاصة لى و كانت سوبارو إمبريزا موديل 98 هاتشباك .... جميلة و عملية و عائلية .... و خلال تلك الفترة كان موفر لى من العمل سيارة كامرى 2001 ثم ليكزس 94 موديل LS 400

و حاليا سيارتى الشخصية... شيفروليه لومينا 2005 ..... أوتوماتك ... عربية قوية وثابتة و ....أمريكى .... و كانوا دايما يقولولك لو ماركبتش الأمريكى تبقى ما ركبتش عربيات ..... بس الكلام دة جايز كان زمان ...

أما أكثر عربية عجبتنى فعلا فعلا من كل دول... فهى الليكزس ... وبرغم إنها موديل سنة 94 إلا إنها كان فيها كل ما تتمناه فعلا حتى وقتنا هذا و بدون أى مبالغة .... حتى التابلوه تحفة فعلا .... إمكانياتها و تكنولوجيتها متقدمة جدا جدا عن عصرها ... تحس إنك فى كابينة طيارة .....
مشكلتها الحقيقية هى فى معدل إستهلاك البنزين ... محتاجة بير بترووووول .... و قطع غيارها ناااااااااااار بمعنى الكلمة .... و صيانتها لأتفه مشكلة فيها لازم تروح التوكيل ..... و الموديل الجديد منها تقريبا يشبه يخت ملكى .... ياختى عليه ptmnlo123per145

و كفاية كدة لأنى طولت عليكم جدا ....