المشاركة الأصلية كتبت بواسطة zing0 (المشاركة 985573)

أنا برضوا من رأيى عم حمدى المخترع
بس لو تعرف تعمل لها عملية منظار إستطلاعى زى ما قالك الأستاذ عمرو يبقى أفضل, عالأقل تعرف الطحينة و السخونه دى منين.
و بعدين لو حضرتك غيرت الزيت بزيت جديد و برضو بقى طحينة (إكشف عليه من المقياس مش الغطاء) يبقى كده أكيد الوش كان محتاج خراطة و عمو الميكانيكى محتاج خناقة.

أعانك الله

المشاركة الأصلية كتبت بواسطة amr elsisi 1 (المشاركة 985571)

المشاركة الأصلية كتبت بواسطة aymanlaw (المشاركة 985554)

عايز 850 بأمارت إيه ابن التيييييييييت ,, طيب ليه حضرتك مرحتش او تروح للأخ حمدى (مخترع الفتيس بدون دبرياج)لأن من كلامك فى فك الموتور والطمبورة وضبط التكيهات يعنى مستر ميكانيك ده أخره يلم الرولمان بلى علشان يعرف يقوله رولمان مش رومان وسيفتى بالف مش سكس بالف ,,الله يخرب بيت البقر (وحضرتك ,,استغفر الله العظيم استغفر الله العظيم ,,حضرتك يارب بزمتك ينفع كده !! وزعلان من صانيعى طمبوره عايز 850 جنيه حق مامبوظ ولامابوز ولامابوذ والله مانا عارف بتتكتب إذاى ,المهم عايز فلوس بعد كل هذا الحب القاتل ,, ماهو عنده حق إذا كان باباه بيقول حضرتك يارب (اعوذ بالله) يبقى حضرتك ياباشمهندس وائل مش عايز خبير وكالة ناسا مايطلبش 850 جنيه لالالالا حضرتك ظالم هذا الكائن الخرافى ظلم بين !!المهم الف سلامة وربنا يكرمك وتنتهى من المشكلة دى وترجع العربية بأذن الله لحالتها الطبيعية وأحسن ,, مرة إخرى بأقترح على حضرتك ان تذهب الى الأخ حمدى وإنسى الأخ E.T

المشاركة الأصلية كتبت بواسطة ahmed_eng2001 (المشاركة 985622)

حضرتك وقعت فى الاخطاء الطبيعية العادية الى الكل ممكن يقع فيها ... و هى الاستعجال و دخلة العيد

المشكلة .. حتعمل ايه مع الميكانيكى ؟؟
لازم الاول تظبط العربية تانى و بعدين تشوف الميكانيكى ده ... و انا رايى .. متروحلوش تانى .. حضرتك اقريت بمستواه الضعيف .. فلو خليته يشتغل فى العربية تانى يبقى حضرتك بتغامر بتصليح العربية ... فى مقابل بقية الفلوس ...

و ده الخطأ التانى .... كان المفروض ان حضرتك تتفق معاه على المصنعية قبل ما يبدأ يفك ... طالما حضرتك ما تعرفهوش .. و لم تتعامل معاه من قبل
رأيى المتواضع ... حضرتك تودى العربية لميكانيكى تانى كويس على رواقة ... و تتفاهم مع الميكانيكى القديم .. ممكن توريله العربية .. بس متخليهوش يشتغل فيها تانى
و ربنا يوفقك