مصر موتورز مجتمع السيارات - عمرات (اصلاح) محركات السيارات

اقتباس:

المشاركة الأصلية كتبت بواسطة romeoalmansour (المشاركة 916753)

وبالمناسبة العداد دا بيتباع في محلات معدات السيارات - ودا سهل جدا الميكانيكي يستعمله
وفي بعض السيارات بقدر احصل علي نسب الانضغاط بجهاز الكومبيوتر - الموضوع دا محدش بيعمله خالص - عمري ما شوفت حد بيعمله خالص - علي الرغم ان الموضوع دا موجود في اجهزتهم ويسهل شغل كتير قوي - انا هسال سؤال وعايز الناس تحاول تجاوبة - لتعم المعرفة - وان شاء الله انا هجاوبة بس بعد معرف رايكو
السؤال:- ازاي جهاز الكومبيوتر بيقيس نسب الانضغاط جوا الاسطوانات ، من فيشة كشف الاعطال بدون اي وصلات اضافية؟؟

أعتقد ان أحد مدخلات كمبيوتر السيارة من البيانات التي تدخله بصفة دائمة من الحساسات من ضمنها نسبة الإنضغاط ليطمئن على جودة الاحتراق , ولكني شاكك في نقطة معينة , أليس نسبة الانضغاط ثابتة للمحرك الواحد ولا تتغير غير بإحداث خرط للبلوك أو لوش السلندر ولو الكلام ده صحيح , فهل حضرتك تقصد نسبة الانضاغاط ولا قيمة الانضغاط داخل كل اسطوانة ومقارنتها بالقيم الفعلية المسجلة بكمبيوتر السيارة للتعرف على أداء أسطوانات المحرك .
في حدود علمي

نسبة الإنضغاط بمحرك السيارة = Vc+Vcy / Vc حجم الأسطوانة + حجم غرفة الاحتراق / حجم غرفة الاحتراق
وبتخرج نسبة 9 : 1 ----------- 13 : 1

أم قيمة الانضغاط بالأسطوانة فهيكون مقصود به F/A قوة (كتلة*عجلة) / مساحة
وبتخرج قيمة بالبار أو psi

معلش الإجابة ملخبطة ومنتظر الإجابة الصحيحة , بارك لله فيكم وزادكم علما جميعا