مصر موتورز مجتمع السيارات - أصحاب المعارض بتشتم فى الm11

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

- - أصحاب المعارض بتشتم فى الm11 (https://www.masrmotors.com/vb/showthread.php?t=108770)

رد: أصحاب المعارض بتشتم فى الm11

اقتباس:

المشاركة الأصلية كتبت بواسطة جمال عبدة (المشاركة 850605)

انا تحت امرك ياميدو اي خدمة ياغالي انا كنت زيك فضلت ادور علي النت وجمعت مواصفات واسعار جميع السيارات ف خلال الفئة السعرية الي معايا لمدة اكتر من اربع شهور لحد مادماغي ونت والحمد للة ربنا وقف ف طريقي الي هداني للعربية دي متسمعش كلام حد وخليك ف الي انت هاتستريح له وبعدين لما تشوف علي الطبيعة وتركب وتجرب خلاف ماتشوف عا النت من مواصفات وكلام يتوهك وربنا يبارك لك فيها ويحميك من شرها بس بأمانة يامحمد حافظ علي العربية دي وصونها بلاش تبهدلها وبلاش كمان رجل( بكسر الجيم ) غيرك يركبها لان الي بيركب عربية مش خاصة بية متفرقش معاة بيبهدل براحتة انما انت هاتحافظ عليها لان تعتبر دي عربية العمر ومتسمعش كلام حد بعد ماتستلمها ان شاء اللة هاتسمع كلام كتير (صيني ياراجل ملقتش غير صيني )واتبع فترة التليين ونفذها بحذافيرها لان الفترة الالف دي مهمة جدا ان العربية تعيش معاك واسف علي الاطالة بس حبيت انقلك ماكنت انا فية قبلك تحياتييييييييييييييي :Wkiss5:

تسلملى يا غالى يا رب

طب سؤال أخير لما اروح استلمها باذن الله انا عارف انى هشيك على جسم العربية وهل متخربشة والا لا وعلى كهرباء الزجاج والسى دى والفلاشة وهفتح ابص بصة على الماتور بس مش فاهم هبص عليه ازاى ؟؟ وحاجة كمان هبص على عدادات الكيلو ميترات
تمام كدا والا فيها حاجة كمان ؟؟

رد: أصحاب المعارض بتشتم فى الm11

اه نسيت انى هشيك على الانوار كلها اللى فى العربية بخلاف توزيعها طبعا

رد: أصحاب المعارض بتشتم فى الm11

بص ياحبيبي اقولك الي حصل معايا انا دفعت عربون للسيارة علي اساس انها هاتيجي باكر وفعلا تاني يوم رحت المصرية ب توريل كانت نازلة من الونش اول حاجة دخلت علشان تتغسل ف الجراج الخاص بالشركة علشان تراب الصحراوي كان مبهدلها وفعلا اتغسلت وبقت زي الفل حضر فني التسليم وشيك علي العربية وانت قاعد بجوارة بيشرحلك دا اية ودا اية ولازم تجرب كل حاجة بداأ من قفل الزجاج وفتحة من الريموت ثانيا من الداخل لما تشغل العربية هتلاقي ف لوحة العدادات كل حاجة بتظهر ادامك من الحزام وحالة الموتور والabs وحاحات تانية بتختفي بعد ماتشيك علي العربية واذا كانت فية مشكلة بتفضل ظاهرة علي الشاشة مثلا زي الحزام فرامل اليد هاتبص تحت العربية واتعب شوية وحاول ان تنظر الي اسفل العربية علشان لو فية زيت ولا حاجة بعد كدة تجرب يد فتح غطاء التانك لان الي حصل معايا لقيتها مكسورة ومرمية بالكرسي الخلفي بي بعد كدة رحت عيسي وغيرتها ب60 جنية بالمصنعية وخدتهم تاني من المصرية هتاخد اتنين مفتاح ريموت واحد هتلاقي علية سريال نمبر دا احتفظ بية وخلي التاني هو الي معاك جرب التكيف هو المفروض انك لا تشغلة الا بعد 500 ك لكن لازم تستلمة شغال وثلاجة كمان هيدولك كفر هدية ودواسات راجع علي العدة الموجودة ف شنطة العربية مع الاستبن -- لما تفتح الزجاج جرب تقفل السيارة بالريموت وخليك دايس شوية علي الريموت علشان تتاكد ان الزجاج بيقفل مع العربية راجع علي المرايا اليمين والشمال هتلاقي اتنين زرار علي شمالك بجوار عجلة القيادة اول زرار يمين خاص بالمرايا اليمين وجرب تطلع الزجاج فوق وتحت ويمين وشمال والمرايا الشمال كمان جربها خلي بالك ان قفل الكبوت رخم شوية لازم يترزع شوية متقلقش منه بالنسبة للموتور مفيش مشاكل فية لان العربية زيرو لو لاحظت ان اي شيء ظهر ادام علي لوحة العدادات ولم يختفي مع ان العربية ماشية كويس ابقي شيل كابل البطارية وركبة تاني لان لما بيغسلوا بيفصلوا كبل البطارية لا تقلق لان الكومبيوتر احيانا يعلق تشيل الكابل وتركبة هتختفي المشكلة مش عارف هل لميت لك كل حاجة ولا نسيت حاجة بعد كدة هتاخد العربية بالسلامة وتروح لاقرب بنزينة وتفولها 92 اوعي تفولها اي حاجة اقل من 92 وخليك مع الضمان هم بيستهبلوا ف اسعارهم شوية بس علشان محدش مش فاهم يلعبلك فيها وربنا يباركلك فيها والمنتدي فيه ناس عباقرة وخبرة بنستفاد جميعا منهم

رد: أصحاب المعارض بتشتم فى الm11

نسيت اقولك حاجة بص علي العداد بتاع العربية انا مستلمها عاملة 32 كيلوا اهم حاجة الحتة دي خد بالك منها

رد: أصحاب المعارض بتشتم فى الm11

اقتباس:

المشاركة الأصلية كتبت بواسطة جمال عبدة (المشاركة 850621)

كل ده تمام بس فين الاقى دى
يد فتح غطاء التانك
وأنا كاتب تحت انى هبص على عداد الكيلو متيرات ، عمرى أطول من عمرك هههههه