رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

[QUOTE=Limoway;308091]كلام ميه ميه وسليم للغاية بالنسبة للأسر الخليجية الميسورة الحال

بالنسبة للأسر الفقيرة أو المتوسطة بتفضل السيارات العائلية الطويلة زي الي في الصور دي
ده لان السيارات دى بتجمع بين جميع الاغراض فى سياره واحده وانا متفق معاك فى النقطه دى .ROSE4U

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

بناء على كل ما سبق....اقدر الخص في النقاط التالي:
1- البي ام اللي عايز يركبها ينسى حته اعادة البيع ..عشان ميزعلش على الفلوس لو حب يبيعها بعد سنة او اثنين..خسارة خليها معاك ومش هتندم.
2- البي ام لا تشترى الا مستعملة للاستفادة من فارق السعر الرهيب .
3-البي ام لا تقارن باي سيارة اخرى من ناحية الثبات والراحة والاوبشن(ما عدا المرسيدس) ..من الاخر ..عربية ركوووووووبة.
4-اعتقد وفي رايي ان البي ام حتى لو مستعملة افضل من عربيات زيرو كثير يعني لو هدفع فيها 220:240 الف ج مش هكون ندمان..
5-استمتع قدر ما يمكنك بهذه السيارة الرائعة وانسى الدنيا ...وتذكر دائما انك مش راكب عربية مستعملة...انت راكب BMW

مع خالص شكري وتقدري وفي انتظار تعليقاتكم

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

بصوا هديكم مثال بيحصل عندنا زي ما بيحصل في الخليج
لو فيه واحد هنا في مصر معاه 50 الف جنية و حب يشتري عربية مستعملة و قدامة حاجة من اتنين يا كريستالة 99 يا فيكترا 99 و عمل استطلاع رأي أراهنكوا ان 90% من الاراء هتكون في صالح الكريتالة لية لرخص قطع الغيار و مصاريف الصيانة .
يا فرحتي اكون راكب عربية خرافة بس تكيفها محررني او استهلاكها في البنزين عالي جدااااااا عن الياباني او لو عطلت بيا ادوخ السبع دوخات علي حد يكون بيفهم فيها واحد صحبي اشتري بي ام 325 اي موديل 98 اشتراها ب 9 الف درهم و بعد 3 اسابيع باظت منه و اكتشف انها عايزة تتصلح ب 11 الف هههههههههه و بعدين احنا هنا في مصر الياباني عندنا هو الصني و اللانسر و الكورولا . لاكن في الخليج عندنك اللكزس و الانفنتي ثبات و كماليات قريبة جداا جداا للبي ام بالاضافة لتكيف اقوي و استهلاك بنزين اقل و سعر اعادة بيع احسن

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

طيب لو سمحتلي ممكن نعدل شوية في المثال...لو واحد معاه 50 الف هيشتري كريستالة 99 او مرسيدس 83-84 او بي ام مو 93-95 .......
يا ترى هتكون ايه الاجابة 90 % لصالح الكريستالة ؟؟؟

رد: B M W اسم جميل سيارة جميلة لكن عند البيع لا تساوى شىء حقيقة ودراسة تقول ان
 

اللهم احفظنا جميعا من شر الحوادث لو عايز تقارن بين الالمانى واليابانى قارن بين نتيجة الحوادث لكلا منهما وساعتها هتعرف قيمة الالمانى لان اليابانى هتفضل تستمتع به طول فترة استخدامك له بجودة المكيف وعدم اعطال الموتور وسلاسة القيادة ولكن الغلطة منه بفورة لاقدر الله وقتها مش هينفعك الاستمتاع وتتمنى لو انك كان معاك حتة المانى حتى لو كنت دفعت على صيانتها قد تمنها ده لو اتكتب لك انك تتمنى اسأل الله السلامة لنا جميعا