مصر موتورز مجتمع السيارات - مسابقة الف شكر لاعضاء مصر موتورز

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - مسابقة الف شكر لاعضاء مصر موتورز - 2010 (https://www.masrmotors.com/vb/showthread.php?t=40822)

رد: مسابقة الف شكر لاعضاء مصر موتورز - 2010

اقتباس:

المشاركة الأصلية كتبت بواسطة samirayad (المشاركة 296774)

علشان أبو نورا

يعرف أنا بأتكلم وأنا قلبى جامد

وعارف الكرم البورسعيدى

أنا عشت فى بورسعيد 15 سنه

وفاهم كل حاجه كويس

الشعب البورسعيدى رجاله بصحيح

ربنا يكرمك يا هندسة على زوقك وكلامك الجميل ..

ROSE4U

رد: مسابقة الف شكر لاعضاء مصر موتورز - 2010

الله يخليك

يا أخويا : حسام

رد: مسابقة الف شكر لاعضاء مصر موتورز - 2010

إسمحلى بإضافة بسيطة يا أبونورا
(هغشش الناس و أقولهم على حاجة)

ممكن كل واحد يزود إحصائياته بإنه يستخدم صحابه و قرايبه و معارفه و زمايله
خليهم يسجلوا فى المنتدى (بعضويات حقيقية)
خليهم يتابعوا موضوعاتك و مشاركاتك
عرفهم بأداة الشكر و خليهم يشجعوك علشان تكسب

و للتذكرة إللى ما كسبش النهاردة قدامه عشر أيام يخطط و يدبر علشان يكسب
و ممكن واحد يخطط إنه يكسب فى نهاية المسابقة خالص بعد ما يكون بنى قاعدة إجتماعية خاصة بيه تساعده على الفوز

يلا شدوا حيلكم

الموضوع محتاج نشاط و شوية إتصالات على تليفونات

بالتوفيق للجميع إن شاء الله

رد: مسابقة الف شكر لاعضاء مصر موتورز - 2010

اتمنى لك يا استاذ وائل النجاح الدائم بائذن الله ...

وان كان شخصا يستحق الشكر فهو انت ,,,ROSE4UGIFT4U

لكن انا مش فاهم المسابقة (what)

رد: مسابقة الف شكر لاعضاء مصر موتورز - 2010

الأخ العزيز ابونورا طبعا انا شاكر لحضرتك جدا جدا جدا على فكرتك وانك رشحتنى وانا رقم 8 بس اسمحلى انى اتكلم فى كام نقطة كده وياريت حضرتك تقراها وتجوبنى :

اولا : كان نفسى اتشرف بحضرتك فى مقابله امبارح بس للأسف انا مشيت ومشوفتش حضرتك وكان نفسى اتعرف بحضرتك حقيقى والله لذوقك وادبك وحوارك الممتع مع جميع الأعضاء .

ثانيا : اطلب من حضرتك ان تحذف اسمى من المرشحين لأن اللى استفدته امبارح من المقابله الجميلة دى كان اكتر من اموال الدنيا جميعا ولا يساوى تمن ولا كنوز العالم كله ومن حضر المقابله هيقدر ويفهم كلامى كويس من حب بين الأعضاء وكأننا اسره واحده كلنا .

ثالثا : تحفيز الأعضاء لن يكون عن طريق المسابقات ولا الأموال ( اسف لو رأى ضايقك ) ولكن كلنا بنشارك بعض عشان نتواصل ونتعرف ونحل جميع المشاكل اللى بتقابلنا واللى بتقابل غيرنا وذلك حب فى المنتدى واعضاءة وليس من اجل مصلحه والله وحده يعلم اد ايه انا رجعت طاير من الفرحه من المقابله الجميله بتاعه امبارح وفعلا يوم لايعوض ولا يساويه اى شىء اخر .
وفى الأخر المكسب الحقيقى اللى الواحد كسبه هو انه عضو فى مصر موتورز ودة يكفينى شخصيا جدا جدا جدا وارجو الا اكون ضايقت حضرتك بكلامى وتقبل خالص احترامى وتقديرى لشخصك الكريم .