رد: حد جرب يقسط من العروض بتاعت المنتدي ؟؟؟؟
 

طيب إيه المشكله

أنك تروح تقابل أصحاب العروض

وتقابلهم مباشرة

وتاخد وتدى معاهم فى الكلام

أكيد

وقتها هتقدر تقرر

-------------------

وثق تماما

طالما ( مصر موتورز )

سمح بعروض على صفحاته

فهو بالفعل يعلم جدية تلك العروض

---------------------

وإلا مكنش سمح بها على صفحاته

----------------------

أظن ده كلام منطقى ولاغبار عليه

رد: حد جرب يقسط من العروض بتاعت المنتدي ؟؟؟؟
 

انا مريت بتجربة مريرة بس الحمد لله ربنا نجانى فى اخر لحظة
واحد صاحبى اشترى سيارة فرنا مستعملة من معرض المسعود وكان بيشكر فيهم جدا
قولتلة كلمهم شوف لو عندهم لانسر بومة اتوماتيك نظيفة للبيع بالقسط ؟
بعد يومين كلمنى وقال فى سيارة فضى 1300 cc مو 2007 كاملة + 5 جنط اسبور و فوج لايت
قلتلة تمام ورتبت معاد معاة ورحت انا و صاحبى و الميكانيكى واتفرجنا على العربية وكانت جميلة فعلا و العداد 59000 كم
دخلنا لمدير المعرض
مطلوب كام ؟ قال لو قسط العربية ب 69000 جم ادفع الى انتا عاوزة و قسط الباقى على اى عدد من السنين بفائدة 12% سنويا وكل ما تزود المقدم يقل القسط
المهم انى لعبت على موضوع المقدم ( زوت المقدم حتى 50 % ) وفاصلت فى تمن العربية حتى 66000 جم
يعنى هدفع مقدم 33000 جم وهقسط الباقى على 3 سنين
نيجى بقى لول نقطة تزعل . لازم المدام تمضى على ايصال امانة بكامل المبلغ (66000 جم )
طبعا انا دمى فار . رد مدير المعرض وقالى معلش دى سياسة المعرض الزوجة او الاب او الام لازم يضمنوا الشارى
وبالنسبة لى طبعا دفتر شيكات محترم وامضى كافة الاقساط بشيكات بنكية ( ماشى مش مشكلة )
وكمان شيك منى بكامل قيمة السيارة ( 66000 جم )
انا كنت قلقان جدا بس شكل المعرض وكم العربيات الموجودة خلانى مطمن ( عندهم عربيات تعدى 20 مليون جنية بلا مبالغة )
وكانت الطامة الكبراااااااااااااااااااا ااااى
لاقيت مدير المعرض جايب توكيل وبيقولى سجل التوكيل دة فى الشهر العقارى ؟؟؟؟؟؟؟؟
لاقيت توكيل بالبيع و نقل الملكية للنفس و الغير . وياريت مثلا التوكيل لصاحب المعرض او المدير لالالالالالالالالا
والله العظيم مكتوب اسماء 12 واحد
مدير المعرض و تلاتة محاميين وشوية سكرتارية ؟
انا قلت لاء مابدهاش
مش لاعب ( قصدى مش شارى )
مين دول ؟ وافرض واحد منهم حصل خلاف مادى لاى سسب بين المعرض و بين الشخص دة الاقية مبيعنى العربية بموجب التوكيل الى معاة
المهم انى سحبت ايصالات الامانة وماكنتش لسة وقعت على الشيكات وقلت لمدير المعرض هخلص العربية كاش
طبعا كدة احسن لية ولية
وفعلا خلصت العربية كاش على 65000 جم و الاجمل مصاريف العقد المسجل على المعرض وكانت فى حدود 1450 جم ( العربية مو 2007 وكنا وقتها فى سنة 2010 )
انا شايف ان كدة احسن كتير القسط وجع دماغ و بتقف العربية اغلى بكتير جدا
وتقبل مرورى وربنا يوفق الجميع
:fun_36_3_11[1]:

رد: حد جرب يقسط من العروض بتاعت المنتدي ؟؟؟؟
 

الف شكر للردود
و انا مش عامل الموضوع ده عشان اشكك في المنتدي
انا عامل الموضوع ده لاني روحت لاكتر من معرض و ملقتش فيه جدية في
تعاملهم خالص -- فحبيت اعرف تجارب الاعضاء يمكن انا حالة طارئة

رد: انا مش فاهم حاجه خالص ( تقسيط سياره )
 

رد: حد جرب يقسط من العروض بتاعت المنتدي ؟؟؟؟
 

لو انا كنت اخدت فيه اعدام دا ربنا صبرك ومسكت اعصابك