|
|
رد: مخطط تصفيه الثوره ,,
https://scontent-cdg2-1.xx.fbcdn.net...8c&oe=586E9284
هو البرادعى مجددش باقة النت و لا ايه ؟! و لا تويتة كده عن قتل جنود جيش سوريا من امريكا ؟! و لا تويتة كده عن ادعاء انجلترا بتخريب ليبيا بسبب تقارير غير صحيحة ؟!؟!معقولة كده يا راجل ؟! منقوووووووول |
رد: مخطط تصفيه الثوره ,,
لما سوريا اسقطت مقاتلتين إسرائيليتين، ماسمعناش من النشطاء و المأجورين غير الصمت.. مع إن الخبر دا يسعد أي شريف، معتبر إسرائيل عدو، بيجور علي دول شقيقة، و بيحرك الإرهاب في المنطقة في حروب عصابات بالوكالة لا أول لها و لا آخر..
لما هاجم النشطاء الجيش المصري و طعنوا في مصادر دخله و ميزانيته، و حولنا المناقشة إلي الجيش الأمريكي، اللي بيضيع تريليونات هم نفسهم مش عارفين فين بالضبط.. فوجئنا منهم بدفاع مستميت عن الجيش الأمريكي...! دا برضه مش مفهوم أبدا من ناس بتقول لنا طول الوقت "النظام المصري منبطح لأمريكا".. "النظام السوري عميل إسرائيلي".. إلخ... لما الجيش الليبي استرد هلال النفط، فوجئنا بالصمت مرة أخرى... صمت طويل حزين مغلف بالغيظ.. سببه مش مفهوم إطلاقا، لو عرفت إن الجماعة دول قالوالنا إنهم "ثاروا علي الأنظمة لأنها عميلة لأسرائيل".. لما مصر قصفت داعش في ليبيا.. خرج علينا الجماعة إياهم يعيطوا و يبكوا علي الأطفال اللي مصر قصفتها...! مش عارف إيه الأطفال دي بالضبط و للا داعش فاتحة في معسكراتها حضانة و للا إيه ظروفهم بالضبط.. بس هو دا التصريح الكوميدي اللي سمعناه بالمللي وقتها... لما روسيا قصفت الإرهابيين في سوريا، سمعنا الولولة و النحيب.. روسيا بتقتل الأطفال.. لأ دا التصريح الأكثر كوميدية اللي أطلقه حمير قناة الجزيرة كان: روسيا "تستهدف" الأطفال... يعني لك أنت تتخيل "سيرجي شويجو" وزير الدفاع و هو بيخاطب قائد القوات الجوية الروسية و بيقول له: "إيه العيال اللي بتشتري عسلية هناك دي؟؟ إزاي سايبينهم.. دول لازم يتصفوا فورا".. فيتحرك الطيران الروسي يقصفهم.. دا يديلك فكرة عن مدي "الكفاءة العقلية" للسادة النشطاء و الثوار بأجر في فبركة الأحداث.. يعني مش بيديلك تصريح خارج حدود المنطق.. لأ دا خارج حدود العقل نفسه على الإطلاق... امبارح اللي حصل إن القوات السورية كانت مشتبكة مع إرهابيين داعش.. فخرج الطيران الأمريكي و قصف القوات التابعة للجيش السوري.. و قالوالنا "ضربناهم بالخطأ.. لامؤاخذة"... |
رد: مخطط تصفيه الثوره ,,
المشكلة في أمريكا المتحضرة العظيمة جنة الله في الأرض اللي بيسبح النشطاء و الثوار بحمدها و يحلموا بالهجرة ليها و يسجدوا في مطاراتها للعلم الأمريكي.. إنها دولة قايمة علي الخطأ الظاهر.. يعني أمريكا سبق لها و ألقت أسلحة بالباراشوت علي داعش و النصرة حوالي 48 مرة..
ألقت مواد غذائية و مساعدات علي داعش و النصرة أكتر من 50 مرة.. و ألقت عليهم مواد دوائية حوالي 26 مرة... الكلام دا مش من تأليفي.. دا ممكن تجيبه من أخبارهم ووكالاتهم نفسها.. السي إن إن و البي بي سي و البلاوي إياها... كل مرة قالولنا "إحنا آسفين دا بالخطأ"... تعال بقى نمسك أمريكا العظيمة اللي بتسجدوا لها في المطارات دي.. اللي جيشها صارف 5.5 تريليون.. يعني خمستلاف و نص مليار دولار.. و مش عارف صرفهم في إيه.. اللي بترمي أسلحة و تعيينات و مساعدات علي "العدو" بالخطأ.. اللي الشرطة فيها بتقتل 3 مواطنين يوميا علي الهوية.. عشان لون بشرتهم أسود من 2014 لحد النهاردة بالخطأ.. اللي بتدخل فراولة فيها فيروسات كبدية و بتعدي من الرقابة "بالخطأ"... اللي دمرت العراق "بالخطأ".. و خربت ليبيا بالخطأ.. و اختفى من الإحتياطي الفيدرالي 9 تريليون دولار بالخطأ... مش عارفين راحوا فين برضه... و اتسلل فريق إرهابي إلي قلب الولايات و خد طيارتين دخل بيهم في أكبر برجين في العالم "بالخطأ".. و اتسرب 200 مليون جالون مية مجاري لمياه الشرب في فلوريدا النهاردة الصبح "بالخطأ"... و اتسربت نفايات مشعة في مياه الشرب في فلوريدا برضه أول امبارح بالخطأ... معلش هو إيه الميزة في الدولة دي اللي مخلياكم بتدافعوا عنها الدفاع المستميت دا؟ دولة زي دي و بالحجم دا مع معدل الأخطاء و جسامتها.. إيه الميزة بالضبط اللي فارقاها عن "تشاد" و "الجابون" بنسبة الأخطاء المروعة دي؟ دا انت بترمي علي عدوك سلاح و بتقصف القوات اللي بتحارب الإرهاب و فلوسك بتتسرق و لا كأنك في مولد سيدي البوهي في قنا... إيه بقى الفكرة اللي مخلياكم معجبين بدولة زي دي.. و باسم يوسف بتاعكم في حملة هيلاري - 80 سنة- عشان تمكين الشباب و كده - هيلاري اللي محدش عارف هي مريضة بإيه - عشان الشفافية و كده - و بتروحوا تسجدوا لعلمها في مطار نيويورك ... ممكن الدكتور عصام حجي يطلع يكلمنا عن فشل أمريكا و غباوتها و انحطاطها و سقوطها في نسبة مروعة من الأخطاء بسبب فشل التعليم هناك؟ معلش اللي عامل نفسه مش شايف كل دا.. و مش شايف أمريكا و هي بتسرق من فلوس دافعي ضرائبها عشان تدعم داعش.. و تقصف الجيوش النظامية عشان تساعد الإرهاب.. و عامل نفسه مش واخد باله و الطيارات الإسرائيلي بتقع.. و بيغض البصر عن نفايات نووية في مياه الشرب الأمريكية و عمال يقول لنا "اتعلموا من أمريكا".. و عمل حفلة علي 5 طن فوسفات وقعوا في النيل.. دا مش شخص مش فاهم.. أمريكا امبارح بالليل اتهمت رسميا في مجلس الأمن إنها بتدعم داعش.. مبقاش في حد مش فاهم... دا مأجور بمنتهي الصراحة و المباشرة.. ماتزعلوش بعد كده لما نقول عليكم خونة.. أنتوا فعلا كذلك.. منقوووووووول |
رد: مخطط تصفيه الثوره ,,
|
رد: مخطط تصفيه الثوره ,,
|
| الساعة الآن 07:18 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017