مصر موتورز مجتمع السيارات - مخطط تصفيه الثوره ,,

•°•صديقى المتعاطف للأسف مع الخونة...عايز أفكرك بكام حاجة يمكن تزعلك ولو إنك بارد:
•انت أول واحد سمعته بيتريق على قناة السويس الجديدة؛ ومع ذلك شفتك بعينى الصبح بدرى رايح البنك و بتتلفت وراك زى الحرامية وداخل بتشترى شهادات استثمار .
•وانت أول واحد ضحكت على مشروعات الإسكان الجديدة اللى بينفذها الجيش؛ ومع ذلك كنت أول واحد واقف ف الطابور وبتسحب كراسة الشروط، وخلاص دلوقتى استلمت شقتك الجديدة و ألف مبروك.
•وانت أول واحد قلشت وسخسخت من الضحك لما الجيش عمل منافذ لتوزيع المواد الغذائية؛ ومع ذلك بشوفك كل أسبوع واقف وبتزاحم وبتتخانق وبتشترى منها كل طلبات بيتك .
•وانت أكتر واحد بتشتم فى الجيش؛ ودايما تضحكلى الضحكة الصفرا اياها وتقولى عسكر وجيش المكرونة وباقى مفرداتكم القذرة؛ ومع ذلك بقالك شهرين رايح جاى ع الكليه الحربية مع ابنك وهتموت وتدخله أى كلية عسكرية و بأى طريقة.
•والنهاردة انت أول واحد برضة معترض ومش عاجبك وزير تموين بخلفية عسكرية... الخ
نفسى تخليك راجل ايجابى ولو مرة واحدة وتثبت على موقفك؛ ومن الشهر الجاى ترفض إنك تروح تصرف التموين والعيش اعتراضا ع الوزير الجديد؛ ويا سلام بقا لو طلعت ايجابى اكتر ورُحت وقفت قدام وزارة التموين وحرقت بطاقة التموين بتاعتك اعتراضا على عسكرة الوزارة! اقسم لك بالله يمكن ساعتها انسى كل ندالتك وتناقضاتك وشيزوفرينيتك ويمكن ساعتها احترمك واعتبرك راجل بجد ...ياعيل يامتحف
Nader mohamed