شر البلية ما يضحك
الصحاف راح لصدام، صدام بيسأله ايه الأخبار، قام شاورله بعلامة النصر، صدام قاله ايه انتصرنا، قاله لأ مفيش غير أنا وانت ف البلد.

دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده


فى المترو
وقف رجل ثقيل الوزن فوق قدم الراكب الذى بجواره فى المترو وحاول الرجل أن يخلص رجله من تحت قدمه ولكن محاولاته كلها باءت بالفشل فقال له بأستعطاف من فضلك ممكن تشيل رجلك اللى دايسه على رجلى فقال له:ليه-أنت نازل المحطة دى؟؟

كهربائي أسطى
مرة واحد كهربائي ابوه مات دفنه ف الحيطة

نبيه
واحد بيحلق دقنه التليفون رن ، عور نفسه عشان لما يرجع يعرف هو وقف لحد فين

يمين طلاق
واحد أحول رمى يمين الطلاق على مراته ما جاش فيها

دلع النجار
واحده اتجوزت نجار
بقت تدلعه: يا لوحي

واحد كريم اوى اتجوز واحدة كريمة اوى خلفو عيل اتبرعو بيه لدار الايتام

واحد وحش اوى اتجوز واحدة وحشة اوى خلفو عيل رموه فى الزبالة

زوجة بتقول لزوجها فاتورة الكهرباء جت 15جنية بس

قالها يارب تفضل تيجى كدة بعد ما يدخلوا الكهرباء

واحدة بتقول لجوزها شفت الراجل اللى قدامنا داخل خارج يبوس ايد مراتة ماتعمل زية

قالها طب واعمل زية ازاى اذا كنت ماعرفش مراتة

واحد بيقول لمراتة

مش قولتلك تصحينى الساعة 6 قالتلة

معلش ياحبيبى اصل جيت اصحيك لقيتك نايم

ف الجيش
واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله
اللواء "فريد" جه؟
قاله لسه ما جاش. وبعد ساعة أخرى رجع له تانى وسأله
اللواء "فريد" جه؟
قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيتك.

واحد بلديتنا حب يعمل ارهابى خطف ابنه محدش سال عليه قتله

مرة واحد بلدياتنا حب يطور الهليكوبتر فك المروحة وركب تكيف

صعيدي حضر فرح اخوه، فأتى ابو العروسه وحط خمسه جنيه واخذ البندقية واطلق خمسه طلقات
وبعد ذلك أتى خال العروسه وحط عشره جنيه واطلق عشرة طلقات ومشى
فتقدم الصعيدي ووضع الف جنيه ورمى قنبلة وهرب

حساب الصعايدة
مرة واحد صعيدي مات نزل عليه 62 ملاك
2 بيحاسبوه و 60 بيفهموه انه مات

العملية نجحت
صعيدى عمل عملية .. نجحت
راح عملها مرة تانية

أعمى
واحد صعيدى أعمى فتّح .. من الفرحة انشل

الملك اتشل
اتنين صعايده بيلعبو شطرنج الملك مات مشلول

صرصار فطسان علي روحة من الضحك لية

علشان الا بيجري وراي بالشبشب احول

كهربائي
مرة واحد كهربائي أبوه مات دفنه في الحيطة

سيات
واحد داسته عربية سيات مات م الضحك

بخيل أوى
مره واحد بخيل اوى بعت ابنه يشترى له بعشره صاغ جبنة .. راح الواد ورجع بعد شويه
وقاله بابا البقال بيقولك تعال الحس السكينة

تـشكـِن فيليه
فرخة اتجوزت فيل ..جابوا تـشكـِن فيليه

أقرع
أقرع حب واحده معرفش يعبرلها عن شعوره

دكتور عظام
مرة في دكتور عظام خرج في الشارع بالليل
جريت ورائه الكلاب