المشاركة الأصلية كتبت بواسطة مهند سالم (المشاركة 388772)

الاثنين دول طول عمرهم عار على الكورة المصرية، وأفعالهم المخالفة للأخلاق لا تعد، ناس بتاعت مشاكل، وما لهمش في الأدب والاحترام.
لكن أنا لي عتاب عليك، حسام وإبراهيم ما بيمثلوش الثورة، بالعكس دول من أعداء الثورة والمدافعين عن النظام، عشان الناس تتأكد وتعرف أنهي نوعية من البشر إلا كانت بتدافع عن النظام، معظمهم من النوعية دي للأسف.

المشاركة الأصلية كتبت بواسطة sad-bird (المشاركة 388820)

يبقى يستاهل اللي يجراله
ولازم يتحاسب

المشاركة الأصلية كتبت بواسطة خالداعزالناس (المشاركة 388822)

لازم يتحاسبوا ..... نادى الزمالك وجماهيره
على اللى حصل
مهزله فى حق مصر

ونعتذر للشعب التونسى الشقيق

المشاركة الأصلية كتبت بواسطة مهند سالم (المشاركة 388766)

لاحظ حضرتك حاجة مهمة، الكلام ده ما حصلش في ندوة علمية، أو مؤتمر علمي، ده حصل في ماتش كورة، وحضرتك عارف وأنا عارف إن معظم جماهير الكورة وفي كل العالم على فكرة بيعميها التعصب، وفي بلاد بيحصل فيها قتل من جهة الجماهير وما بيكونوش في حالة ضعف أمني ولا خارجين من ثورة ولا حاجة، فبلاش الفئة دي تبقى هي الحكم على شعب مصر. في ناس كثير جدا محترمة ومتعلمة ومثقفة في الشعب ده، وحضرتك لو عديت شوية العيال إلا نزلوا الملعب، وإلا أنا متأكد تماما إن في حد حركهم هتلاقيهم ما يحصلوش 500 واحد، ولو حضرتك بصيت على المدرجات هتلاقي آلاف لم تنزل، أرجو أن تراجعوا الفيديو جيدا ونتكلم كلمة بإنصاف.