مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة sad-bird (المشاركة 387384)

:hd::hd:
ربنا يبشرك بالخير
انا اخر مرة رجلي سلمت على البدالات
وايدي شافت الدركسيون

:hd::hd:
كان من 7 سنين

ملقتش خط اصغر من كده اكتب بيه

ما عدا يوم الموقف اللي كان فيه ابن خالتي ده كان من كام شهر

7 سنين وعمال ترد ونقول محترف ومش عارف ايه ,,,:crazyW14:

هو ايه موقف ابن خالتك ده"444546

رد: اسئله المبتدئين ..عفوا ممنوع الفتى :)))

بم انى مبتدئه بقى فانا زعلاااااااااااااااااااااا اااانه على عربيتى :011:

رحت سمكرت الباب الحمد الله وركبت جريده مكان اللى وقفت ودى كانت اثر خبطه اتوبيس كسر عليا فجأه وانا ماشيه على اليمين وحكلى البابين MADDRIVE

المهم قلت بعد ما اظبط الموضوع العربيه هتبقى بنت ناس كده

كان فيه تقشير صغير فى الباب قلت هيتدارى فى الجرديه بس للاسف بقى باين اكتر لما ركبتها

واحساسى انه كبر شويه والمشكله انه عامل زى جير كده بيتقشر فانا خايفه من العيال اللى بيحبوا يلعبوا فى اى عربيه فى الشارع يلعبولى فيها واصحى الصبح الاقى العربيه عباره عن صاااااااج

مش عارفه دى حلها ايه غير الرش بحاول اخلى الرش اخر الحلول

بس بجد شكل العربيه مضايقنى اوى كده منك لله يا سواق الاتوبيس :w6w200504112220146b

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة poussi (المشاركة 387457)

ربنا يعوضك خير ان شاء الله يا بوسي
دلوقتي انتي قلتي فيه تقشير
كان المفروض قبل ما تعملي الجريدة
كان يندهن الأول
لأن كده غلط على الصاج ممكن يعمل برومه
لان مفيش اي حاجة تعزل الرطوبة عن الصاج
لو التقشير نفسه تحت الجريدة
يبقى هتضطري تفكيها وترشيها وتركبي الجريدة تاني
لو التقشير بعيد عن الجريدة
يبقى تروحي لصنايعي كويس يرشهالك بنفس اللون
لو متعذر نفس اللون
يبقى للأسف هتضطري ترشي البابين كلهم

وتبصي على التقشير كويس وتخلي الصنايعي يبص عليه كويس
لان لو التقشير مقبب ( يعني فيه هوا تحت منه يبقى يقشر كل اللي ممكن يتقشر وبعدين يرشها

فيه ناس كانت بتجيب استيكر لزق بنفس اللون
وتلزقه على المكان المتجرح او اللي فيه مشكلة
بس انا معرفش بصراحة جدوى الموضوع ده

رد: اسئله المبتدئين ..عفوا ممنوع الفتى :)))

استفسار

دلوقتي واحد دخل في عتب العربية وهي واقفه والطبق والبويه اتشالت حته وخايف تصدي .اعمل ايه

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة _amr.mostafa_ (المشاركة 387466)

استفسار

دلوقتي واحد دخل في عتب العربية وهي واقفه والطبق والبويه اتشالت حته وخايف تصدي .اعمل ايه

في عتب العربية
ظاهره والا مش ظاهره