رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

والله يا استاذ عبدالله الموقع بتاع مصر وان اللى برفع عليه الصور مش عايز يفتح مش عارف ليه و لما باجى اخوش على اى صورة من اللى كنت حاططهم فى الموضوع مش عايزة تفتح مش عارف فى ايه وشم عارف ارفعلك الصور بتاعه التابلوه وهوه منور والعداد اللى فى النص ده مكتوب فيه اخر رحلة كانت كام كيلو والعربية مشية كام كيلو وعداد ديجيتال للبنزين اما بالنسبة سبب اختيار للانسر بومة فكان كالاتى
كيا سيراتو : مسروق منها 3000 عربية وسمعتها وحشة ولما ركبتها فى سورية لقيت عفشتها ناشفة اوى و لقيت ناس من ملاكها بيقولولك العربية ده فيها عيب صناعة وانها سمعتها وحشة من نحية السرقة و الحوادث بمعنى انك ممكن تعمل حادثة و الايرباج ميطلعش والموضوع ده انا شوفته مرتين ةبعدين مش هنجيب عربية عشان نوقف حارس جمبها عشان متتسرقش ولغاية دلوقتى التوكيل محلش المشكلة دى
كيا كارينز : استهلاك بنزين عالى يعنى فى افضل حالاتها بتسحب 20 لتر فى 160 كيلو والكلام ده من التوكيل قطع غيار غالية وسحبها زبالة والكلام ده من ملاكها
كيا ريو : صغيرة ومتحسش انها طويلة وعريضة و فخمة زى العربيات اللى فوق ال 100 الف هى تنفع لشاب بس برضه موتورها صغير وطلعتها تقيلة وسحبها مش حلو اوى وقطع غيار غالية وشوفت واحد لسة جايبها وعمل بيها حادثة عشان مافيهاش فرامل
هيوانداى النترا:سعرها عالى اوى صاج تعبان وعيوبها انا ذكرتها فى التقرير يعنى شكل بس
شيفرليه اوبترا: مفيش وسائل امان خالص توكيل حرامى واحد هنا فى المنتدى كان عنده كروز وداها التوكيل صرف 1500 جنيه وجه لقى العربية فى مكانها ومعملوش فيها حاجة ولقاهم جايبنلوا فاتورة بالحاجات اللى اتغيرت وبعديها عرض العربية للبيع بعد شهرين من الشراء عشان كان فيها مشكلة عربيه شكلها معفن و مفيهوش اى شغل
على العموم من ضمن العيوب اللى فى العربيات دى انها كورى يعنى درجة تانية بس الحمد لله انا طلعت القطط الفطسانة فى كل عربية سعرها فوق ال 100 الف ولو قولتلك على كل العربيات دى مش هننام النهاردة فياريت تقولى اسم العربية وانا اقولك على راى فيها و راى ملاكها عشان الانواع كتير طبعا انا عارف انك هتقولى البومة غالية بس هاتلى واحد جابها وقال عليها نص كلمة او طلع فيها عيب واحد كل الناس اللى بتقول البومة وحشة لو سالتهم ليه هيقولك عشان غالية وبقالها تسع سنين يعنى هما مش لاقيين فيها عيوب فجايبين عيوب تافهة والحاج لما كنا بنختار العربية قالى عايزين عربية قوية وتستحمل مش مهم الشكل ولا الاوبشنز ولا الحاجات اللى مش هتنفعك بحاجة يوم مالعربيةتعطل منك اهم حاجة تكون ميكانيكا ممتازةوبعدين شكلها عاجبنى والناس اللى جابت الالنترا عشان الشكل والحاجات دى يوم ما العربية تعطل منهم خليهم يوقفوا يتصوروا جمبها عشان شكلها حلو وبعدين حتى وسائل الامان فى البومة اكتر من وسائل الامان فى الالنترا والسيراتو يعنى هى فيها ebd وده مش موجود فى الاتنين وبعدين الناس مستغليا البومة عشان بقالها تسع سنين ومفيهاش طارة مالتى ولا حساسات مطر وحساسات مش عارف ايهمع انها نفس سعر ارخص من الالنترا ونفس سعر السيراتو
من الاخر
عايز اوبشنز وشكل هات السيراتو
عايز اعتمادية فوق الوصف و مكيانيكا جبارة وشكل حلو برضه هات البومة
دى يابانى ودى كورى
ولما اخلص الثانوى ان شاء الله وابتدى ادور على عربية عشان اروح بيها الجامعة مش هلاقى احسن من البومة

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

انا برضو عندي نفس المشكله في الصور مش عارف في ايه:w6w200504112220146b بس انا ليا اعتراض على كلامك http://masrmotors.com/vb/images/smilies/CHUBBY%7E36.GIFانتا بتقول ان السيراتو بتتسرق وده بسبب البصمه الي فيها ودي مش موجوده غير في اعلى فئه والحوادث الي بتحصل دي بسبب ان الفئه ال sx كلها جنط 17 والجنط دي كبيرة اوي على العربيه فعلشان كده ممكن تقلب وتعوم اما بقا باقي الموديلات بتاعه السيراتو ممتازة:joy23: وده على كلام الاستاذ الكبير:iloveyou24::fun_36 _3_9[1]: يحى اشرف وشريف الدين هما دول الي قالولي انها حلوة واقنعوني بيها وانتا ياباشا فهمتني لما انا كنت بسال عن العربيات وانتا قلتلي انتا مش عندك فانتازيا وكده فهمتني في الموضوع ده ولالا الاسئله دي لناس بتسالني ماشي يا غالي وكل سنه وانتا طيب وبالصحة والسلامه والسعاده دايما يا رب انتا وكل المسلمين :30p[1]: وحافظ على العربيه جامد وبلاش شغل الشباب ده الغرز وكده فاهمني وربنا يحفظك من كل شر يارب ويباركلك في العربيه يارب http://masrmotors.com/vb/images/smilies/30p%5B1%5D.gif قولولي انتا في سنه كام في الثانوي عملت ايه ومبروك على كل شئ :0369B3~177::286::01EDE7~ 120: وشكرا ياباشاااااااااااااا :playing_music::playing_m usic::playing_music::play ing_music::playing_music: ROSE4UROSE4U

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

ROSE4UROSE4UROSE4U

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

الصور مش شغالة يا ريت ترفعها تاني:12EA7A~153:

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

[QUOTE=abdohtaby;727107]انا برضو عندي نفس المشكله في الصور مش عارف في ايه:w6w200504112220146b بس انا ليا اعتراض على كلامك http://masrmotors.com/vb/images/smilies/CHUBBY%7E36.GIFانتا بتقول ان السيراتو بتتسرق وده بسبب البصمه الي فيها ودي مش موجوده غير في اعلى فئه والحوادث الي بتحصل دي بسبب ان الفئه ال sx كلها جنط 17 والجنط دي كبيرة اوي على العربيه فعلشان كده ممكن تقلب وتعوم اما بقا باقي الموديلات بتاعه السيراتو ممتازة:joy23: وده على كلام الاستاذ الكبير:iloveyou24::fun_36 _3_9[1]: يحى اشرف وشريف الدين هما دول الي قالولي انها حلوة واقنعوني بيها وانتا ياباشا فهمتني لما انا كنت بسال عن العربيات وانتا قلتلي انتا مش عندك فانتازيا وكده فهمتني في الموضوع ده ولالا الاسئله دي لناس بتسالني ماشي يا غالي وكل سنه وانتا طيب وبالصحة والسلامه والسعاده دايما يا رب انتا وكل المسلمين :30p[1]: وحافظ على العربيه جامد وبلاش شغل الشباب ده الغرز وكده فاهمني وربنا يحفظك من كل شر يارب ويباركلك في العربيه يارب http://masrmotors.com/vb/images/smilies/30p%5B1%5D.gif قولولي انتا في سنه كام في الثانوي عملت ايه ومبروك على كل شئ :0369B3~177::286::01EDE7~ 120: وشكرا ياباشاااااااااااااا :playing_music::playing_m usic::playing_music::play ing_music::playing_music: ROSE4UROSE4U[/QUOTE

هحاول ارفع الصور من الموقع اللى اداهونى استاذ ابو هيما بالنسبة لموضوع السيراتو ففئة ال sx هيه اللى قبل الاخيرة لان الاخيرة اسمها هاى لاين وهما كده بالترتيب LX EX SX HIGHLINE ومع احترامى الكبير للاستاذ يحيى فالسيراتو بكل فئاتها بتتسرق لانى لسة شايف من كام يوم واحدة عربيتها السيراتو اتسرقت ولما شوفت صورة العربية لقيتها مش متجنطة اساسا فمفيش حاجة اسمها اعلى فئة اللى بتتسرق عشان فيها بصمة لان البصمة بطلت تنزل من سنة 2010 او 2011 عشان العملاء اشتكوا منها والسيراتو موديلات 2012 بتتسرق برضو رغم انها مفيهاش بصمة والجنط طالما كبير على العربية يبقى شركة كيا نزلتوا ليه؟؟؟؟؟ يبقى دى شركة فاشلة والمشكلة ان هما مش عايزين يعترفوا ان العربية بتتسرق رغم ان بى ام فى موديل من موديلتها مش فاكر اسمه كان برضه بيتسرق عشان فيه بصمة وطلعوا قالوا انهم هيحاولوا يطوروا الكمبيوتر اللى فى العربية واعترفوا ان العربية بتتسرق بكل احترام ودى حاجة تخليك تحترم الشركة دى اكتر انا يا باشا فهمتك والله انك بتسال باسم اصحابك بس حضرتك اكيد لو كنت مكانى كنت هتستغرب وبعدين انا قعدت اقول هو فى كذا واحد بيستخدم العضوية دى او حضرتك عندك كذا عربية او كل فترة بتغير عربيتك :01FDAB~189:

وحضرتك بخير و صحة وسلامة يا باشا والعربية دى فى عينى و ربنا يباركلك فى الفانتازيا ان شاء و متنساش تقرير عنها بالصور :010104~171:
والحمد لله انا نجحت السنة دى بس انا دخلت المدرسة متاخر شوية فانا دلوقتى داخل اولى ثانوى

رد: تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب
 

ربنا يخليك يا باشا وحضرتك طيب وهحاول دلوقتى ارفع الصور من الموقع ده بالنسبة للوجان عربية ممتازة ملهاش عيوب قاتلة و كسرت قاعدة ان العربية العالية مابتكونش ثابتة وانها لازم تكون عريضة فيها عيوب عادية زى ارتفاع صوت المحرك وشوية حاجات تانية عادية زى قطع غيارها اغلى شوية من العربيات اللى فى الفئة السعرية دى بس هى كعربية عملية جدا وهى افضل عربية فى الفئة السعرية دى احسن من شوية البلاستك اللى فى الفيرنا والانوس لكن انا بحب العربية دى جدا غير كده ان رغم انتشارها الا انك قليل لما تلاقى عربيات منها معروضة للبيع عكس الفيرنا واللانوس يمكن برضه عشان مباقلهاش كتير زى الفيرنا والانوس بالنسبة للانسر مبينزلش منها خليجى فى 2012 لكن لو هنقارن بين اللانسر تكسب و هقولك ليه عشان اللانسر انت عارف مميزاتها وعيوبها و قطع غيارها فيها منها الاصلى التايوانى والصينى و الاسبانى فبلاش تغامر وتشترى السيتى وانت مش عارف عنها حاجة وتدفع مبلغ اد كده ومش عارف هى عاملة ازاى وهتلاقى قطع غيارها نااار زى باقيت الهوندا ومش هتلاقى ناس كتير بيشتغلوا فيها بره التوكيل زى اللانسر وطبعا عشان مش منتشرة مش هلاتقى قطع غيار ليها غير الاصلى وممكن تلاقى حاجات تانية بس هتبقى اى كلام