مصر موتورز مجتمع السيارات - حكايتى ...... مع التاكيهات

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - حكايتى ...... مع التاكيهات (https://www.masrmotors.com/vb/showthread.php?t=87180)

رد: حكايتى ...... مع التاكيهات

اقتباس:

المشاركة الأصلية كتبت بواسطة Hisham.Elgazzar (المشاركة 683058)

لو محمله بتأثر بالسلب على أداء المحرك لعدم غلق غرف الحريق

ولو مفتوحة تبوظ عمود الكامة
أو شواكيش التاكيهات

شكرا يا ا / هشام
وان كنت منتظر معلومات اكثرتفصيلا من ذلك
ان امكن
:Wkiss5::Wkiss5:

رد: حكايتى ...... مع التاكيهات

ده موتور عربيت حضرتك بس ده الإنجيكشن
http://ww2.justanswer.com/uploads/Ma...ump_resize.jpg

وده وش السلندر من جوا ، وواضح ان التاكيهات بتاعته على شواكيش وبلوف هيدروليك
وإحتمال تكون كامة ساقطة وشغالة على رودات ، والله أعلم
يارب أكون أفدت حضرتك بقدر معلوماتى المحدودة

http://images.gasgoo.com/MiMwMDRfMDA...d-complete.jpg

:Wkiss5::120105~352:

رد: حكايتى ...... مع التاكيهات

اقتباس:

المشاركة الأصلية كتبت بواسطة Hisham.Elgazzar (المشاركة 676478)

طبعا حضرتك عارف البساتم بتشتغل إزاى وتوصيلها مع الكرنك من تحت
فوق بقى فى وش السلندر اه اللى بيميز عربية عن التانية

ماهو كل العربيات ميكانيكيا واحدة

اللى بيفرق العربية من التانية هو وش السلندر

الفيات عاملة وش سلندر خفيف وظريف وسهل الظبط لكن القوة اللى بيأثر بيها على أداء الموتور ضعيفة بالمقارنة مع المواتير الالمانى واليابانى لأن كل واحد عنده التكنولوجى بتاعته
اللى عمل بيها وش الموتور

العربيات الألمانى بقى عاملين تكنولوجى أحسن شوية والإيطاليين سرقوها منهم

اليابانيين بقى محدش قدهم عملوا وش سلندر تحفة بيطلع من مكنة 1600 قدرة 170 حصان

الآتى بقى أشكال الوش من جوا على وشرح التاكيهات بإذن الله

هنبدأ الأميريكان ماسلز الموستانج ، الصورة اللى جاية دى للوش بتاع السلندر
هتلاحظ الشواكيش طالعة نازلة فوق الصبابات والسوست الجامده دى اللى بتساعد انها تحكم الصبابات فى غرف الحريق
الشواكيش دى بقى لازم تظبط المسافة بينها وبين الصباب اللى بتدق عليه علشان ماتبقاش محملة ( علشان كده يقولك التاكيهات محملة) أو يكون الخلوص بزيادة فيقولك التاكيهات مفتوحة
وفى كلتا الحالتين العربية مش بتبقى مظبوطة - تسخن - تاكل بنزين - تنفخ زيت -تضرب كاوتش الصبابات - وحجات تانية كتير ممكن تعمل بلاوى مع ان ظبطها قمة فى السهولة والعبط
تمام كده وخلى بالك ان معظم مواتير الفيات بالشكل ده والشواكيش بتتظبط مسمار وصامولة
http://image.musclemustangfastfords....ro_1_heads.jpg

نوع تانى بقى وده فى معظم العربيات الألمانى زى ماقلتلك ، اللى الطلاينة سرقوها
ودى هتلاقيها فى الفولكس والفيات الألمانى والمواتير بتاعت السفينة الـ132
وهى دى بقى اللى لازم تروح للخراط علشان يظبطها
ده شكل وش ال132 من فوق بعد فك غطا التاكيهات
http://images.gasgoo.com/MiMwMDRfMDA...-6l-tu5jp4.jpg

وده موتور كامه واحدة علوية برضو نفس النظام
ركز بقى ، لاحظ ان عمود الكامة ماشى من فوق ( اللى باللون الغامق ومتثبت فى الوش
شايف الأجزاء المثلثة اللى بتلمع وعاملة زى الجبنة النستو
هى دى حدبات الكامة
وظيفتها :
العمود ده معمول بالكمبيوتر ومتقسم انه طول ماهو بيلف يفتح الصبابات ويقفلها حسب تقسيمة الصانع
وده طبعا بيتزامن مع طلوع ونزول البستم والإشعال وهكذا
طيب اه اللى تحت حدبات الكامة بقى ؟؟
الأطباق والكستبانات
ده بيبقى فى النوع ده من وش السلندر
العمود بينزل يفتح الصباب ويقفله عن طريق الطبق والكستبان
الكستبان فوق سوستة الصباب خبط لزق
الأطباق بقى هى اللى بتتغير صيف وشتاء بمقاسات معروفه
http://i01.i.aliimg.com/img/pb/219/6...5564663jpg.jpg

بيتهيألى ان الصورة كده بدأت توضحلك صح ؟؟
علشان كده قابل بقى الصورة دى قطاع عرضى للوش http://upload.wikimedia.org/wikipedi...pf-Schnitt.jpg
ده بالظبط زى ماقلتلك مثلث الجبنة النستو بالسن بتاعه طالع نازل يفتح الصباب ويقفل بالسوستة
لازم بقى المسافة مابين العمود ( قصدى مثلث الجبنة) تكون مريحة لما يكون السن بتاعه لفوق ولو مشكده بتروح للخراط بيشيل الأطباق بطريقة هو عارفها ويغيرها ويظبط الخلوص( المشكلة بقى يا كبير انك لازم تروح بدرييييي عند الخراط وتفتح كبوت العربية فى حته ظله وتبرد العربية تلج علشان يظبط الخلوص صح وماتبقاش محمله ولا مهوية لأنى زى ما قلت لو محملة هتاكل مثلث الجبنة النستو - تاكل بنزين - تهرب زيت لغرف الحريق لو ضغط الزيت جامد _ وبلاوى تانية كتير ) ربنا يكفينا شر التاكيهات

أشكال تانية برضو كنت عاوز أقولك عليها
النوع ده فى الهوندا الأكورد بحبه جدا لأنه يجمع مابين قوة العزم وسهولة الظبط
ولو مش واضح إسألنى
هتلاقى الشكل ده برضو فى بعض العربيات الصينى
بس الفرق بقى شكل المثلث فى عمود الكامة مختلف لأ كمان ده بيضاوى
وشايف المسمار اللى بصامولة الصغير ده اللى بتظبط التاكيهات منه شايف الجمال والسهولة وفى نفس الوقت برضة قوة العزم
http://image.made-in-china.com/2f0j0...T-R2-RF-F2.jpg

انا ما بحبش الحال المايل ، بس الكامة المايلة برضو ليها عيوبها
وميزاتها ( مواتير شعبى بـ1800 جنية الموتور بالفتيس)
والشكل ده فى معظم مواتير ال131 الشعبى ومواتير البولونيز ( مع ان اخر موديل للبولونيز كان نازل 2003) بس فكرته حلوة برضه
عمود الكامة تحت ومايل كده ومتوصل بالكرنك وكاتينة(سير) كاوتش مسنن أو كاتينة جنزيز ( علشان كده يقولك المواتير الكاتينة الجنزير خشنة ) عمرها قصير المواتير دى من يومها nononono
إتفرج بقى معلش طولت عليك http://www.motorera.com/dictionary/pics/h/head.gif

شواكيش شواكيش شواكيش هنا بقى الشواكيش طالعة نازلة بحركة العمدان الإستيك الرفيعة Pushrods اللى تحت دى بتاخد الحركة من تحت عند عمود الكامة ( الكامة السفلية اللى قلتلك عليها
ودى سهلة اوى اوى فى ظبطها مفك وبنسة وفيلر

اهو كمان شكل تانى ونفس الفكرة
http://image.made-in-china.com/2f0j0...inder-Head.jpg

إن شاء الله هدعم الموضوع بكام فديو كده لما ربنا يسهل

اللى يحب سيدنا النبى عليه الصلاة والسلام يدعيلى و يعمل لايك :Bravo:

الموضوع مش منقول وحاولت بقدر إستطاعتى انى اوضح وبإذن الله هنفضفض تانى
وإلى لقاء قريب

الاخ هشام الجزار
بارك الله فيك مجهودك القيم
انا عندي فيديو تظبيط تاكيهات عربيتي مصورة والميكانيكي كان بيظبطهم التصوير معقول وكان بيشرح الي بيعمله
بس للاسف مش عارف ارفعه انا معنديش حساب علي اليوتيوب والموقع هنا مبيدعمش رفع الفيديو من واجهه الرد المتقدمه
قولي اي طريق ارفعه بيها وانا اعملها عشان اساعد معاك وافيد اخونا بالمنتدي

رد: حكايتى ...... مع التاكيهات

يا سلام لو رفعت الفيديو

تبقى عملت فينا معروف ربنا يباركلك يا اخى ويسترك دنيا وآخره

عظيم امتنانى وشكرى

رد: حكايتى ...... مع التاكيهات

اقتباس:

المشاركة الأصلية كتبت بواسطة سلامة البدري (المشاركة 684045)

اخى الكريم سلامة البدرى

أولا أحب ان أهنئك على السيارة الجديدة ويارب يطعمك خيرها ويكفيك شرها
حضرتك تقدر تدخل على الموقع ده
هتعمل تحميل للملف وبعدين تكتب حاجة كده زى تسجيل حساب
بس سهل وبعدين هتاخد اللينك بتاع الفديو اللى رفعته على الموقع
www.4shared.com
وجزاك الله كل خير ، وشكرا لنقل التجربة

فيديو لظبط تاكيهات علي الطبيعه

السلام عليكم ورحمة الله وبركاته

الاخوة الاعزاء اهشام بيه الجزار واالايطالي الصغير

انا رفعت الفيديو علي الموقع اللي قلت عليه

وده اللنك بتاعه
http://www.4shared.com/video/-dC6PUJu/__online.html?

وده شكل الفيلر الي بستخدمة في اظبط وتخيلوا تمنه كام 10 جنيه
بس العبره مش في تمنه الرخيص العبره باستخدامه صح مع خبره عاليه
وده كل صفيحه منه ليها سمك معين من ميلي الي 15 ميلي علي ما اعتقد
http://www.reluctantmechanic.com/ima...ness_gauge.jpg
حاولوا تشوفو الفيديو لاخرة لانه في وقت ايد الميكانيكي مغطيه الماتور واوقات بيكون الشغل بتاع التظبيط ظاهر جدا وهو بيستخدم الفيلر وبيوزن الخلوص بتاع التاكيهات
وانا خليته اتكلم وشرح الي بيعمله وكمان في حته فنيه مهمه اتكلم عنها هي تحرير التاكيهات وظبطهم بترتيب معين يعني التاكيه الاول ثم الثالث والثاني ثم الرابع
والفكرة انه بيدخل صفيحه من الفيلر بسمك معين محدد من قبل صانع السياره في الخلوص بين عمود التاكيه والصباب ويلف الصموله بالمفك عشان يتظبط الفرغ ما بينهم علي حسب مقاس صفيحه الفيلر المستعمله
والمقاس بتاع ظبط الخلوص طبعا مدون بكتالوج الصاينه واحيانا بيكون مكتوب علي كبود العربيه من جوهوهتلاحظه في الفيديو بتاعي ان صورت مكانه
الامانه بتحتم اني اكتب اسم الميكانيكي الي عمل الشغل بتاء علي طلبه وهو الميكانيكي المحترم عمر السكيوي وهو من الشباب المجتهد في الصنعه وبداء يثبت وجوده عندنا في محافظة سوهاج

انا كان نفسي اظهر الفيديو في المشاركه ذي فيديوهات اليوتيوب الي بتكوك ظاهرة في المشاركات مباشره بس للاسف معرفتش لو حد يعرف يقولي

عربيتي علي فكرة دبابه 2006 يعني ماتور جاز معرفش يفرق عن البنزين كتير ولا لا؟؟؟؟ بس اعتقد الفكرة تقريبا واحده في الماتورين لان اليه عمل المواتير متشايهه جدا سواء بنزين او جاز ده في حدود فهمي المتواضع

رد: حكايتى ...... مع التاكيهات

اقتباس:

المشاركة الأصلية كتبت بواسطة Hisham.Elgazzar (المشاركة 682443)

حد عنده إستفسار يا رجالة
AHLNWSHALNAHLNWSHALN

إضافة صغيرة يا باشمهندس الشيرى الصينى بها هيدروليك فتر.
وتسلم يدك الموضوع كله جميل وهايل وبسيط للى معندهوش فكرة وأحب اشكر حضرتك والمهندس كارز ادمير على ما تفضلتم به من معلومات قيمه وصور وفيديوهات.