رد: مساعدة اريد تركيب زينون او نور ابيض بتكلفة بسيطة
 

معلش
انت الموديل اللى سألت عليه زينون عالى وواطى ولا زينون عالى بس؟
طبعا لمبات الزينون اللى بتبقى مستويين بتبقى أغلى شوية
بس مفيش لمبات تطلع قدام وورا
هى لمبة واحدة فى كل فانوس
انا ركبت طقم لابن عمى 8000كيلو
بس لاحظت ان اللمبة فيها روح هالوجين عادى مع لمبة الزينون
يعنى الواطى هالوجين أصفر والعالى زينون
خلى بالك ونتا بتشتريه عشان متتدبسش
إنما العالى بتاعه الزينون حلو
بعد 20 ثانية يخلى الطريق واضح قدامك
حاجة تانية برضو
نضافة المرايا بتاعة الفانوس من جوا ونضافة الباغة بتفرق معاك فى النور
بس مشلازم تغير عربيتك تبقى أربع فوانيس طبعا
الزينون فردة واحده 350
هالوجين واطى +زينون عالى =450
زينون واطى +زينون عالى = ؟؟؟
( من رأيى لازم أربعة موديول )
بس عشان ما نتوهش لازم تسأل عنه كويس قبل ما تشترى

رد: مساعدة اريد تركيب زينون او نور ابيض بتكلفة بسيطة
 

هو
http://transitstrategic.com/wp-conte...5/hid-bulb.jpg
هو ده اللى بيقولوا عليه عالى وواطى
اللمبة الزرقا دى هالوجين عادى بس أبيض
والتانية اللى فوق طبعا زينون
و أكيد لما هيشغلهالك هتحس بفرق
انت عربيتك فانوس واحد بس
نضف الفانوس من جوا
ونضف باغة الفانوس من جوا وبرا
وهات زينون من أبو 450
بس يكون الواطى بتاعه أبيض وخلاص ريح دماغك
هو ده من الآخر ومتسمعش فتى من اى حد
تقبل مرورى

رد: مساعدة اريد تركيب زينون او نور ابيض بتكلفة بسيطة
 

اقتباس:

قالى ان الزينون عشان تحس بيه فعلا مستوى أول وتانى , لازم يبقى فانوس عربيتك لمبتين من ادام زى السيراتوا والنيو النترا , يعنى المستويين بيركب ب 4 لمبات ,, كل فانوس 2 لمبة , واحدة للمستوى الاول , والتانية للعالى خالص

لأ مش شرط و المستوى الأول اللى بيقولك عليه لمبة هالوجين بيضا مش زينون
لأنه لو مرحلتين زى مابيقول وبرضو على حد معلوماتى هيبقى على موديول كبير لكن عموما فيه نوع للكشاف العادة مش الدوبل

اللمبة بتبقى بروحين واحدة هالوجين عادية والتانية الزينون
]

رد: مساعدة اريد تركيب زينون او نور ابيض بتكلفة بسيطة
 

امال ايه الزينون الى بيقولى عليه عالى وواطى ب 450 دا ؟؟؟

المستويين عالى وواطى زينون ب 450 !!

والاستاذ تونسى اتصلت بيه امبارح قالى ان فى مكثف كدا بيخلى اللمبة تسخن بسرعة اوى مش 20 ثانية ولاحاجة زى ما الناس قالت

انا محتار حيرة سودا والله:cry2W9:

رد: مساعدة اريد تركيب زينون او نور ابيض بتكلفة بسيطة
 

باركوا لى الحمد لله ركبت طقم الزينون

المواصفات كاملة
HID
الشمعلة h4-3
80000 كلفن

الاضاءة الحمد لله احسن بكتير من الاول ولو انى شايف انى محتاج اغير الفانوسين الى ادام لإنى نضفتهم ومفيش فايدة لكن الاضاء ولله الحمد احسن بكتير


حاجة مهمة جداً

الزينون بيحتاج يسخن لمدة 15 ثانية تقريباً فى اول مرة تشغله بس اول ما تدور العربية
لكن بعد كدا مدة لا تصل للعشر ثوانى
يعنى فكرة النص دقيقة دى غلط تماماً
وبنصح اى واحد عاوز يركب زينون يتوكل على الله وميقلقش حتى من حوار الرعاش دا

بالتوفيق ومليون شكر للجميع ولكل الناس الى تعبتها معايا وكل الناس اللى افادونى واتمنى ان علاقتنا مش تنتهى فى الموضوع دا ونفضل اخوات على طول

أرق تحياتى للجميع
شكر وتقدير

رد: مساعدة اريد تركيب زينون او نور ابيض بتكلفة بسيطة
 

ألف مبروك ياباشا وتدوبه في عرق العافية كدة إنشاء الله.
الله يستر طريقك.

رد: مساعدة اريد تركيب زينون او نور ابيض بتكلفة بسيطة
 

ألف مبروك يا أستاذ باسم ، ربنا يوفقك بإذن الله
FLASHCarFLASHCarFLASHCarF LASHCar