المشاركة الأصلية كتبت بواسطة waleed_d82 (المشاركة 634957)

فعلا اسال مجرب وموضوع اني مستخدمش رجلي الشمال تمام بس هوا عموما في الاوتوماتيك مش بستخد رجلي الشمال للفرامل ولا زي المانيول اليمين بنزين وفرامل ؟ :shyy:
متقلقك الغدا علي النار :10F925~165:

المشاركة الأصلية كتبت بواسطة AboNoRa (المشاركة 634675)

انا كن زيك طول عمرى بسوق مانيوال وكنت خايف من الاتو خاصة ان عربيتى ستيب ترونيك وكنت حاسس انه شىء خزعبلى مربك بس فى الحقيقه الموضوع مخادش اكتر من ساعة للتاقلم
المهم انك تبداء فى مكان فاضى تاخد على العربيه وتاخد بالك انك متستخدمش رجلك الشمال خالص
فيه طريقة ظريفة للموضوع ده انك تقعد وتتنى رجلك الشمال تحتيك :) يعنى كانك حاطط رجل على رجل بس الشمال تحت اليمين وممكن ترفع رجلك الشمال خالص على الكرسى الى انت قاعد عليه وتقعد عليها برجلك اليمين (( تكلبشها يعنى )) ده فى الحالات الصعبة للناس اللى مبتعرفش تنسى بسهولة رجلها الشمال MADDRIVE

واخيراً اختم بمقولة الشاعر العظيم

اين دجاجتى :10F925~165:

المشاركة الأصلية كتبت بواسطة screamseko (المشاركة 634993)

تسلم يا كبييير
وبالنسبه يابو نورا الرجل الشمال دي كانت حتوديني في داهيه والله
طول عمري بسوق مانوال
ويوم كان عندي فرح ومكانش عنده غير اوتو
اجرت واحده واتعاملت عادي لاني كنت عارفها نظريا

بس حتة اني انسي ان رجلي الشمال مالهاش استخدام دي فعقلي مكانش متقبلها نهائي
فكنت كل مطب حهدي فيه
الاقي رجلي الشمال افتكرت ان في دبرياج ووالاقيها عالفرامل والدواسه عالارض والعربيه بتزحف
ابص الاقي رجليا الاتنين عالفرامل متخيل الضغطه كانت بتبقي ازاي
عملتها بتاع 3 مرات والحمد لله مكانش ورايا حد لغاية معقلي بدا يستوعب :10FEE3~1106:

المشاركة الأصلية كتبت بواسطة AboNoRa (المشاركة 635018)

الشمال اتعملت علشان الدبرياج طالما مفيش دبرياج يبقى مفيش رجل شمال وده للاتى
- اولاً مش هتحتاج تستخدم الاتنين مع بعض الفرامل والبنزين فطبيعى رجل واحدة كفايه للاتنين

- ثانياً الرجل الشمال بطبيعتها تقيله وغشيمة وبالتالى استخدامها للفرامل هيخليك تقفش فرامل للاخر وده كارثة طبعاً لكن استخدامها فى الدبرياج مناسب جداً لان دايما مطلوب تكبس دبرياج للاخر زى ما حكى اخى screamseko

المشاركة الأصلية كتبت بواسطة jemy_tnt (المشاركة 635150)

معلش بعد اذن صاحب الموضوع بس انا فعلا عاوز اعرف ليه الاوتوماتك لازم رجل واحده و مينفعش استخدم الشمال عشان انا معايا اوتوماتك و بسوقها برجلى الاتنين يمين بنزين و شمال فرامل و مش بعرف استخدم رجل واحده مش بلحق الفرامل بسرعه و ناس كتير بتقولى كده غلط بس محدش بيقول ليه كلو بيقول رجل واحده و بس من غير ليه
فيا ريت حد يجاوبنى ليه ؟

المشاركة الأصلية كتبت بواسطة waleed_d82 (المشاركة 635193)

يا أستاذي الموضوع اعتبرة موضوعك خد راحتك :GROWIN~12:
انا ممكن اقولك من فهمي لية بنستخدم رجل واحدة ومتستخدمش الشمال :
اولا : علشان لما تحب تسوق عربية مانيول تلاقي الموضوع سهل معاك انما كدة انت بتصعب المانيول عليك جدا وبعدين لو عندك عربيتين مانيول واتوماتيك حتلاقي نفسك بتتلخبط في الفرامل برجلك
ثانيا : زي ما اخي الفاضل ابو نور مقال الرجل اليمين بتكون التحكم فيها سهل عن الشمال يعني بتقدر تتحكم في مدي دوستك علي دواس الفرامل عكس الشمال الي ممكن تلاقيها كبست فرامل اكثر مما تحتاجها العربية