مصر موتورز مجتمع السيارات - النصر للسيارات تعود من جديد

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - النصر للسيارات تعود من جديد (https://www.masrmotors.com/vb/showthread.php?t=76457)

رد: النصر للسيارات تعود من جديد

اقتباس:

المشاركة الأصلية كتبت بواسطة الهولندى الطائر (المشاركة 741864)

تساند مين يا أستاذ

انت مصرى وعايش فى مصر

وعارف يعنى ايه صناعة مصرية

يعنى خامات رديئة

يعنى عمالة اونطة

يعنى تقفيل زى الزفت

يعنى دعاية مضلله

يعنى خدمة ما بعد البيع تساوى صفر

يعنى خد الفلوس واجرى

هو احنا عايشين فى النمسا

ما احنا شاربين من كيعانا فى قطع الغيار المضروب

ده الصين أرحم

اوعى تفتكر الشركة المصرية دى نازلة من الجنة

دول رجال اعمال يا أستاذ

يعنى فلوس وبيزنس وشغل على كبير

والهدف هو المكسب الفاجع على حساب المنتج نفسه

انا عندى اشترى عربية صناعة نيجيرية وما اشتريش عربية صناعة مصرية

تقولى شجع بلدك

اقولك آسف

بلدى احترمها وعلى راسى

انما ناس بلدى مش كلهم مخلصين فى شغلهم

شغلهم الاونطة والكدب والتزييف والخداع

وسافر الخليج وشوف بيقولوا علينا ايه لما بينزلوا عندنا شهر زيارة

الصناعة المصرية خلاص

بقت زى اكلة سمك فاسدة

تشم ريحتها من بعيد قوى وتبقى عارفها

من كثر كدبنا على بعض

اخدنا مجهود الصين وقلنا عليه مصرى

وخلينا منتجاتنا هى صناعة الصين

شفت الضلال وصل لفين

بلا شركة

بلا دعم

بلا استخفاف

وما تزعلش لما أقولك

انها فاشلة وهتفكر فى مصلحتها وبس

زى كل الشركات اللى قبلها

وعجبى

يا ساتر عليك يا هولندى . دانت متشائم آخر حاجه . وانا رغم ان عندى اتفاق كبير مع أفكارك ووجهة نظرك دى إلا انى محتاج أنا وانت وكل انسان بيحب وبيعشق البلد دى اننا نحلم . وباكررها /جرد نحلم ونحاول اننا نتمسك بحلمنا ده فى اننا نقدر نغير شويه من وجهة نظرنا احنا عن نفسنا .
وأنا شخصيا عرفت بلاوى عن مجلس ادارة الشركه الحراميه ولااد الــتييييييييييت وجرائمهم التى تستحق المحاكمه القضائيه ومحاسبتهم . ولكنى رغم كل ذلك اتمنى أن أرى مصر دوله يعيش فيها بنى آدمين مش ................ . تحياتى واحترامى .

رد: النصر للسيارات تعود من جديد

السلام عليكم
ندعو الله ان يولي فيها من يصلح فيها
والله المستعان

رد: النصر للسيارات تعود من جديد

اقتباس:

المشاركة الأصلية كتبت بواسطة مشمش1 (المشاركة 760045)

السلام عليكم
ندعو الله ان يولي فيها من يصلح فيها
والله المستعان

ان شاء الله . ويصلح نفوس وعقول المصرييه أولا

رد: النصر للسيارات تعود من جديد

ان شاء الله لا تعود منتجات رديئة و اسعار خيالية وخدمة وعمال سيئة للغاية كفاية ضحك على الناس ..نساندها ليه وهى بتضحك علينا 40 سنة ..دة ما كنش هاين عليهم يفتحولك السيارة علشان تتفرج عليها قال يعنى حتفرج غلى المرسيدس ؟؟
الى مزبلة التاريخ

رد: النصر للسيارات تعود من جديد

الاخ الهولندى الطائر . رغم انى اتفق معاك فى كل اللى انت قلته الا انى برضه عندى امل صدقنى والله احنا مش وحشين للدرجة دى المشكلة ان المصرى حسب مابتعوده يعنى ليه احنا ناجحين بره مصر وبنحقق معجزات هات للمصرى قيادة صح امينة وشريفة ودوغرى وخلى الجو اللى حواليه نضيف هتلاقيه يطلع احلى شغل وربنا يسههههههل

رد: النصر للسيارات تعود من جديد

طيب بالنسبه للتقفيل بتاع النصر للسيارات اخباره ايه ؟ .. وللتوضيح اكثر

عندك مثلا العربية الفيات تمبرا ايطالي استيراد لسنة 94 ثم تقفيل النصر للسيارات لسنة 2001

السؤال فيه كلام عن عدم جودة التقفيل المصري ؟؟؟ ما معني ذلك

هل كل مكونات السياره بتيجي من ايطاليا كاملة ثم تتقفل هنا بالنصر للسيارات ؟ وده هين ويعدي

لكن هل في مكونات ممكن مصر اللي بتصنعها زي الكراسي او مكونات الدهان او اي شئ بالعربية ؟ ومن هنا يجي الخراب لان هيكون التصنيع زفت والمكونات زفت

هل حد عنده خبره او معلومه بخصوص تقفيل العربية الفيات تمبرا بالنصر للسيارات ؟؟

لان انا علي مشارف شراء السياره المتقفله بالنصر للسيارات .....
وفيه كلام علي انها مش كويسه في المكونات زي الايطالي الاستيراد ؟؟

ارجو الاهتمام والرد يا اهل الخبره

رد: النصر للسيارات تعود من جديد

اقتباس:

المشاركة الأصلية كتبت بواسطة tameromarw (المشاركة 799331)

أخى الحبيب : انا طبعا معلوماتى تكاد تكون محدوده بالنسبه للتمبرا بس انا كل معلوماتى ان اى عربيه بتتجمع هنا فى مصر بتكون فيها نسبه تتراوح بين 40 الى 70 % من مكونات السياره حسب ما تسمح به كل شركه مع وكيلها هنا فى مصر . ومثال ذلك من المكونات زجاج السياره وكاوتشات تقفيل الزجاج والأبواب - كاوتش اطارات السياره - كاوتش الخراطيم والوصلات - طلاء السياره - الفرش الداخلى للسياره من كراسى وسقف ودواسات - بعض القطع المكونه لميكانيكا السياره كاريدياتير - ضفيرة الكهرباء - وطلمبات المياه والزيت وما شابه - تيل الفرامل - وحاليا الفوانيس الأماميه والخلفيه .
تقبل تحياتى واحترامى .:fun_36_3_9[1]: