رد: عزيزى قائد السيارة - احترس انت فى مصر ما بعد الثورة
 

أنا لسه شارى عربية جديد
ومتعلم سواقه عليها وفعلا الناس محترمين قليلين اووى اووى
اكتر حاجة بضايقنى فعلا اللى ناس اللى ماشين
ماشى فى نص الشارع تديلو كلكس مش يعبرك يعنى ادوسو مثلا
اه بقى الموتسيكلات انا مسميها الأشباح فجاة كده تلاقى موتسيكل على يمينك او شمالك
او كسر عليك

ربنا يستر طريقك وطريقنا

رد: عزيزى قائد السيارة - احترس انت فى مصر ما بعد الثورة
 

فى شارع الدقى قبل الكوبرى وماشى ورايا مينى باص (بتاع الجمعيات) وقاعد يزمر والشارع واقف وكمان عامل زى ميكون هيركب على عربيتى - بيدى بنزين مع دبرياج - قمت انا ناتش بالعربية ومبطلها ونزلت فتحت الكبوش شوية وقفلتة تانى ومشيت وهو معرفش يطلع منى لانة كان لازق فيا على الاخر. فى نفس اليوم فى شارع محى الدين ابوالعز ميكروباص الترمكو يطلع من على اليمين ويرد شمال لما يلاقى عربية واقفة بشكل متفز، جة يطلع من على يمينى قمت لازق فى الى قدامى لدرجة انى خبط فية بشويش - السرعة اقل من 5 كيلو - الراجل خد بالة انا بعمل اية وقد ومعملش حاجة، بعديها على طول الميكروباص كسر على الى ورايا ودخل وطلع من على يمينى وقفل على الى قدامى باغبى طريقة ممكن تشوفها فى حياتك.
السواقة فى مصر محتاجة علاج نفسى كبيــــــــــــــــــــــ ـــــــــــــــــــــــــ ــر

رد: عزيزى قائد السيارة - احترس انت فى مصر ما بعد الثورة
 

انا من الفيوم
1 جميع العربيات عملت فامية اسود غامق بعد الثورة بأسبوع طبعا التاكسى والمكروباص بردوا وكمان مرايات فى كل مكان فى العربية زى ما يكون كوافير
2- عدد كبير من التاكسيات والمكروباص ركب الكالاكس بتاع العربيات النقل اللى صوتة غبى ده وعالى جدا لما تسمعة تحس ان فى عربية نقل جايه وراك وتبص تلاقيه تاكسى
3- الشوارع بتمشى مع اتجاه التاكسى او المكروباص يعنى السواق هو اللى يحدد اتجاه الشارع
4- حوادث سرقة بالاكراه ابطالها سائقين تاكسى من غير نمر ولا رخص وكمان خطف اطفال
5- العربيات الاجره كلها زودت الاجره من نفسها والتاكسى بردوا المشوار اللى ب 5 ياخد 10 وهكذه
اى غلطة هو يعملها يبق عادى لكن اى غلطة انت تعملها يشتمك ويهزق اللى جابوك سواء اللى سايق راجل او ست
اول مره اشوف واحده ست سايقة عربية ملاكى وبتتشتم من سواق تاكسى كان بعد الثورة

اخيرا الناس دى لازم تمشى بالقانون ويتم اتخاذ كل الاجراءات معاها علشان يتهدوا شوية

رد: عزيزى قائد السيارة - احترس انت فى مصر ما بعد الثورة
 

المسئله مسئلة اخلاق وانتشار الهمجيه اصبح بصوره بشعه جدا وقد تنخدع فى انسان تظن انهم محترمين واذ بهم يخرج منهم الفاظ وافعال لا تتخيلها
واصبح من الثقافات المنتشره فى بلدنا ان من يتعامل بالاخلاق ضعيف ويتعرض للاهانه ممن يتعامل معهMADDRIVE
فنسئل الله ان يرزقنا حسن الخلق

رد: عزيزى قائد السيارة - احترس انت فى مصر ما بعد الثورة
 

اذا لم تستحى افعل ما شئت


هى دى الحريه اللى احنا عاوزينها ..... كل واحد يمشى زى ما هو عاوز ...... والمشوار اللى كان ياخد ساعه ..... ياخد ساعتين ........ عادى ..... مش مشكله .... الوقت كتيير ..... والايام أكتر


لازم ..... قوانين ربط وردع ..... واجراءات صارمه

لعوده الامن والامان للشوارع من جديد

رد: عزيزى قائد السيارة - احترس انت فى مصر ما بعد الثورة
 

لا يوجد اى علاقة مباشرة بين الثورة والاخلاق