|
رد: حكايه صديقى والسياره الملعونه-2 روايه رعب واثاره وتشويق
انت كده بتشوقنى صح ماشى و انا معاك للاخر
|
رد: حكايه صديقى والسياره الملعونه-2 روايه رعب واثاره وتشويق
هذا المشهد مهدى لأحمد كار
-22- كان هشام المتصل 00 عندما أستمعت لكلماته المتهدجه 00 سقط المحمول من يدى وانا اتهاوى! انطلقت للشارع لا أتلمس خطواتى ولا أشعر بجسدى00لا أرى أمامى الا الظلام00 ذهول تام خيّم على نفسى وألم قاتل يعترصنى00عقلى ذاهل يرفض تصديق ما سمعت00 كانت الافكار تجرى تترى وتتلاطم فى مخيلتى00 لا أعرف كيف ألتقيت بهشام ولا كيف وصلنا للفاجعه! قابلنا على الطريق شقيق رشدى وهو يبكى فى حرقه: -رشدى ضاع 00رشدى ضاع أنسابت دموعى تكوى وجههى الحار 00 مازلت غير مصدق 00غير مستوعب ! فقد كان معى منذ ساعه على الهاتف00يخبرنى انه لم يوفق فى البيع ويضحك من كل قلبه ويسخر من سيارته الملعونه00كان فى طريقه الينا00أهكذا يا دنيا00غدر بلا أنذار! سقط رشدى بسيارته فى الماء فى طريق العودة! لم يظهر حتى الآن! صرخت وانا اقترب من الماء: -رشدى00يا رشدى أمسك بى هشام واحتضننى وهو يبكى كانت السيارات قد تجمعت وأطلقت أنوارها فى الترعه الواسعه الممتده وبعض المتطوعين مع الضفادع البشريه يبحثون فى كل مكان لكن بلا جدوى! مرت اللحظات بطيئه كئيبه قاتمه تشوى القلب وتخلع العقل00لحظات مريرة قاسيه لم أشعر بها فى حياتى من قبل00 الجميع يضربون كفا بكف والسياره الملعونه جاثمه فى المياه00ابتلع الماء رشدى وبقيت هى! ضاع صديقى العزيز00لا يمكن ان أصف حجم المرارة ولا النار ولا كيف اننى فقدت رشدى للابد! مرت الدقائق والساعات وبدأ الجميع يتسربون واحدا بعد الآخر ولم يبق الا انا وهشام وأسره رشدى فى جو من الدموع والآهات! توالت الذكريات 00 رأيته فى كل كلمه وكل حركه00 وكل موقف00 فى لحظات الفرح00 والحزن00 الجد00 والهزل00 المغامره00 والانطلاق00 قال هشام: -ضاع محمود فى البحر والنهارده هشام قلت: -متقولش ضاع صمت هشام 00مرت فى مخيلتى ليله الامس وما حدث 00 لقد تغيرت يا رشدى00 كنت تشعر بانك تقترب من النهايه لم أرك فى حياتى بكل هذه الرزانه والحكمه فاقدا الابتسامه وطبيعتك المرحه الا بالامس! طلبت رقمه للمره العاشره وكان الهاتف مغلقا فقد استقر فى اعماق البحر أجهشت بالبكاء وأنا اسقط على صدر هشام: -أنا مش مصدق -لا حول ولا قوة الا بالله00ربنا يصبرنا وكان صوتها على غير بعيد منا00 أمه المكلومه تناديه00 ولم استطع التوقف عن البكاء00 ولم استطع النظر فى عينيها طلع النهار ونحن ماكثون فى مكاننا00 بلا جدوى00 وبلا أمل يذكر00 ألتفت لهشام وقلت: -رشدى اتقتل قال هشام متفاجئا: -معقول -أكيد00عادل الكلب عمل حاجه فى العربيه00 العربيه كانت سليمه وجديده وانت عارف رشدى عاقل جدا فى سواقته -ماأنت عارف اللى فيها -لا00رشدى أتقتل00أنا لازم أبلغ00 والله ما أسيب حق صاحبى ولو كان فيه موتى -وأنا معاك وأبلغت الضابط بشكى ولم يسأل عن السبب00 لكنه أخبرنا بانها ستخضع للفحص الفنى انتصف النهار00وانتهى البحث تماما وقالوا أن الجثه ستظر فى خلال ثلاثه أيام على الاكثر! قلبى ينفطر عليك يا رشدى (تتبع باذن الله) |
رد: حكايه صديقى والسياره الملعونه-2 روايه رعب واثاره وتشويق
اقسم بالله عنيا كانت هاتدمع
الف الف شكرا للاهداء يا دكتور بس فعلا مفجعه مش مفاجاءه لا مفجعه بمعنى المفاجاه و الفجيعه فى نفس الوقت |
رد: حكايه صديقى والسياره الملعونه-2 روايه رعب واثاره وتشويق
بجد انت ملكش حل والله يا دكتور خللتني ادمع كمل حرام عليك شوقتنا
|
رد: حكايه صديقى والسياره الملعونه-2 روايه رعب واثاره وتشويق
ايه يا دكتور بقالنا يوميين مخدناش الجرعه
احنا خلاص بقينا مدمنيين |
رد: حكايه صديقى والسياره الملعونه-2 روايه رعب واثاره وتشويق
-23-
ذهبت انا وهشام وشقيق رشدى فى نفس اليوم لنتقدم ببلاغ فى عادل وبأنه قاتل صديقنا رشدى 00 قابلنا المقدم سعيد ضابط المباحث 00 نظر فى عينى مباشرة وقال : -ايه اللى خلاك تفتكر انه اتقتل ؟ قلت: -العربيه جديده ومعمولها صيانه وسليمه ميه فى الميه خلاف ان صديقى عاقل جدا فى سواقته قال: - ده مش منطق00اى واحد معرض للسقوط فى المياه حتى لو كانت عربيته زيرو قلت : -حضرتك رشدى تعرض للقتل وعربيته اتعرضت للحرق والكسر قال: -عندك دليل على كده ؟ قلت: - فيه شهود على اللى حصل غيرنا قال: - وبتتهم مين؟ قلت: - مفيش غير عادل مالك العربيه الاول قال : - الموضوع اللى حصل لصاحبك ده عادى 00 لكن انا حاسس ان فى حاجه وراء الموضوع ده قلت: - كلام حضرتك سليم 00 فى موضوع لكن ممكن حضرتك متصدقش نظر لى الرجل باهتمام وقال: -كل حاجه فى الدنيا حتى لو كانت غريبه ممكن تحصل ! وحكيت له الحكايه من بدايتها 00وعندما انتهينا 00 ابتسم الرجل لكن ابتسامه فيها تفكير وليست سخريه قال: - على الرغم من ان الموضوع كله مش طبيعى ومش منطقى لكن فضولى البوليسى بيقول ندخل فى الموضوع وزى ما يودينا انا ح اعتبر معلوماتك دى اكيده احتراما لشخصك وح امشى وراها لما نشوف وشكرته جدا وانصرفنا لمكان غرق السياره جلسنا على شاطىء الترعه نتذكر مواقف لصديقنا الحبيب00وخطرت لى فكرةفاتصلت بالدكتور لسؤاله عن ما حدث منذ بضعه ايام بالصحراء الذى ذهب اليهرشدى وحكيت له ما حدث باختصار كل ما حدث فاخبرنى بمفاجأة وهى ان السيده زوجه عادل ترشدنا الى شىء مهم بهذا المكان والسيده الملعونه تمنعنا عنه! وعن سياره رشدى قال انه يستبعد ان السياره هى السبب بالحادث وانه لامر غريب طارىء وابدى اسفه برحيل رشدى نظرت للسياره الجاثمه وانا ابصق عليها وادا ان احطمها وقد خرجت باصابات خفيفه 00شبه سليمه وكأنها تتحدانا! (تتبع باذن الله) |
رد: حكايه صديقى والسياره الملعونه-2 روايه رعب واثاره وتشويق
كل يوم بتمني ان القصه دي متخلصش
|
| الساعة الآن 04:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017