رد: انا من الاغلبية الصامته وعايز اتكلم
 

اقتباس:

طالما مافيش ليبراليين بيعدوا من الشارع ده نقلت لكم من موضوع احد الزملاء في المنتدى فقرة صغيرة ترد على بعض الليبرالييين الشعب المصري هو من قام بالثوره وليست الحركات المموله أمريكيا كما يحاولون اقناعنا الثوره المصريه قامت بسبب حاله التذمر ونفوذ صبر الشعب المصري وخروج ملايين العمال والموظفين والشباب والطلاب والعاطلين عن العمل والفقراء وليس بسبب الحركات والاحزاب التي أخترقتها الاجهزه الامنيه وليس بسبب البرامج التي يريدون أقناعنا بأنها من قامت بالثوره مثل فيس بوك وجوجل فالملايين التي خرجت كثير منها لايعرف ماهو الفيس بوك بل لايمتلك حتي كمبيوتر وكثير منهم حرم حتي من التعليم فالثوره كانت شعبيه تماما

فيس بوك هو من أطلق شرارة الثورة فعلا

والناس اللي نزلت أول يوم أغليها من الطبقات الراقية المثقفة ان لم يكن كلها

و لولا اليوم ده مكانش الشعب هينزل ولا بعد 100 سنة حتي ..

حاجز الخوف كسره المتظاهرين في أول يوم

( لا يستوي منكم من أنفق من قبل الفتح وقاتل أولئك أعظم درجة من الذين أنفقوا من بعد وقاتلوا وكلا وعد الله الحسنى ) [الحديد:10]

لكن بردو الشعب من العمال و الفلاحيـين و الاغلبية الصامتة المتبقية هو من قام بالثورة

فــ مينفعش ننفي دور الفيس بوك ولا الليبراليـين

نختلف مع الليبراليـين ولكن نعطي الحق لأصحابه ^_^

شكرا لحضرتك ع التوضيح

و ان شاء الله بعد انتقال السلطة هيتمسح امن الدولة من مصر كلها

و بلاش استاذ أنا لسه 19 سنة :shyy:

دمت بود

ROSE4U

رد: انا من الاغلبية الصامته وعايز اتكلم
 

تعتقد؟
يعني احنا دلوقتي مفيش امن دولة؟
طيب لية بقي بيقولو في ميكروفونات المساجد اللي عايز يعتكف يجيب صورة البطاقة بتاعته ؟
وبيقول دة بس عشان يعني سرعة ملء البيانات بدل ما تقف تقولها بنفسك!!!
انا هافترض حسن الظن
بس كل اللي كانو شغالين في امن الدولة دول راحو فين؟
قاعدين في البيت يعني
دي ناس اتربت علي كدة ومبتشتغلش الا كدة دول ينفع يدخلو في قطاعات اخري في الشعب!!!



يا رب يتمسح من مصر

رد: انا من الاغلبية الصامته وعايز اتكلم
 

رد: انا من الاغلبية الصامته وعايز اتكلم
 

رد: انا من الاغلبية الصامته وعايز اتكلم
 

انا كمان مش مصدق انه ممكن ييجي يوم ويتلغي امن الدولة
ممكن يتحجم شوية انما يتلغي لا
وفعلا دي ناس اتربت على كده ومابيشتغلوش الا كده ولا ينفعوا انهم يدخلوا اي قطاعات تانية
الحل هوا التسريح
في شكل معاش مبكر مثلا
لكن برضه الحكومه ايا كانت هتكون محتاجه لحد ينقلها الشعب بيقول ايه بيتكلم في ايه
مين خطر ؟مين مسالم ؟مين منظم ؟ مين محبوب
وهكذا
عشان الحكومه تعرف تشوف شغلها وتاخد قرارات بدون اعتراضات
او الاعتراضات تتظبط قبل القرارات
او المعترضين المحتملين يتظبطوا
هوا ده امن الدوله

رد: انا من الاغلبية الصامته وعايز اتكلم
 

السلام عليكم
كنت عاوز اعمل موضوع جديد للتقسيم اللي ها تكلم عليه دلوقتي وبعدين قولت جديد ليه ما نكمل هنا وخلاص خصوصا بعد الاربع مشاركات اللي جم في نفس واحد شجعوني اني اكمل بعد ما كان الموضوع اتنسى شويه
بعد ماقسمنا القوى السياسية في مصر عاوز رأيكم في تقسيم الشعب نفسه من حيث التفكير والفهم
فيه ناس فاهمة الامور والحياة صح وبتحاول تفهم غيرها رغم المجهود المرهق وفيه ناس فاهمه ومايهمهاش التانيين يفهموا ولا لأ وفيه ناس فاهمه وبتستغل عدم فهم الاخرين في الضحك عليهم وقيادتهم وفيه ناس فاهمة غلط وبتحاول تفهم غيرها الغلط وفيه ناس بردوا فاهمه غلط ومايهمهومش انه التانيين يشاركوهم الفهم الغلط واخر ناس هما اللي مش فاهمين لا صح ولا غلط وحياتهم ماشية بالقصور الذاتي او بالجاذبية الارضية عايشين وخلاص ومش عايزين يوجعوا دماغهم انما تقدر تقول شغالين بعواطفهم او بمزاجهم
مش ده المهم
المهم انك تتخيل معايا تباديل وتوافيق للمجتمع المصري بانتمائه السياسي وقدرات مخه
ممكن مثلا تتخيل حوار بين يميني فاهم سياسه مع مواطن عادي مش فاهم بيبقى الحوار كأنه درس ديني مش سياسي
ليبرالي فاهم صح مع يميني فاهم غلط بيبقى الحوار من نوعية ياجاهل يارجعي التاني يقوله ياعدوالله مع ان الحوار اصلا عن الانتخابات او سلطة العسكر او اي حاجه تانيه
خد بالك بقى
يميني فاهم وبيستغل عدم فهم الاخرين مع ليبرالي فاهم وبيستغل عدم فهم الاخرين الحوار بينهم هوا هوا اللي بتشوفه يوميا على الفضائيات في البرامج الحوارية ناس بتشتغلنا ولا واحد فيهم صريح و دوغري وبيقول هوا ناوي على ايه
ياللا بقى تخيلوا باقي النوعيات من الحوار بين اللي فاهم واللي مش فاهم حسب انتمائاتهم السياسية
واستمتعوا
سلامو عليكم

رد: انا من الاغلبية الصامته وعايز اتكلم
 

السلام عليكم
فيه حاجه كمان بتاثر على اختيار المواطن لقراره السياسي غير تعاطفه مع اليمينيين او حبه لليبراليين ووعودهم بالحرية المقننه
وعلى فكره بعض الناس فاكر ان الليبراليين لو مسكوا الحكم هايقننوا الحرية يعني هايعملوا قوانين تسمح بالغلط على انه حرية وده مش وارد في مجتمع زي مجتمعنا واللي فاهم كده هوا اللي غلطان
المهم ........ انا شايف انه المستوى المادي للفرد بيؤثر على قراره السياسي فالغني المرتاح غير محدود الدخل المزنوق غير الفقير المحتاج
يعني خلاصة الكلام صعب انك تلاقي اتنين متفقين في كل المواضيع الا اذا كانت جميع ظروفهم العلمية والمادية وقدراتهم الفكرية واحده
وهنا يبقى لازم نعذر بعض اذا اختلفنا في رأي اووجهة نظر لانه ناتج طبيعي عن اختلاف ظروفنا
وده برضوا يديلنا تفسير ليه اليمينيين لهم 4 احزاب مش حزب واحد وفيه احزاب جايه في السكه وليه الليبراليين لهم 20 حزب وحركة وائتلاف
طيب السؤال ؟
ايه اللي يجمع الشعب ده على رأي واحد او بالاصح يجمع غالبية الشعب على رأي واحد
السؤال بشكل اخر ؟
لو انتخابات المجلس الجاية كانت نتيجتها فوزاليمينيين هل تتوقع انه الشعب يتفق على رأي واحد وهو احترام نتيجة الانتخابات ولا الخلافات او المصالح اكبر من كده وهانرجع تاني للاعتصامات والمظاهرات ؟سلامو عليكم
ROSE4U