المشاركة الأصلية كتبت بواسطة ezzatfred (المشاركة 483570)

المشاركة الأصلية كتبت بواسطة حازم شاهين (المشاركة 483519)

المشاركة الأصلية كتبت بواسطة ezzatfred (المشاركة 483576)

معلش هسال بعض المتعاطفين مع 6 ابريل شوية اسئلة وياريت يجاوبو وياريت ناخد الموضوع على انه نقاش ومش خناقه ودون تعصب لراى
هل امريكا تحت حكم الحزب الديمقراطى غير امريكا تحت حكم الحزب الجمهورى وبلاش حكاية انها دولة مؤسسات لاننا كده نبقى حافظين مش فاهمين
هل بريطانيا اتغيرت تحت حكم المحافظين وبقت حاجة تانيه لما حزب العمال وصل للاغلبية وشكل الحكومة
هل الديمقراطية فى حد ذاتها هدف
اليونان واالبرتغال اعلنتا افلاسهما وهما دولتان ديمقراطيتان
الصين اعتى الديكتاتوريات اصبحت تانى اقوى اقتصاد فى العالم وكلنا عارفين ان الصين بمنتجاتها غزت العالم
ليه كل الحركات المماثلة لحركة 6 ابريل موجودة فى دول من اوروبا الشرقية
ورأيى انا الشخصى برغم قسوته وفظاظته الا انى مقتنع تماما بيه وما حدش يزعل منى عن 6 ابريل انهم شوية صيع وحبة عوانس وحبة ارزقية وبتوع بروباجندا وللاسف معاهم شوية شرفاء وبعض المضللين المغرر بيهم لانه للاسف الطريق الى جهنم مفروش بالنوايا الطيبة

المشاركة الأصلية كتبت بواسطة corsair (المشاركة 483413)

يا ريت فعلا نمحي الاسلوب ده من الحوار لان مينفعش نقول علي الجيش اللي حمانا انه كلب يا ممفور

من الاخر يا ممفور بعد ربنا سبحانه وتعالي ثم الجيش مكنش زمانك قدرة تقول الكلمتين دول اللي انتا بتقولهم دلوقتي

ومش عشان طنطاوي كان ماسك في عهد المخلوع يبقي فاسد ده راجل بينفذ اوامر وانتا لو كنت في الجيش وجاتلك اوامر انك تنط في النيل ومنطتش انتا عارف اللي كان ممكن يحصلك ساعتها

من الاخر احنا سكتنا عن الظلم والفساد زينا زيهم ولما نطقنا واتجمعنا الجيش كمان وقف جنبنا

والله العظيم الجيش لو كان عايز يفض ثورة 25 لكان فضها وانتا عارف كلامي كويس

الجيش مبيغلبش ومش ده جزاته علشان يتعمل فيه كدا

وبعدين احنا ما صدقنا البلد ارتاحت من مشاكل امبابة والمنيا والفتنه الطائفية وقولنا هنشتغل وعجلة الانتاج هتمشي وهنشوف مصالحنا بقا نلاقي شوية ناس كبيرهم 300 فرد طالعين علي ميدان التحرير وعايزين يحكموا البلد ويمشوها علي مزاجهم ده يقعد لا ده يمشي لا ده مش عارف ايه

حاجه تحرق الدم بصراحه وحلوه اوي حكاية التدريب في صربيا بحجة الخبرة

خبرة ايه بس هيه ثورة 23 يوليو كان فيها خبرات بردك ولا الثورات اللي شوفنها ديه كلها كانت بيبقي فيها كورسات علشان تاخد الخبرة

هيه البلد خلاص مش هتشوف عمار هتبقي خراب يا مصر

وياريت بجد علشان متحصلش مشاكل الكلام علي الجيش يكون بحساب لان سيادتك بتغلط في مؤسسة بالكامل وانا والدي من المؤسسة ديه ومش هسمح لاي حد انه يتكلم عنها لان من غيرها كان زمان كل واحد فينا معموله ملف اسود في امن الدولة وكان هيبقي الدور بيلف علي كل واحد فينا ارحمونا بقا

المشاركة الأصلية كتبت بواسطة mmffor (المشاركة 483450)

ديل **** عمره ما يتعدل و لو علقه فيه قالب هو مثل شعبي يدل على ان اللي فيه طبع او داء عمره ما حيغيره حتى لو انضغط عليه لتغييره
تعبير مجازي و الله وحده اعلم اني لم اقصد به سباب مباشر
يا ريت الادارة تحذف المثل كله من المشاركة و اعتذاري لجميع الزملاء

للاخ محمد - ممكن تعليقك على باقي الموضوع؟

و ثم يا جماعه اللي يعرفني يعرف دفاعي المستميت عن التيارات الاسلامية زي الاخوان و السلفيين في كل مواضيعي و مشاركاتي لكنني اختلف معهم كلية في محاولتهم بيع زملاء الكفاح ارضاءا للمجلس العسكري

مش عارف انا حاسس ان في لعبة دنيئة بتحصل و في كذب من الطرفين ( المجلس و 6 ابريل )

لكن كما قال المصطفي - صلى الله عليه و سلم - انصر اخاك ظالما او مظلوما, قالوا كيف ظالما يا رسول الله , قال رده عن الظلم

يعني احنا نتكلم مع 6 ابريل - نناقشهم - نقنعهم او يقنعونا - لكن نبيعهم كلية كدا يبقى اكبر غلط و اكبر مثل على ان الثورة انهارت - اكلت يوم اكل الثور الابيض

مننساش دي