مصر موتورز مجتمع السيارات - لماذا السيارات المستعملة افضل خيار في مصر؟ على عكس الراي السائد!!

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: لماذا السيارات المستعملة افضل خيار في مصر؟ على عكس الراي السائد!!

اقتباس:

المشاركة الأصلية كتبت بواسطة حـسن (المشاركة 862991)

والله هو كلام الاخ كاتب الموضوع جميل
وتحس انة منطقى جدا وكان ممكن اصدقة واقتنع بية تماما
لكن التجربة للاسف لها حكمها على الواحد

والكلام غير التجربة تماما

انا مثلا اشتريت عربية 127 على قد فلوسى

وفضلت اصرف عليها
كل ما اصلح حاجة تخرب حاجة تانية وهكذا

لحد فى يوم فكرت شوية 36_1_5[1]

انا ناوى على زيرو اصلا ومش مقتنع انى اغير من مستعمل لمستعمل حتى لو كان بحالة جيدة
ولاقيت انى صعب اعرف اجيب عربية زيرو بهذا الوقت لكثرة التزامات اخرى
ولا حتى تقسيط مينفعش اغير نهائى فى هذا الوقت

فاقتنعت انها قدرى ونصيبى لعدة سنوات قادمة ولازم اصبر شوية حتى تسمح الظروف لدفع مقدم عربية زيرو والقدرة على سداد قسطها

فقلت خلاص يبقى اصرف عليها شوية واشدها شدة محترمة علشان اقفل بابها خالص من دماغى ولا تعطل منى كل شوية

ودخلت فى شدة العربية
وياااااااااااااريتنى كنت ولعت فيها قبل ما افكر فى الموضوع دة :pty:

باختصار العربية فتحت
ايوة
فتتتتتتتتتتتتتحت بمعنى الكلمة
كل حاجة فيها عايزة تتغير
حتى القطعة اللى كانت شغالة لما تتفك تحلف ما هى راكبها تانى :wave2W21:
لازم تتفك وهى خربانة ولازم اغيرها

غيرت كل حاجة فى العربية
كل كل حاجة بمعنى الكلمة

هى فتحت وانا بصراحة فتحت معاها
اقول لنفسى خليك تركب مستعمل بحالة الزيرو هههههه :ff5a34af6efef0e643e

اقسم برب الكعبة عملت عربية على ايدى
كل قطعة غيرتها بجديد وافضل واغلى نوعية

الخلاصة
صرفت عليها 15 الف :THUMBS~113:

ومحدش يضحك عليا
هو دة اللى حصل
وهى دى الحقيقة
وكل شئ مكتوب عندى بالضبط وبتكاليفة واذا سمح الوقت بكتب لكم تفاصيل هذة الرحلة وبالعقبات والتكاليف اللى قابلتنى

وبشرط ان مفيش صنايعى ضحك عليا
كل شئ كان على ايدى وبسعر السوق
كنت فاكر الموضوع يخلص فى 15 يوم او بالكتير اوى شهر

جلست على ايد الصنايعية 3 شهور وبدعى ربنا يخلص هذا الكابوس على خير
معطل نفسى ومصالحى وطالع عين اهلى وكأنى موظف
انزل الصبح وارجع اخر النهار

تفتكروا بعد كل دة اية اللى حصل :THUMB_~112:

صراح خرجت العربية ممتازة
بل فوق الممتازة
وجابت لى سعر وهى خارجة 20 الف كاش من واحد كان شايف كل الشغل اللى بيتعمل فيها
ولكنى رفضت تماما فكرة بيعها

ومفيش شهرين وبدأت رحلة الاعطال من جديد :cry2W9:
كنت اصبر نفسى انها ربما مشكلة تقفيل من صنايعى وعطل عابر ومش هيتكرر

لكن الحقيقة المرة انى ما زلت بصرف على العربية وما زالت بتعطل منى وبكثرة :crying:

ولسة العربية اللعينة هذة معايا ومبهدلانى
لما كرهت نفسى
والله كرهت نفسى وكرهت العربيات المستعملة

والله احيانا تكون العربية سليمة وشغالة اخاف اركبها تعطل منى واتأخر على مشوارى ومصالحى

اسيب العربية واروح اركب مواصلات
وانا عمال العن اليوم اللى فكرت اصرف فية على عربية بالشكل العبيط دة

ولذلك
انا تكونت عندى وجهة نظر عن المستعمل وبالذات القديم اوى بالشكل دة
انك تعتبرها قطعة حديد
يعنى من الغباء انك تصرف جنية على قطعة حديد لانها مش هتخرج عن طبيعتها كقطعة حديد مصدية
واذا عرضتها للبيع ومفيش حد يشتريها
الافضل انك ترش عليها شوية بنزين وتولع فيها احسن من انك تصرف عليها

دى وجهة نظرى من خلال تجربتى

ومستنى اليوم اللى ربنا يفك سجنى من هذة المصيبة اللى معايا

لانى مستحيل اشترى مستعمل تانى
والله اجيب عجلة ولا اركب مستعمل ابداااااااااا

طب جبتلك 20 ما بعتش ليه بس ؟؟؟ و بعدين مش يمكن سوء استخدام ؟

اهم حاجة انت كسبتها في الكلام ده كله هي الخبرة و الفهم في العربيات من اللف اللي لفيته

بس اهم حاجة تستغل الخبرة ده و حاول تشغلها او تشتغل بيها حتى لو فيما بعد

رد: لماذا السيارات المستعملة افضل خيار في مصر؟ على عكس الراي السائد!!

انا عندي فيورا 127 موديل1985 وللان ماشاء الله عليها طبعا هناك اصلاحات وهذا طبيعي ولكن افهم امكانات عربيتك وتعامل صح معها تعطيك افضل اداء....وعلي فكرهوجهات النظر نسبيه وعلي حسب تفكير ودواخل كل انسان يختار سيارته

رد: لماذا السيارات المستعملة افضل خيار في مصر؟ على عكس الراي السائد!!

اقتباس:

المشاركة الأصلية كتبت بواسطة MmFFoR (المشاركة 478388)

مميزات المستعمل في مصر:

1- سعر اقل
2- سهولة الصيانة في اي مكان خارج التوكيل
3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و
4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات
5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك
6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة
7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو
8- الحسد على ودنه
9- اكثر عرضه للسرقة لانها اكثر قيمة
10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع

مستني ردود يا شباب:fun_36_3_11[1]:

معك حق ومع رأيك
:THUMB_~112::THUMB_~112:

رد: لماذا السيارات المستعملة افضل خيار في مصر؟ على عكس الراي السائد!!

لا للجديد مادام السعر مغالي فيه مقارنه باي بلد اخري ومادام الوكيل لايقوم بدوره كما يجب والشوارع الجميله بتاعتنا.....ويجعله عامر

رد: لماذا السيارات المستعملة افضل خيار في مصر؟ على عكس الراي السائد!!

ما المستعمل مش مضمون

رد: لماذا السيارات المستعملة افضل خيار في مصر؟ على عكس الراي السائد!!

الجديد جديد ...يغور المستعمل ووجع دماغه

رد: لماذا السيارات المستعملة افضل خيار في مصر؟ على عكس الراي السائد!!

للأسف انا مش معاك فى الموضع ده لكذا سبب
اول سبب أن محدش بيبيع عربية لله (مفيش حد صالح)
ثانى سبب ان يكفى انك هتشترى عربية مش عارف هتضرب معاك فى ايه حاطط إيديك على قلبك ياترى الفتيس ولا الموتور وعاملة حادثة ولا .....
انما الجديد اه بالرغم من سوء معاملة التوكيلات واستهبالهم وانه هنا بيتباع بأسعار اغلى بكتير من الخارج لكن يكفى انك ع الاقل هتاخد زهوته خمس ست سنين وبعد كده تبيعه
وربنا يبارك للجميع ويرزقهم من حيث لا يحتسبوا