رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

ثرموستات الكوعة متشالة

الحمد لله تم اكتشاف سبب المشكلة
 

اخر التطورات " تم الاستعانة بصديق عنده عربية زي بتاعتي بس مش بتسخن و اخذت منه
الردياتير و المروحة و ثرموستات المروحة و طلعت علي الطريق و هو هو نفس العيب .
طلعت علي بتاع التكييف و فكيت سربنتينة التكييف و طلعت علي الطريق و لأول مرة العربية ما سخنتش:joy23::joy23::joy23 ::joy23: .
المشكلة انه كل ما أركب سربنينة التكييف علما انها نضيفة و سالكة تماما العربية تسخن علي السريع
هل هناك وضعية معينة ليها اثناء التركيب.

أشكر كل من أرهق ذهنه و حاول مساعدتي أشكركم من كل قلبي

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

مازلت مقتنع بإن المشكلة عندك في كيفية تدفق الهواء للرادياتير... زي ما قلتلك من 6 شهور

لما قلتلك تركب القميص على الرادياتير كان قصدي إن الهواء لازم يبقى مجبر يعدي على الرادياتير كله... وبعيدها ... كله... ولو الموضوع ده ما حصلش يبقى التبريد مش حيتم بالكفاءة المطلوبة.

ببساطة كده... لو شفت أي عربية خليجي (اللي الجو عندهم حر أكتر مننا 10 مرات) حتلاقي كل الرادياتيرات عليها القميص ده... وطبعا مفيش عربية مفيهاش تكييف

المشكلة إن الشاهين مش معمول حسابها إنه يركب عليها تكييف، والتالي مش محتاجه كل التعقيدات دي... لإنه ببساطة ... اللي صممها قاعد في تركيا اللي الجو فيها ما بيزيدش عن درجة حرارة 25 في الصيف.

لو عايز تفتكر القميص اللي قصدي عليه... حتلاقيه في الاقتباس اللي تحت

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

عن خبرة طويلة بالشاهين و الدوجان فى الأستعمال أهم حاجة و أنت مسافر لا تنسى اتجاة الريح عشان لا تقلق نفسك عندما تكون عكس أتجاة الريح يكون التبريد مثالى و العكس صحيح فى حين عندما يكون أتجاة الريح فى جنب العربية يكون التبريد طبيعى.

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

انا قريت قبل كده ان في ناس حطولها مروحه اوبل كبيره كده علي المنتدي هنا
والله اعلم اسأل كويس الاول قبل ما تحطها

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

بعد التوصل الي الحل للسخونية بشيل سرابنتينة التكييف و جاء الصيف و الواحد في عرض نسمة هوا في عز الزحمة اتخذت القرار بتركيب السربنتينة و تشغيل التكييف و ملعون ابو العربية (بالبلدي حنضحي بالمريض عشان اهله يعيشوا) و بعد قراءات مفصلة في الوضعية المثلي للسربنتينة وجدت الاتي يجب تركيب سربنتينة التكييف بحيث لا تبعد عن الردياتير بمسافة تسمح بتكوين جيوب هواء ساخن بينهم و يجب ايضا ان تكون مروحة الردايتر بعيدة بقدر الامكان عن مروحة سربنتينة التكييف (ما يكونوش علي خط واحد) المهم توكلت علي الله و ايدي علي ايد بتاع التكييف و ركب و اشحن يا ابني و التكييف تمام يا بيه و اطلع علي الطريق و جرب و هوب هوه هوه نفس العيب قلت مش مهم تسخن تتنيل المهم انا اتكييف لغاية ما اغورها في داهية و ابيعها.
المهم مشيت بيها شهر و في يوم و انا نازل الساعة 4 ظهرا و علي منزل كوبري الجامعة الحرارة عالية جدا و المروحة مش شغالة قلت هي ناقصة الثرومتات ضرب و شغلت المروحة ديركت و برضه ما بتردش بحط ايدي علب الردياتير لقيته ساقع تلج فتحته لقيت مفيش ميه حطيت جركن ميه و لقيت دخان ابيض طلع من الموتور من تحت كاني دعكت مصباح علاء الدين و استنيت العفريت عشان اقوله عايز عربية جديدة المهم العفريت ما طلعش و الدخان هدي و لقيت رشاش ميه طالع من الموتور و بينزل علي الشكمان و يتبخر و يطلع دخان ، قفلت الكبوت و بصيت علي الحرارة لقيتها نزلت شوية جريت علي الميكانيكي . و للحديث بقية قريب قوي

رد: فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟
 

وعند عمو الميكانيكي شاف العربية و قالي دي عايزة شغل نصف يوم علي الاقل قلتله ليه يا عم الحاج قالي حنفك كل النصف العلوي للموتور و الكاربيراتير لحد ما نوصل لطباط الموتور هي دي اللي مسربة الميه قولتله يالا اتكل علي الله .
فك و طلع الطبب و لقينا منهم واحدة مخرومة و الباقي بيشاورو عقلهم قولتلو غير كله هي هتكون بكام دي قالي الوحدة باثنين جنية!!! ايه؟؟
ايوه 2 جنيه وعليها اشتريتهم و غيرنا و قفل الموتور تاني و كله تمام
و خد 80 جنيه و 10 جنيه للصنايعي
و جاءت لحظة التجربة
خدت العربية و طلعت علي بلدنا في الشرقية
و المفاجاة كل ما ازود سرعة العربية بتبرد :HAPPY_~211::HAPPY_~211:: THUMBS~220::THUMBS~220::T HUMBS~220::THUMBS~220::HA PPY_~211::HAPPY_~211::HAP PY_~211:
ما صدقتش نفسي و جبت قريبنا اللي كان معايا يسوق و قعدت اراقب الحرارة بس
المؤشر بينزل كل ما نجري لولولولولولولولي