المشاركة الأصلية كتبت بواسطة eman2205 (المشاركة 441345)

شكرا للجميع على التعليقات

المشاركة الأصلية كتبت بواسطة mohamed488 (المشاركة 435082)

بسم الله الرحمن الرحيم
اولا انا اشتريت سيارة تريلا وطبعا كان في قرض كبير من البنك وعلشان كده قمت بالتامين علي السيارة وكان خطاء مني لما قمت بالتامين اني امنت بقيمة تامين اقل من القيمة الفعلية للسيارة بس مش دي المشكلة لانها غلطتي, يشاء الله بعد 5 شهور من شراء السيارة ان تعمل حادث كبير ادي الي احتراق السيارة بالكامل وموت السائق ومساعده وكان حادث مروع, اتجهت للشركة طلبوا اني احضر السيارة الي الاسكندرية اقصد حطام السيارة للعرض علي الخبير المعين من طرفهم وده طبعا كله مصاريف كبيرة من اوناش وسيارة تنقل وجاء الخبير وعاين واكد علي انه هلاك كلي للسيارة, وبدات معناه مع الشركة كل يوم يطلبوا ورقة جديدة نجيبها يطلبوا غيرها وطبعا لازم كنا نسافر للمكان االي حصل فيه الحادث لااحضار الاوراق 20 مرة سفر ومصارف وخلافه, وبعدمعناه حدثت الطامة الكبري لان الخبير المعين من طرف الشركة طلب رشوة 5 الاف جنيه وطبعا انا رفضت لاني مش بدفع رشاوي انا انسان عاش خارج مصر اكتر من 20 سنة وعندي مبادئ مش ممكن اغيرها, المهم الاستاذ الخبير كتب في التقرير ان القيمة الغعلية او السوقية اقل من الواقع والحقيقة ب 100 الف جنيه تقريبا وبداء معناه مع الشركة ونعترض وهما يماطلوا طلبت خبير جديد لكن قامت الثورة وحصل العطلة غير المتوقعة لكن بعد هدوء الامور بدانا مرحلة معناه جديدة موظفين الشركة ينصحونا اننا نتفهم مع الخبير كده عيني عينك المهم انا احضرت لهم مستندات تدل علي ان القيمة السوقية للسيارة اعلي من كده بكتير وانا مش عايز غير قيمة الوثيقة فقط وهددت من زهقي اني حا ابلغ عنهم وعن الخبير طلبوا خبراء تانين وفعلا اثباتوا ان القيمة السوقية للسيارة زي ما انا قلت ,هنا اعتقدت انه جاء الفرج لكن روح وتعالي وقابل مدير القطاع لا ده مسافر تعالي الاسبوع الجاي وبعدين نقبله يسئل فين تقرير الخبير الجديد لسة مش موجود يافندم طيب ياريت تيجي لما تقرير الخبير يجي لازم الملف يكون كامل وده كله بعد التقدير الجديد بشهر,جه التقرير مديرة القطاع مش موجودة النائب بداء يفاصل معنا وكانه كيلو طماطم عايزين يخصموا من القيمة 20% رغم ان السيارة لم تعمل سوي 5 شهور منهم 3 شهور بدون شغل بسبب توقف حالة النقل لعدة اسباب منها اضراب اصحاب المقطورات انا لم يدخل جيبي مليم من السيارة وغير اني لازم ادفع اقساط البنك وانا كده حوالي 6 شهور لحد البنكما حجزعليه ولسة الشركة مش عايزة تحل الموضوع لاني مش بدفع رشاوي, ده حرام ولا مش حرام يامصر للتامين. حسبي الله ونعم الوكيل

المشاركة الأصلية كتبت بواسطة mmffor (المشاركة 441378)

يا استاذة ايمان
بدلا من الزعل على تعليقات حقيقية تعكس صورة قد ترين انها جارحة لذكرها فما بالك للذين عايشوها؟
يعني بالعربي حطي نفسك مكاني - مهندس و صاحب شغل رايح اعمل تأمين في شركة تعتبر ( المفروض يعني ) شركة قديمة و عريقة و مجهز كل ورقي يقوموا يقولولي صر بطاقة و مش عارف ايه - اقولهم فين و انا في الدور الخامس يقولولي في كشك على اول الشارع!!!
لما بروح لمحل موبايل راس ماله الفين جنيه اشتري خط تليفون ب 3 جنيه المحل بيكون فيه ماكنة تصوير تصور البطاقة و يعمل العقد

انتي يرضيكي ان شركة راس مالها مئات الملايين يبهدلوا عملاءهم علشان مستخسرين يجيبوا ماكنة تصوير بملاليم و يخلوها حتى في اوضة الساعي ؟؟؟

بدل ما تزعلي من التعليق اتمنى الرد على تساؤلي بحيادية

و الموضوع ده بيعكس بكل بساطة عقلية متحجرة من افكار القطاع العام بينعكس على نقاط تانية كتيرة

و اخيرا الموضوع الاساسي بتاع الاخ - حضرتك زعلتي من التعليقات و المفروض هوا ميزعلش لما يلاقي نفسه بيتنصب عليه في 20 الف جنيه؟ من شركة المفروض عريقة و حضرتك بتمثليها - العيب مش على اللي بيعلق - العيب على اللي اداله فرصه للتعليق بالاستهتار و تجاهل السلبيات و التعايش بعقلية العصر الحجري

صح و اللا غلط؟

و شكرا لسعة الصدر

و للعلم انا لو حد عايب على شركتي اللي بعمل فيها مش حزعل و لكن حتسائل هل الكلام اللي قاله صح و اللا غلط