|
رد: ما موقفك من الجماعات الاسلامية الموجودة علي الساحة؟
اقتباس:
|
رد: ما موقفك من الجماعات الاسلامية الموجودة علي الساحة؟
الاخوان المسلمين جماعه معتدله ولهم سياساتهم البعيده عن العنف اما الجماعات الاخرى مثل الجهاد والسلفيين نظرتهم ضيقه وليس لديهم برنامج انتخابى ولا رؤيه سياسيه ولهم اجنحه عسكريه متخفيه وشاهدنا مؤخرا قطع الاذن وهدم الاضرحه فأرجوا ان يبتعدوا عن السياسه ويتركوا الشعب المصرى فى حاله .
|
رد: ما موقفك من الجماعات الاسلامية الموجودة علي الساحة؟
اقتباس:
الجميل فعلا هى المصادر الى انت كتبتها هى تشكيله من رموز الفكر السلفى و الصوفى و الاخوان يعنى ده يخلينى اقدر اقول انك على درايه بفكر الجماعات الموجوده على الساحه ...انا بشكرك على طرح الموضوع لان ده من اهم المواضيع الى محتاجين نتكلم فيها و نستفيد من خبرات الجميع للوصول للحق الى يفيدنا و يغير بلدنا بالشكل الى كلنا نتمناه |
رد: ما موقفك من الجماعات الاسلامية الموجودة علي الساحة؟
الأخوان المسلمين أنا بستريحلهم ،، و بأعتقد إنهم جماعة وطنية ذات تاريخ عريق و خدمت مصر في مجالات عدة ،، بأخذ عليهم فقط مبدأ الولاء و الطاعة و الله أعلم ممكن المنهج ده يتغير خصوصا في نطاق المطالب المستمرة لشباب الأخوان بتغيير آلية اتخاذ القرار في الجماعة و المطالبة بعملها العلني ،، أما المنهج السلفي ،، فالصراحة أضع يدي علي مسدسي ،، لما يذكر اسمه ،، و موقفي منه دينيا قبل سياسيا أو اقتصاديا أو اي حاجة تانية المصيبة إنهم بيسوقوا لنفسهم علي اساس إنهم الدين الصافي النقي علي منهج أهل السنة و الجماعة و الرسول الكريم عليه الصلاة و السلام و أصحابه و السلف الصالح و ده بيلقي رواج عند الناس علي الأقل لو مش قادرين علي التطبيق بيتعاطفوا معاهم علي إنهم الدين الصافي السليم و الحقيقة إني أعتقد إنه منهج ليس الثواب المطلق ،، و لكن يشوبه الكثير و الكثير و عندي اسبابي و تجاربي الشخصية بس ما أقدرشي اخوض فيها ،، الموضوع ده محتاج علماء أفاضل ينقدوا المنهج ده و يكشفوه للناس ،، الخلاصة بعودة الأزهر الشريف لدوره اللي أختذل و تشوه خلال الستين سنة الماضية ،، كل المناهج دي هتقع و هنرجع للإسلام الوسطي اللي بيجمع بين النقل و العقل |
رد: ما موقفك من الجماعات الاسلامية الموجودة علي الساحة؟
أخي العزيز اسمح لي بصياغة كلامك في صورة اسئلة
1- ما موقف السلفيين من مجالات الاقتصاد مثل البنوك و البورصة و موارد الدولة مثل السياحة و الفن؟ هل هناك اكثر من رأي أم رأي واحد؟ اذا كانوا يحرمون تلك المجالات هل هناك بديل؟ 2- ما هو موقف السلفيين مما نسب اليهم من عنف مثل هدم الاضرحة و ضرب المتبرجات؟ هل هي اشاعات كما يقول السلفيون؟ هل تم القبض علي سلفيين في هذة الاحداث؟ 3- "لا تجادل و لا تناقش" هل هذة حقيقة و قاعدة في الاسلام؟ 4- هل يضهد السلفيون المرأة؟ 5- ما معني مواطنة و لماذا ظهرت تلك الكلمة في قواميسنا مؤخرا و موقف السلفيون منها؟ 6- هل الشيخ معصوم من الخطأ و يتكلم باسم الله و لا يجوز مخالفته؟ وكمان موقف السلفيين من العمل فى السياسه و انتخابات الرئاسه و مجلس الشعب و هل ده كان موقفهم قبل الثوره و الا ده اتغير بعد الثوره و كمان ايه موقفهم من تطبيق الشريعه الاسلاميه و تطبيق الحدود و القوانوين الوضعيه الى موجوده حاليه و لو حصل و وصلو لحكم البلد او مجلس الشعب ايه الى هيعملوه سواء فى مجلس الشعب او فى وضع البلد ككل كل الاسئله دى وزياده بيجاوب عليها الشيخ محمد حسان بكل وضوح وصراحه بدون الاجابات الدبلوماسيه المعتاده من السياسيين علشان كل حد بيسمع عن الجماعات الاسلاميه و مش قادر يحكم عليها لانه مش عارف هما بيفكرو ازاى او ايه الى هيحصل لو الاسلام كان هو المرحله القادمه !!! http://www.youtube.com/watch?v=NAnEF3CBb-s اتمنى كل الناس تحكم على السلفيين بعد ميعرفو هما مين و بيفكرو ازاى و ميكونش الحكم من خلال الاشعات الى بيروجها الاعلام الموجهه لهدم كل ما يمت للدين باى صله |
رد: ما موقفك من الجماعات الاسلامية الموجودة علي الساحة؟
هل توجد جماعات اسلامية مسلحة في مصر؟ و لماذا تسكت عنها الدولة؟
هل تم القبض علي أي سلفي في موضوع قطع الاذن و هدم االاضرحة؟ ام كانت اشاعات موجهة ضد السلفيين؟ اخي العزيز احمد لا أعتقد انك تحتاج لمسدس عند تعاملك مع السلفيين فهم اشداء فقط علي العدو الخارجي رحماء علي المصريين نريد من أخونا أبو سهيلة يشرح لنا أكثر مبدأ الولاء و الطاعة عند الاخوان المسلمين يعني انا اذا انضممت للاخوان مش هعرف اقول رأيي ابدا؟ |
رد: ما موقفك من الجماعات الاسلامية الموجودة علي الساحة؟
يا سيدي الفاضل ، بعد الثورة أصبح الكل مشغولا بالشأن الداخلي المصري ، وتناسى الجميع أن رأس الأفعى ( أميركا )
و ذنبها ( اسرائيل ) لن يتركوا المسلمين عامة والمصريين خاصة دون إشاعة كل أنواع الأخبار لبث الفتنة داخل المسلم نفسه وليس داخل مصر فقط ، و هذا ليس بجديد على اليهود تحت أي مسمى وفي أي مكان ، فالأصل أننا كلنا مسلمون موحدون بالله ( تبارك وتعالى ) ومتبعون لسنة رسول الله ( صلى الله عليه وسلم ) . |
| الساعة الآن 10:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017