رد: انا احذركم جميعا من التعامل مع غبور هيونداى
 

يا اخى انا والله لى حق واضح وهما غلطوا معاى على الاخر وانت جاى فى الاخر تقللى اتصل بيهم هما مستكبرين يكلمونى

يعنى هيدونى اثباتات بورق مختوم وضمانات لذلك

والله يا اخى انا لا اقصد الاساءة اليك اطلاقا
ووالله لو حد من هيونداى كلمنى بنص الذوق بتاعك كان زمان المشكلة اتحلت
وسيبك من العربية يا رب تولع حتى وهى عند غبور انت من الناس اللى فعلا خدمتنى وكمان كتيير جدا وبالك طويل جدا وانا فعلا اثقلت عليك وانت لا ناقة لك فى البيعة ولا جمل
بس من غيظى كنت بكلمك مش عشان محملك ذنب
انا اسف ليك فعلا انت الرجل الصح فى المكان الغلط تستحق اكثر

فعلا انت مهموم لى وانا عارف
بس يا اخى والله الداعى لتكبير المشكلة موجود
والعربية حاليا مش زيرو وانا مش هسيب طريق لحقى الا لما اسلكة
واذا فشلت يبقى عملت اللى على وكفاية شرف المحاولة

هو انتو صلحتوها ولا لا وهى ممكن تتصلح من غير ما اعرف

رد: انا احذركم جميعا من التعامل مع غبور هيونداى
 

اتمنى انك تتبوأ منصب مهم في شركة غبور يا استاذ محمود لو ربنا كاتبلهم الخير
لان اللي زيك فعلا بيحبب الناس كلها فيه و في جهة عمله (بغض النظر انا مؤيد او معارض لسياسات غبور)
تحياتي لك بشدة

رد: انا احذركم جميعا من التعامل مع غبور هيونداى
 

لاء والله يا دكتور استاذ محمود على العكس معرفتش اكلمة خالص على طول تليفونة مبيردش

انا اتكلمت مع كذا حد فى الإدارة واللى كلمنى وتابع معايا كان استاذ سامى المسئول عن الشكاوى وحماية المستهلك

والكلام كان كله ان الناس عايز تعرف ايه اللى يرضيك علشان يتعمل

وانا من ناحيتى بحكم تجاربى وخبراتى فى المشاكل المشابهه طلبت توضيح فنى للمشاكل اللى موجودة فى العربيه بحيث نقدر نحكم على امكانية اصلاحها بشكل جذرى او لاء وهل تاثر على العربيه ككل ولا فعلا المفروض تتغير

واعتقد ده نفس المنطق اللى هيتعامل بيه جهاز حماية المستهلك برضو

فانا شايف لو المشاكل بسيطة استلم العربيه واستمتع بيها متخليش حاجة تنغص عليك
اما لو المشكلة كبيرة او تاثيرها على قيادتك ليها ممكن تسبب خطر ليك يبقى لازم تثبت الضرر وتطالب باسترجاع الفلوس كمان مش استبدال

بس الفرق بين الموقفين كبير والاجراءات بتختلف والمشكلة هتاخد وقت وصورة تانيه خالص

وكل ده متوقف على الحالة الفنيه الدقيقة للعربيه مينفعش فيه كلام عام

رد: انا احذركم جميعا من التعامل مع غبور هيونداى
 

بعد اذنك اذا ممكن توصل لهم ما يرضينى

يتغير الفتيس والبور كلة
ويدونى تقرير فنى مفصل عن اللى اتعمل ومثبت تغيير الفتيس والبور
وكمان ورق مختوم منهم انة فى حالة تكرار نفس العيوب فى فترة الضمان
يحق لى استبدال السيارة فورا

ثم ناتى الى التعويض عما لحق بى من اضرار من عطلة ومصاريف وضغط نفسى

بعمل صيانات السيارة مجانا الى فترة كبيرة قد تصل الى فترة الضمان
مثبت ذلك فى الضمان

ثم تسليمى السيارة فى مكان الصيانة بسوهاج بالونش على حسابهم

وليقضى الله امرا كان مفعولا

رد: انا احذركم جميعا من التعامل مع غبور هيونداى
 

طيب اللى عنده مشاكل فى سيارته و هى فى فترة الضمان يعمل ايه؟

رد: انا احذركم جميعا من التعامل مع غبور هيونداى
 

يا أستاذ قناوي
اعتقد بالنسبة لسيارة حديثة لو الفتيس و الباور فيهم عيب فعلا مينفعش انهم يقعدوا يصلححوا و يلصموا فيهم و هما لسة زيرو
التعويض - ممكن يتم اتفاق على الغاء المصنعيات بالكامل مع عمل خصم مناسب على قطع الغيار
طبعا يبقى في ورق مكتوب فيه ان قطع الغيار المستبدلة عليها ضمان جديد و في حالة التكرار خلال فترة معينة ( شهر او شهرين مثلا ) يتم استبدال السيارة بالكامل و باقي مدة الضمان ضمان عادي على قطع الغيار المعيبة مثلا
و التوصيل دي اعتقد هما موافقين عليها من البداية

من رأيي الشخصي ده حل مناسب قد يقبل به كلا الطرفين

رد: انا احذركم جميعا من التعامل مع غبور هيونداى