مصر موتورز مجتمع السيارات - كوميديا المظاهرات

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - كوميديا المظاهرات (https://www.masrmotors.com/vb/showthread.php?t=47165)

رد: كوميديا المظاهرات

اقتباس:

المشاركة الأصلية كتبت بواسطة BASSEM BESO (المشاركة 352155)

اولا ابدأ كلامى واقولك شكرا فعلا انك جبت صور اخوتنا الشهداء اللى عمرنا مهننسى ابدا انهم ضحوا بروحهم فى سبيل مطالب مشروعه وحلم يتم تحقيقه على ارض الواقع الأن وفعلا هما دول الأبطال الحقيقيه اللى لازم ننحنى لهم تقديرا واعجابا بما قدموه وهو ده شباب 25 يناير الفعلى واللى الواحد يحزن عليهم ويفضل فاكرهم طول عمره .

ثانيا زى ماحضرتك متبنى وجه نظر ضد حسنى مبارك فهذا حقك ولاخلاف عليه ولا فى ذلك اى عيب حتى وان كان يؤيدك فى الرأى 99.9% من الشعب فلابد ان تحترم سواء رضيت اولم ترضى وجه النظر الأخرى اللى بتمثل 1.% اللى هى بتدافع عن حسنى مبارك وانا منهم ولى الشرف ولا انكر هذا ولكن انك تقول ان احنا بندافع بكلام قديم وعبيط اسمحلى انا ارفض هذا الأسلوب من الخروج عن النص واداب الحديث لأن ذى محضرتك مقتنع برأيك الطرف الأخر برده مقتنع برأيه يعنى مقدرش اقول على حضرتك انك بتهاجم بكلام ملوش لازمه وساذج وسطحى وتسير مع الموجه فلا يصح ان اقول الكلام ده علشان كده حضرتك ياريت ياريت تلتزم بأداب الحوار واحترام وجهات النظر الأخرى وشكرا ليك على جمله المتخلفين عقليا .

1- ليسوا جميعا من شباب 25 يناير و يا ريت تبطل تتفرج على القنوات المصرية كتير لانها هي المصدر الوحيد لاكذوبة شباب 25 يناير و عصابات و خونة ما بعد 25 يناير!!! منهم من مات في 28 يناير و منهم من مات في 2 فبراير!!!
يوم 25 يناير كانت مظاهرة شبابية تضم الالاف اعتقل منهم 800 شخص و قتل 12!!!! وسط تجاهل تاااااااااااااااام تاااااااااااااام للاعلام اللي بيغني على جثثهم دلوقتي!! والله والله يوم الاربعاء الصبح الاعلام بيتكلم بتقارير و بالبنط العريض عن اعتصامات لبنان و مظاهارات اليمن و وسط البلد مولعى نار و الضرب في الشباب الاعزل شغال على ودنه!!!! يا اخي ......
2- حلم يتم تحقيقة على ارض الواقع دي بقى النكتة الكبيرة قوي قوي
حلم حسني مبارك انه يفضل ال 8 شهور الجايين! دي اقول ايوه صح!
علشان ميجييش رئيس شريف بعده يقلب في اوراقه و يشوف الفضايح
علشان يطبخها و يحرق اوراقه
و جايز علشان يحلم انه يكمل مده تانية بطبخة جديدة بعد ما تكون السجون الفاضية
اتملت من جديد .... بشباب 25 اللي انت بتنحنيلهم (بس حاسب ضهرك يوجعك)
و حضرتك قاعد على النت! يا اما حتنقض و تعترض يا اما حتسكت خالص ساعتها
- ما هو الحلم الذي يتم تحقيقه على ارض الواقع؟ مبارك يعلن استقالته من الوطني... ثم ينفي
- من سفر وزراء و رجال اعمال... ثم يتم نفيه
- تشكيل وزارة 12 واحد جديد و 18 زي ما هما! و الجديد برضه حزن وطني!
-انباء عن تحقيق مع العادلي و عز... على ارض الواقع لا حس ولا خبر
اذكر لي ما تم تحقيقه من المطالب و انا اللي حنحنيلك لحد ماظهري حينكسر

رد: كوميديا المظاهرات

مشكور يا lolحاجة فعلا مضحكة

رد: كوميديا المظاهرات

اقتباس:

المشاركة الأصلية كتبت بواسطة mmffor (المشاركة 352164)

لاوالله انا مبتفرجش على تلفزيون مصرى من الأساس ولا بقعد واتكلم وادافع او انتقد وخلاص و انا واحد زى ملايين من المصريين اللى وقف حالهم فى ال10 ايام اللى فاتوا ومش زعلان عليهم ولا هزعل عليهم ولايهمنى غير اللى اتحقق من وراء هذه المعجزه اللى كنا بنحلم بيها من زمان واتحققت ومش لازم اقول انى نزلت يوم الغضب اللى هو الجمعه وعملت وعملت وعملت لأن الكلام ده مش بيتكب ولايتقال ده بيتعمل وبيتنفذ مش بالكلام وخلاص .
انا بس عايز اقول حاجه واحده بس انت قولتها انى شباب 25 يناير هما اللى نزلوا 25 يناير فقط لو انت تقصد فعلا كده تبقى مصيبه ولو انت مش عارف تفرق تبقى المصيبه اكبر واعظم

رد: كوميديا المظاهرات

شباب 25 يناير هما شباب 28 يناير و هما شباب 2 فبراير و هما شباب مصر و هما الموجودين كل يوم في التحرير و نايمين قدام الدبابات

رد: كوميديا المظاهرات

اقتباس:

المشاركة الأصلية كتبت بواسطة مهند سالم (المشاركة 352130)

والله العظيم حاجة تكسف، أنا فعلا خزيان من إلا بيعملوا التليفزيون المصري ده، اللهم أحق الحق وأهله وأذل الباطل وأهله، آمين

يا عم مهند انت فاكر ان الصوره حقيقيه دول جماعه على النت بيتريقوا على سياسه التليفزيون المصرى فى نقل الاحداث

رد: كوميديا المظاهرات

اللهم انزل شهدائنا منازل الشهداء وارقدهم فى اعلى العليين
اللهم نقهم من خطاياهم كما ينقى الثوب الابيض من الدنس
اللهم تقبل منهم اعمالهم وارضى عنهم واجعلهم شفعاء لاهلهم يوم القيامه
اللهم ادخلهم الجنه برحمتك لا بعدلك

لا اله الا انت سبحانك انا كنا من الظالمين ... فأعنا انه لا يعين المستضعفين الا انت
يا حى يا قيوم
اللهم لا تؤخذنا ان نسينا او اخطئنا .. ولا تحمل علينا اسرا كما حملته على اللذين من قبلنا .. واعفوا عنا .. واغفرنا .. وارحمنا .. انت مولانا فانصرنا على القوم الكافرين

وصلى اللهم على سيدنا محمد تسليما كبيرا عدد خلقك وزنه عرشك ومداد كلماتك
رضينا بالله ربنا وبالاسلام دينا وبمحمدا نبيا ورسولا

رد: كوميديا المظاهرات

اقتباس:

المشاركة الأصلية كتبت بواسطة mmffor (المشاركة 352250)

هههههههههه حلوه النكته دى بجد بجد :01F577~130::01F577~130: