|
رد: مطلوب معرفة سعر الجاك في الصين؟؟
ياجماعه احنا المفروض كلنا نقف مع بعض يد واحده سواء كان الموضوع يخص الجاك او اى عربيه تانيه لان غلاء اى عربيه مش من مصلحه اى واحد فينا .....ولو اشترينا بالمنظر ده يبقى كده احنا بنقولهم ادولنا على قفانا تانى علشان صوابعكم لسه ماعلمتش واركبونا اكتر واكتر وسبق واتكلمت قبل كده هنا فى احد مواضيع الجاك لما كان فى عضو من الاعضاء قعد يشكر فى العربيه (وهيا فعلا كويسه بس مش بالسعر ده)وقال عربيه ممتازه وتستحق 100000 جنيه وساعتها اتنرفذت لانى الوكيل اكيد عارف انى فى منتدى الجاك واكيد بيدخل يشوف ايه اراء الناس فلما يشوف واحد بيقول كده حيعمل ايه حيدخل فى سكه الطمع والجشع على طول من غير يستأذن(وهو فعلا حصل) وكمان فى عضو تانى لما شاف الاخ ده كاتب كده قالوه ايوه ايوه طمعوا الوكيل فينا وخلوه يغلى العربيه ويتنطط علينا وفعلا كلامه طلع صح اهو كان تمنها 69900 وبقى 74000 وبعد كده 77900 وبعد كده 79000 واخيرا 81000 بصراحه حاجه تقرف وانا كنت ناوى اشترى الجاك(لما كانت 77900) وكنت عامل موضوع استفسار عن بيع بالتقسيط ولكن يشاء المولى انى تحصلى ظروف وأأجل موضع الشرا شويه ودلوقت فوجئت بسعرها 81000 وكل ده بسبب واحد كتب ياجماعه العربيه تستاهل اكتر من تمنها دى تستحق 100 الف جنيه شوفتوا الكلام عمل ايه وعلى مااتذكر المشاركه دى كانت فى موضوع (هل 74000 الف جنيه سعر مناسب للجاك) المهم اللى حصل حصل خلاص وزى ماالتجار بيعملوا ميتنج ....اقصد اجتماع بينهم ويتفقوا علينا ويحددوا اسعار ويدبحونا احنا كمان نعمل اجتماع ونتفق عليهم ونسلخهم والعين بالعين........ والبادى اظلم ............ وهما اللى خسرانين وخلى الطمع ينفعهم....... وانشاء الله ححنجح زى ماعملوا اخوانا فى السعوديه ونجحوا(الاصرار على نجاح الحمله وعدم اليأس والاستسلام) ويلا ننفذ وسيبكم من الكلام كفايانا كلام
وخليها تصدى وموديلها يعدى وريحتها تطلع وتعفن ويرموها فى البحر ااقصد فى المخازن والتراب والرطوبه تاكلهم ........والورق نطبعه ونوزعه ....والداون تاون جنبى :playing_music: |
رد: مطلوب معرفة سعر الجاك في الصين؟؟
مهو فى مشكلة بسيطة بس ليا تعليق ياريت حضرتك تتقبلة
للمرة المليونب قول ان السعر 70 الف كان سعر ترويجى وسعر العربية الاصلى هو 74 الف المهم مش دة موضوعنا الوكيل الجشع طبعا الى غلا العربية للاسف 7 الاف جنية من 74 لحد 81 غلى لان العدد محدود هو الى قادم فمعندوش مشكلة يعنى بمعنى لو 25 عربية فقط هى الى جاية مصر هيبيعيهم يهبيعيم فبيقول من اغلى دة طبعا منتهى الجشع والطمع وانا لو كنت هشترى العربية ومكان حضارتكوا مش هشتريها ابدا بس كنت الاول هروحا لمعرض واسال لية السعر زاد؟ ولو قالولى عرض وطلب هقلهم فوشهم انتوا طماعين وبتستغلوا انا لعدد القليل الى بيجى فعاوزين تكسبوا فية كيتر ولما يتوفر عدد عربيات كبير ومش هتلاقوا حد يشترى تقوموا مرخصين السعر وقال يعنى بجميلة معا لزبون الجشع والكمع بقى موجود فكل حتة زى الشيفوريلية سبارك كدة سعرها الجديد بكاسيت وسى دى وازاز كهربا فقط 72 الف ليييييييييييييييييييييييي ييييييية بنلاقى الفلوس فالارض ولا بنلاقيها فالارض وانا معاكوا فحملتكوا ضد التوكيل الجشع كمان مرة ولو انى عراف ان استاذ تيمو ودكتور كمال هيزعلوا منى بس بجد المصلحة العامة بتقتضى ان التوكيل يبطل طمع وجشع ساعتها ربنا هيباركلة فرزقة (دة كلة لو السبب للغلو هو قانونا لعرض والطلب ) ياريت لو حد يسئل فالتوكيل او خدمة العملاء بتاعتهم عن سبب الغلو دة ومشكورين جميعا |
رد: مطلوب معرفة سعر الجاك في الصين؟؟
لأ أنا مش زعلان ولا حاجه ......وأنا معاكوا ضد الاستغلال والجشع
بس فى حاجه الناس مش عارفاها وهى ان 80% من الناس اللى أشترت العربيه مبيقرئوش عن العربيه على النت ولا يعرفوا حاجه عن اللى أحنا بنكتبه هنا ولا يعرفوا ان فى موقع اسمه مصر موتورز ولاغيره . وده عن تجربه انا مراقبها منذ فتره ........طب إذاى أنا عملت صيانه مرتين فى كل مره أقابل فى الصيانه أثنين من ملاك العربيه ونجلس فى الاستراحه ونتكلم عن العربيه (يعنى قابلت 4 ) والاربعه دول يعرفوا ناس تانيه شاريه العربيه وكلهم اجمعوا على أنهم ميعرفوش حاجه عن النت ولا إللى بيتكتب عن العربيه هنا ولما قلتلهم يشاركوا معانا هنا قالولى اعمالنا ومش فاضيين وهكذا وأعرف 3 عندى هنا فى العريش شاريين العربيه منهم واحده هاتش باك وبرده مالهمش دعوه بالنت وكذلك قابلت ناس كتير شاريه العربيه واستوقفتهم وتناقشت معاهم وبرده ميعرفوش حاجه عن اللى أحنا بنكتبه هنا .... وبئيت عامل ذى اللى بيعمل بحث .... والحاجه الغريبه ان فى مركز الصيانه كمان مبيقرأوش اللى أحنا بنكتبه هنا (أنا قلت يمكن يعرفونى من كتاباتى عن العربيه ولا يشكرونى ) خلاصه الكلام أن أحنا فى وادى واللى بيبيع العربيه فى وادى تانى يعنى مهما نقول جشع واستغلال وخليها تصدى لا إللى بيبيع سامعنا ولا إللى بيشترى سامع وبننفخ فى قربه مخرومه .. وشكراا |
رد: مطلوب معرفة سعر الجاك في الصين؟؟
كلامك مظبوط يا دكتور كمال . والتجار والموزعين كمان مايعرفوش الكلام دا ولا حتى المواقع دى . وانا كنت الفتره اللى فاتت فى اسكندريه عند الأستاذ سايلنت . ولقيت موزع معتمد فاتح جديد فى سيدى بشر جنب فندق المحروسه وهو شغال لعربيات جاك وجيلى وانجلون . ولما اتكلمت مع صاحب المعرض عرفت منه انه مالوش اى اتصال بالنت ولا يعرف عن المواقع دى . وحتى طلب منى أسمائها . وفى وسط الحديث فهمت منه ان غلو السياره راجع الى قيمة عملتنا بالمقارنه مع العمله الدوليه . وان غلاء السيارات وخاصه المستورده منها بيرجع لسعر العمله . مش لكلامى فى المنتدى . ولا لشكرنا فى العربيه . وياريت يا رجاله بلاش نتكلم فى مواضيع قفلناها من زمان ونعيد فتح النقاشات مره تانيه .
وعلى فكره : كلنا حتى اللى اشترينا العربيه فى الرخص . زعلانين من غلائها . مش بسبب الكلام اللى بيتقال هنا فى المنتدى وانما لأننا عارفين ان مش فى صالح انتشار السياره غلو ثمنها فى الوقت الحاضر . وكمان فى نقطه مهمه لازم حضراتكم تعرفوها ودا من واقع الشارع واللى بيشوفوا السياره معايا ويسألونى عليها . . وهى ان الناس لما بتشوف السياره وتسأل عن مواصفاتها وبعدين يعرفوا السعر الحالى لها بيقولوا انه سعر كويس مقارنة بغيرها . ودا مش رأيى وانما رأى 3 آراء أخرى التقيت بيهم أو هم التقوا بى فى اسكندريه فى أماكن مختلفه . وشكرا للجميع . |
رد: مطلوب معرفة سعر الجاك في الصين؟؟
ازيك يااستاذ سيف ولا سلام ولا كلام ياراجل.... وكمان زعلان منك تبقى فى اسكندريه وماتقوليش ....ماهو الحق عليا طبعا بقالى فتره مش بدخل المنتدى .....بس كنت نفسى اشوفك واتعرف عليك اكتر ......معلش تتعوض ..والله كلكم وحشنى وكمان الدكتور كمال والصحبه الحلوه كلها
|
رد: مطلوب معرفة سعر الجاك في الصين؟؟
اقتباس:
|
رد: مطلوب معرفة سعر الجاك في الصين؟؟
السلام عليكم يا أهل الجاك اخباركم واخبار الحلوة بتاعتنا ايه؟ أولا :أنا ليا واحد قريبي صاحب معرض سيارات وقالي ان الغلو ده نتيجة للعرض والطلب والدليل ان فيه عربيات تاني كتير ماغليتش والدليل ان الانجلون نزلت في عرض في معرض الاهرام لسعر 74 اللي هو السعر الترويجي في نفس الوقت اللي رفعت فيه الجاك لـ 81. ثانيا: طبعا مش كل اصحاب التوكيلات فاضيين لمتابعة المنتديات عالنت لكن أأكد لحضراتكم ان فيه اصحاب توكيلات كتير متابعين الموضوعات بتاعتنا عالنت. ثالثا: طبعا غلو العربية ليس له اي علاقة بكلم فلان او علان عالنت وطبعا مش علشان شخص فاضل قال ان العربية تستاهل 100 الف راحوا غلوها لا طبعا هم بيغلوا العربية على اساس حسابات خاصة بيهم. رابعا وأخيرا أنا عارف ان كلامنا عالنت مش هايقدم ولا هايأخر لكن الكلام هنا على سبيل التنفيس عن الغضب وممكن فعلا تكون فيه حملة من المقدمين على شراء سيارات جديدة طبعا بالتنسيق ان ينتظروا حتى اجل غير مسمى لوضع اصحاب التوكيلات عند حدهم ولو على الاقل بنسبة ضعيفة. |
| الساعة الآن 04:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017