رد: عضو جديد محتاج نصيحة
 

اهلا بايمن وبي جي بي اس وشكرا ع النصيحة يا ايمن
اخونا جي بي اس كلام كويس قلته ووضحته انا عارف طبعا ان ميزانيتي صغيرة جدا علي متطلباتي في السيارة وهي انها متتعبنيش في تصليحها كل شوية لاني عاوزها فقط خمس سنين ومش عاوز صداع في الخمس سنين دولا وبعد الخمس سنين ربنا يكون وسعها شوية عليا ان شاء الله
بس الآن انا اعمل ايه كلمت اهلي وهما مصممين انهم ميزودش علي الخمسين اي شئ

والله انا لو جبتها العربية وطهقتني في التصليح واروح بيها كل شوية اصلحها هاروح راكنها وارميها حتي لو كانت لسه جديدة .. اصلي حرام الواحد يكون جايب عربية زيرو وتزهقة في تصليحها حتي لو كانت سعرها رخيص نسبيا ... ساعتها تبقي الركنه حلال ليها لحد ما حد يجي يشتريها واقوله علي عيوبها وانا مزهقاني عشان كده عاوز ابيعها يعني منصبش عليه فيها

بس دلوقتي يا اخونا جي بي اس انت تنصحني بايه بعد التحليل والتوضيح اللي قولته
يا ريت تقولي نصيحتك ايه تنصحني بعربية نوعها ايه ومعلش هو اللي اقدر عليها خمسين الف
فياريت العربية متتعاداش المبلغ ده

رد: عضو جديد محتاج نصيحة
 

ههههههههههههههههههههههههه ههههههه
معاك طبعا يا أستاذ أيمن بس مانقدرش ننكر برغم شدتها وثقلها انها زى الدبابه برضو فى القوه والتحمل . هى عيبها فى عفشتها

رد: عضو جديد محتاج نصيحة
 

حبيب قلبى الغالى . اولا يعلم ربنا اننا بنتكلم بقلوب مفتوحه وماحدش له اى غرض من ورا مناقشاتنا دى . غير مصلحتك مع العلم اننا ماحدش فينا يعرفك . او له منفعه خاصه من ورا كلامه دا . انما حاحكيلك على تجربه صغيره انا عايشها دلوقتى وهى انى معايا عربيه 128 موديل 2007 . والعربيه عامله معايا 35000وكسر كم . وماشاءالله عليها زى الفل معايا . مافيش غير تغيير الزيت والفلتر كل 5000كم ويمكن على عيد ميلادها الرابع اغير تيل فرامل فقط من باب الأمان . انما انا عايز اقوللك ان المحافظه على اى شيئ فى الدنيا بنستعمله حتى لو سلعه صينى او رخيصه فبالتأكيد حايقلل جدا من مشاكلها . وربنا يستر عليك وعلينا انشاء الله .

رد: عضو جديد محتاج نصيحة
 

رد: عضو جديد محتاج نصيحة
 

شكرا يا باشا علي النصحية والمساعده واكيد طبعا انا عارف ان كل واحد حتي لو بيقول شئ غلط لكن انه اخلص النية وقال اللي هو مقتنع انه في فائدة للسائل وطالما اخلص النية في النصحية فهو انسان محترم وربنا هايجازيه خير

وربنا يباركلك في عربيتك يا باشا واديني بنسمع الآراء الناس المجربة واللي عندها خبرة عشان نقدر في الاخر ناخد قرار بناءا علي الآراء اللي سمعتها والخبرات السابقة لان الواحد لازم يكمل علي خبرات سابقة ويسأل مش يبتدي من الصفر ويتعرض لمشاكل ناس قبل كده وقعت فيها وده طبعا مش هايمنع اننا هانقع في مشاكل وممكن كمان تكون مشاكل مش جديدة وناس قبل كده وقعت فيها لكن موصلتناش قبل ما نقع فيها ساعتها نرضي باللي انكتبلنا وننصح الآخرين ونحدثهم عن الخطأ اللي وقعنا فيه عشان محدش يقع فيه وبكده يبقي في امل في الحياه ونقول ان الدنيا لسه فيها خير

رد: عضو جديد محتاج نصيحة
 

ياباني او كوري بلاش الصيني

رد: عضو جديد محتاج نصيحة
 

اهلا بيك يا باشا واكيد طبعا قبل ما هاجي اشتري العربية هاصلي صلاة استخارة

ومع اني كنت مستبعد المستعمل لكن لكثرة من نصحوني بهذا ممن حولي لما اقولهم عن الميزانية والمتطلبات يبدو اني هادخل المستعمل كاحد الخيارات التي لا استبعدها
ومع اني احترت بين السيارات الزيرو التي قد اشتريها ويمكن ان يزداد حيرتي بعد لما اوسع الدائرة من حولي اكثر ولا استبعد المستعمل لكن عربية توفر لي متطلباتي في حدود ميزانيتي هي هدفي وقد اجدها في المستعمل علي الرغم من اني المفروض اضيق الدائرة من حولي واحصر الخيارات بين مودلين او ثلاثه حتي اختار من يحقق شروطي لكن ميزانيتي لازم تخليني افكر في المستعمل زي ما نصحني كتير
ودلوئتي بالنسبة للمستعمل ناس كتير قالتلي لانوس وناس اقل قالت فيرنا علي العموم بالنسبة للمستعمل لان مقدرش احدد سعرها وانا هنا في البيت زي الزيرو لان الموضوع معتمد علي الموديل وحاله العربية فانا هاسئل عن المستعمل من المعارف ومن الناس اللي حولي ومن المعارض اللي في منطقتي واقول لكم العروض اللي اتقدمتلي موديل العربية وحالتها وبعد كده اخد نصيحتكم عن ايهما افضل بين العروض اللي اتقدمتلي في المستعمل ومستني نصائح واراء وردود اخري في الموضوع واللي بينقل لينا تجربته عشان نستفيد منها اكيد ربنا هايزوده خبره من غير خسائر ان شاء الله