رد: حقيقة الميجان
 

بس انا كان جاري معاه ميجان 2007 و بعد سنه واحده غيرها ... و كنت ساعات كتير بشوفه من غير العربيه و قبل ما يغيرها لقيته راكب ميجان سودا
وسألته فهمت منه ان العربيه تعبته كتير و كل شويه يوديها التوكيل واخر ما زهق سابهالهم وادوله عربيه ميجان بدالها 3 ايام لحد ما يظبطوها ....
بس كانت لسه في الضمان ... و لما رجعت العربيه باعها لأنه زهق من تكرار المشكله كل شويه و جاب اوكتافيه اي 5
فممكن تكون في عربيات ميجان بيطلع فيها عيوب تصنيع او حتى من غير عيوب بس وارد ان اي حاجه تبوظ او تخسر
و طبعا مع التكتولوجي والانظمه المعقده اللي في العربيه ممكن جدا يكون الوكيل مش اد الكلام ده و لا اد صيانته
فبيلصم العربيات للناس و ميحلش المشكله الحقيقيه او يحلها على اد امكانياته فشويه و ترجع تاني
يعني ممكن يكون ضعف صيانه في المشاكل المعقده ... و بالتالي مشاكل العربيه مش حتظهر لكل الناس الا بعد كام سنه مع الاستهلاك

بس اللي احب ااكد عليه لترونكي ان مش بايو بس اللي اشتكى من الميجان
و جاري بعد ما كان شاري ميجان من التوكيل غيرها بعد سنه واحده و اشترى اوكتافيا خليجي لأنه شاف ان التوكيل زي قلته
والله اعلم ....
تخيل يا بايو انا اول مره اخد بالي انه كان معاه ميجان و دلوقتي معاه اوكتافيا ... دا الظاهر بيقلدك ptmnlo123per1127

رد: حقيقة الميجان
 

بص يا باشا.....كل شئ وارد فى بلدنا العزيزة مصر
ده غير أن كل شئ وارد فى العربيات.....يعنى ياما فى موديلات عربيات من أعنى صانعى السيارات بيطلع فيها مشاكل.................... ..و لنا فى المرسيدس ال A150 وال VW بيتلز أو لما نزلو قدوة.

المهم أنا مش بعارض بايو من فراغ.....لأ أنا شفت كتير معاهم ميجان ومنهم سيدات معايا فى الشغل و مبيشتكوش من مشاكل فى العربية.

وبعدين لما عربية توصل ل 80 ألف و 100 ألف و 110 ألف كم و مفيهاش مشاكل أعتقد أن ده يبقى أكبر دليل على جودة العربية.

و موضوع التوكيل ده بالذات مفيهوش كلام.......العربية دى توكيلها عارفها كويس جداً بس برضه وارد أن يبقى فى مشكلة التوكيل مشفهاش قبل كده........يبقى بالتالى هتاخد وقت على لما تتحل.

موضوع جارك اللى معاه أوكتافيا ده......حصل بالظبط مع واحد أعرفه بس بأختلاف بسيط
الراجل كان معاه ميجان وباعها بعد أقل من سنة و جاب كورولا 2006 كاملة بفتحة سقف وبعدها بسنة ونص باعها وجاب ميجان تانى.........وبسؤاله أجاب بالأتى ( حلوة الحتة بتاعت الظباط دى )
" أنا كان معايا الميجان بس من كتر الأشاعات اللى سمعتها عن العربية خفت وبعتها وجيبت بعدها الكورولا 2006 كاملة 1600 سي سي بفتحة سقف.................وعلى مدار سنة ونص بحاول أقنع نفسى بيها بس للأسف معرفتش.......و مرة قابلت واحد صاحبى كان معاه ميجان برضه من أول ما نزلت فسألته عن الأشاعات اللى كنت بسمعها فقاللى أن الحمد لله العربية معاه زى الفل.....ساعتها عرفت أنى غلطت لما بعتها بسبب أشاعات غير صحيحة وبعدها بفترة بعت الكورولا و أشتريت ميجان تانى والحمد لله مبسوط بيها جداً"
ده كلام الراجل........مش كلامى

رد: حقيقة الميجان
 

انا جاري كان بيسيب العربيه في التوكيل و يرجع بيتهم مواصلات و اشوفه داخل ماسك جاكته البدله على كتفه و العفاريت بتتنطط ...

لكن صاحبك ده لذيذ جدا ... يعني معاه عربيه ومفيهاش اي مشاكل و باعها علشان الاشاعات
و بعد كده ندم على غلطته ...
يا نهار اسود ....
ربنا يكون في عون ولاده
على كده لو عرفته على جاري او بايو ممكن يبيعها تاني ... هههههه

رد: حقيقة الميجان
 

هو مش صاحبى بس هو معرفة............وعلى فكرة سببين فى رأيي بيجاوبو على سؤال " ليه أصحاب الميجان بيبعوها برخص التراب" أو " ليه سعرها واقع "
1- الأشاعات اللى بتتقال
2- الناس اللى كانت بتبيع عشان خايفة من الأشاعات دى

فى بقى حاجة كمان ......تخلينى أنا عن نفسى لو العربية دى بتبوظ مرة كل شهر أستحملها...........حد عارف أيه أو يقدر يخمن ؟؟؟؟؟

طيب نخليها الحلقة الجاية على طريقة بايو :)
لأ هاقولها دلوقتى و خلاص.........
الأمااااااااااااااااااااا اااااان
وده بأه عن تجربة لواحد صاحبى.......عمل حادثة على 140 كم وطلع هو وواده ووالدته و أخته سالمين تماماً.........و مكنش مأمن على العربية و لما والده قرر أنهم يجيبوا عربية تانية كانت برضه ميجان.

سؤال كمان:
حد يعرف يقولى العربية دى أيه اللى حصل للى كان سايقها ؟؟؟؟؟ ( طبعاً دى غير الحادثة اللى فاتت )

http://www.geocities.com/worldsolide...66908_9659.jpg

http://www.geocities.com/worldsolide...66909_9911.jpg

http://www.geocities.com/worldsolide...566910_121.jpg

http://www.geocities.com/worldsolide...566911_332.jpg


عموماً للى عاوز يعرف..........صاحب العربية حى يرزق و قعد فى العناية المركزة أقل من يومين.
واللى حصل معاه أنه كان ماشى 220 ( هاتش باك ومانيوال ) ودخل فى بقعة زيت فى الأرض كانت بسبب عربية نقل محملة ظلط وواقفة على الجنب...............المهم العربية لفت منه كذا مرة و دخلت فى النقل و حمولة الظلط كلها وقعت على الميجان.

بالذمة لو عربية تانية كان اللى جواها حصله أيه ؟؟
أعتقد أن الميجان تتفوق على كل اللى فى نفس السعر فى موضوع الأمان.........ولما نتكلم عن الأمان يساوى كام أعتقد أنه لا يقدر بثمن.............والله خير الحافظين .

عموماً أنا بصراحة شايف أن ملهوش لازم الجدال الكتير طالما أن كل واحد مخه عاجبه.

أنا العربية معايا وبسم الله ما شاء الله مريحانى و مبسوط منها جداً ومبيحصلش مشاكل غريبة فيها.
بايو العربية مطلعة عينه و مبتبطلش أعطال وتهنيج و ريستارت وكده ptmnlo123per1127 يبقى ربنا يعوض عليه فيها ويكرمه ببيعه حلوة و يباركله فى الأوكتافيا.

رد: حقيقة الميجان
 

كتير جدا نصحت بايو انه ما يشتريش العربيه دى !!!! و لا تعليق بعد ذلك.

رد: حقيقة الميجان
 

فعلاً يا باشا عربية سيئة للغاية ptmnlo123per172

هو مش كان فى لينك فى مشاركة حضرتك و لا أيه اللى جاللى فى الميل ده ؟؟

رد: حقيقة الميجان
 

اى نعم كان فيه لينك فى المشاركه بس شلته لأنه مش موثوق فيه !!!! فى اى مانع انى اعدل المشاركه بتاعتى خلال الوقت المحدد للتعديل ؟؟؟؟
و لو عايز اللينك تانى احطهولك من غير اى مشكله ...........