رد: معلومات عن موتور جاك بي كلاس jac b15
 

أحب أضيف بس أن سبب تقدمهم هو عددهم 1400 مليون نسمة
أى الأيد العاملة عندهم كثيرة جدا والفرد أو العامل متطلباته قليلة مما جعلهم مجالا لأستقطاب الشركات الكبرى

رد: معلومات عن موتور جاك بي كلاس jac b15
 

لأ طبعا يا أخى الحبيب . باختلف معاك جدا . لأن الناس دول سر تقدمهم انهم ناس بتاعة شغل . وشغلهم بذمه وضمير . ماعندهمش وقت يضيعوه فى شرب سيجاره وكوباية شاى . وبالليل الصياعه على القهاوى .
بعكسنا احنا ياللى بنعيب عليهم .

رد: معلومات عن موتور جاك بي كلاس jac b15
 

صدقت

كل بتوع بره فعلا

وقت الصياعه للصياعه

ووقت الشغل شغل وأنتاج وعمل وتفكير فى العمل

أما عندنا ( لاحول ولا قوة إلا بالله )

كل واحد فى العمل ( مش كله طيعا لأن الخير موجود برضه.....بس الغالبيه العظمى تعبانه

وعاوزه إزاله )

ولا ننسى أن سياسة الزحلقه ( من ضمن مميزات ومهام العقل المصرى العظيم )

بيزحلق ويضيع بالوقت

ومعندوش ضمير فى العمل ......

وصاحب العمل شرحه

بالصلاة على النبى

_________________

ولقد قالوا فى الأمثال

(علشان أخونا أيمن يخلى باله معانه )

إذا كان رب البيت بالدف ضاربا ......فإيه إللى بيحصل

فشيمة أهله الرقص

وأديها ( سعد الصغير ) ....والعنب العنب

حاجه عنب ياعنى بالصلاة على النبى

فلوس كتير

رد: معلومات عن موتور جاك بي كلاس jac b15
 

واكمالا لكلام حضرتك يا بشمهندس . ان الناس دول منظمين جدا وشغلهم كله بيكون على هيئة خطوط انتاج . يعنى كل واحد مالوش غير شغله وبس ودا طبعا لضمان التركيز فى العمل . مش كله بتاع كله . وكمان ماعندهمش موضوع المريسه اللى عندنا . ما شاء الله علينا . كل شعبنا رياسات من أكبر رياسه فيه الى أصغر رضيع . وهناك كل واحد محطوط فى حجمه المناسب . أما عندنا بلدنا أصبحت كلها باشاوات . اللى يسوى واللى مايسواش .

رد: معلومات عن موتور جاك بي كلاس jac b15
 

ده كلام سليم وفى الصميم

رد: معلومات عن موتور جاك بي كلاس jac b15
 

فيه سؤال حلو أوى

المفروض نسأله لأنفسنا

طيب حنخلص من القصه دى أزاى

طالما حالنا مش حلو بالشكل ده

وبنحلم بأيه لمحبوبتنا الغاليه مصر

لكى تكون فى مصاف الدول المتقدمه

ويبقلنا وضع فى وسط خلق الله

_______________________

المعطيات نحو تحقيق الأمل

1- الطاقات موجوده ..............ثمانون مليون ياشباب

2- الموارد موجوده .............بس ربنا يبعد عنها الأيدى الناعمه والطويله

3- المناخ والظروف ...........مفيش أحسن من موقعنا على مستوى العالم

_________________________ _______

طيب أيه المطلوب مننا ............علشان نظبط الأمور دى كلنا

نشحن بطارياتنا الداخليه ....لأنها نايمه الصراحه

وعمر ما حنعرف نتحرك بدون شحن بطارياتنا الداخليه

_________________________ _________

كيف يتم شحن بطاريتنا الداخليه

الحلول المقترحه من جانبى

لابد أولا من مراقبة الله فى كل أعمالنا وحركاتنا

فالدين شرع من أجل تقويم سلوك وأفعال الفرد

فده الهدف الأسمى لنزول الديانات

ربنا مش عاوز ملائكه على الأرض

مرابطين فى المساجد بدون مايؤدوا ماعليهم من واجبات نحو أخوانهم ونحو أوطانهم

طيب نراقب ربنا أزاى ونعمل أيه ...............؟

1- كل واحد يسأل نفسه ويحاسبها ....أنا فين من أعمالى

2- يجب القضاء على النصابين والمدلسين ونظام الوسائط

3- مش عاوزين نشوف المرابطين على المقاهى ليلا ونهارا

4- مش عاوزين نشوف من يمارسون الدين وهم على النقيض منه

5- عاوزين نصفى أنفسنا تجاه بعض

6- عاوزين نغير ولا نحسدش

7- عاوزين كل واحد يراعى ربنا فى عمله

8- عاوزين كل واحد ياخد على أد أنتاجه لخلق روح الغيره والتنافس

مش أبص ألاقى فى هيئه من هئات الدوله الجميله عندنا

أثنين مهندسين أو أثنين أطباء أو أثنين محاسبين

واحد طافح الكوته والتانى مرحرح

وبيأخذوا نفس المرتب بالمليم

طيب ده كلام ناس عاقلين ..........؟

ماهو اللى شغال حيجيله أحباط

وممكن ينعدى من اللى مش شغال

دى عدوى ويجب القضاء عليها

أنا أشتغلت ............كافئنى

أنا قصرت ..........عاقبنى وأخصم منى

_________________________ _____

عاوزين نقول للأمام الفاضل ( كرم الله وجهه )

أمامنا الجليل : محمد عبده

حينما قال

ذهبت إلى الخارج ............فوجدت إسلام بلامسلمين

وجئت إلى مصر ............فو جدت مسلمين بلا إسلام

ولقد صدق الأمام الفاضل فى مقولته نظرا لما رآه من تعاملات المصريين

عاوز بأه نقوله

يا أمامنا

عدل بأه مفهومك عن المصريين

فلقد أصبح فى مصرإسلام بحق ومسلمين وموحدين بالله

جل فى علاه

__________________

هذا هو حلمنا الجميل

يارب يتحقق