مصر موتورز مجتمع السيارات - مميزات الهاف بور الى بيتركب للادا

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - مميزات الهاف بور الى بيتركب للادا (https://www.masrmotors.com/vb/showthread.php?t=29024)

رد: مميزات الهاف بور الى بيتركب للادا

الاخ نوفل ضرب البمبة وخلع الظاهر خايف نغرمة غدا فى دمنهور هههههههههههههههههه

رد: مميزات الهاف بور الى بيتركب للادا

اقتباس:

المشاركة الأصلية كتبت بواسطة ايمن عبدالحميد (المشاركة 463666)

الاخ نوفل ضرب البمبة وخلع الظاهر خايف نغرمة غدا فى دمنهور هههههههههههههههههه

استاذ ايمن عبد الحميد بعد السؤال عن صحتك الغالية والاطمئنان على شخصك الكريم
بسؤال اكتر من عفشجى افادو انة يستحيل تركيب علبة الكرسيدا على لادا لدرجة ان واحد منهم جبلى علبة دركسيون كرسيدا وورهالى وقالى ازاى تركب مكان العلبة بتاعة لادا
دة كمان قلتلة يمكن بناخد الحلزونة بس منها قالى موافق طلعلى الحلزونة بتاعة الكرسيدا وقالى لو راجل ركبها مكان الحلزونة بتاعة الادا صراحة لا يمكن تركب
فانا مستغرب جدا جدا من كلام استاذ نوفل او ان فى حاجة غلط وانا مش فاهمها

رد: مميزات الهاف بور الى بيتركب للادا

اقتباس:

المشاركة الأصلية كتبت بواسطة احمد الشناوى1981 (المشاركة 205593)

أنا معايا لادا 2107 موديل 2007 وركبتلها أسكاترا (هاف بور) لان الدركسيون كان تقيل جدا و التعديل دا انا عملته قبل كده فى عربيه كانت عندنا مو1983 و هو فكره ناجحه جداً لانها:-
1- بتخلى الدركسيون أخف كتير.
2-الإسكاترا بتخلى العربيه ثابته أكثر على الطريق لأنها مبيكونش فيها بوش زى الى بيكون موجود فى علبه الدركسيون.
3- الحداد أوبتاع العفشه الى بيركب الإسكاترا بيقدر يتحكم فى زاويه فتح العجل بأنه بيزود فى طول عمود الإسكاتره الى أقصى حد ممكن فالعجل بيفتح بزاويه أكبر من الأول ودا طبعا بيخلى العربيه أحسن لو بتلف في مكان ضيق.
4-ما بتخدش اى حاجه من عزم الموتور كما هو الحال فى طرمبه البور.
الأسكاترا راكبه فى العربيه مو1983 بقالها حوالى 5سنين و راكبه فى ال2007 من سنه تقريباً ومفيش فيهم اى مشاكل نهائى.
الكاليف :-- الحداد أو بتاع العفشه أخد 700 جنيه ودا تمن الأسكاترا + مشترك الشكمان الى بيتغير لان الى ركب بيكون في المكان الى هتركب فيه الإسكاترا+مصنعيه.... وبعدين بيعت علبه الدركسيون القديمه ب275جنيه تمنها جديد450 والحداد باع البيض القديم ب100جنيه
التكلفه : 700-(275+100)=325جنيه

ملحوظه :-
انا الي ركبلى الإسكاترا هو فى الأصل مهندس و دايما بشوف ناس بتعمل عنه التعديل ده
فلازم محدش يعدل غير عند حد فاهم و عمل التعديل دا قبل كده وإذا كان ينفع تخلى الفنى الى هتعدل العربيه عنده يخليك تجرب اى عربيه هو عملها قبل كده لأنى سمعت أن الاسكاترا لو ركبت غلط الدركسيون هيكون خفيف لاكن هتلاقى العربيه بتعوم على الطريق .
فى النهايه التعديل دا لو اتعمل مظبوط بيغير طعم العربيه خالص و أتمنى انها تنزل بيه من المصنع
مع تمنياتى للجميع بالتوفيق .

بس انا عايز اسال سؤال لاحمد الشناوي بانسبة لتعديل دا بتاع الاسكترا 131 مافيش اي مشاكل لما يركب في لادا 2107 ومابيخليش العربية تعوم فوق 150 كيلو متر وكمان بالنسبة لبعد التركيب ممكن كل شوية تحصل مشاكل فيها والصيانة ممكن اي حد يتعامل معاها ولا لازم الي ركبها هوا الي يشوفا ممكن تشوفلي التكلفة بتعاتها دلوقتي كام عشان انا مش في مصر وياريت تقولي اركبها ولا بلاش عشان انا متردد اوي وخايف ابوز العربية خصوصا ان العربية مرفوعة وحالتها كويسة وياريت تقولي العنوان بزبط عشان انا من طنطا واول مرة اسمع عن الراجل دا وديني رأيك بصراحة والناس الي مركباها رايها ايه وشكرا واسفين على الاطالة

رد: مميزات الهاف بور الى بيتركب للادا

اقتباس:

المشاركة الأصلية كتبت بواسطة محمد سلندر (المشاركة 474945)

منور الموضوع يا محمد باشا
انا عيزك تطمن و متقلقش من موضوع التعديل ده خالص و العربيتين الى انا عدلتهم لسه فى واحده منهم مع ابن خالى و لا يوجد بها اى شكوى من الاسكاترا و العربيه فعلا هتبقا حاجه تانيه و هتدعيلى ان شاء الله
لما توصل بالسلامه ابقا عرفنى و انا اروح معاك عنده و هو راجل محترم جدا و فاهم فى شغله قوى و بالتوفيق ان شاء الله

رد: مميزات الهاف بور الى بيتركب للادا

شكرا بجد على الرد يا احمد باشا وحندعيلك ان شاء الله لما نركبها وفرصة سعيدة بجد اني اتعرف عليك وان شاء الله ان جي في رمضان وحعرفك قبل ماجي ان شاء الله ونروح سوا عند المهندس/مصطفى صلاح ؛ وشكرا مرة تانية على الجهود الرائع دا

رد: مميزات الهاف بور الى بيتركب للادا

اقتباس:

المشاركة الأصلية كتبت بواسطة mohsendoof (المشاركة 495284)

السلام عليكم ممكن حضرتك تسيب رقمك الشخصي عايز استفسر من حضرتك عن حاجة

رقم التليفون 0181277343 :140109~347:

رد: مميزات الهاف بور الى بيتركب للادا

تقرير عن تركيب الاسكاترا للمره الثالثه

المره دى عربيه حمايا لادا 2107 موديل 1996 و المره دى الاسكاترا بتاعه شاهين جديده مش استيراد و معموله فى نفس الورشه م/ مصطفى صلاح - طنطا
التكالف بقت 1000 جنيه وده نظرا لان الاسكاترا بقت جديده بكل مشتملاتها ما عدا عدد 2 بيضه عجل بتوع نص نقل دبابه و تمنهم 50 جنيه + المصنعيه زادت عن الاول شويه
المره دى العربيه فيها بعض العيوب وده نظرا لانها بتسافر المزرعه فى وادى النطرون و الطريق فيه مدق صعب شويه مدغدغ العربيه - لما بدأ الشغل اكتشفنا ان فردتين الشاسيه مكسورين و فيهم شروخ جامده و كمان الجمل الى بيركب جواه السوسته و المساعد ده كمان مكسور داير
المهم تم لحام فردتين الشاسيه و لحام تقويات للشاسيه من عند الشروخ و تم قص المناطق المكسوره فى الجمل و الى كان فيها برومه نتيجه ان بقالها فتره و محدش اخد باله منها المهم الصاج الى فيه برومه اتقص و اتفصل مكانه صاج جديد
الملاحظات بعد تركيب الاسكاترا ان العربيه لحد سرعه 100 كوسيه بعد كده لو ماشى مستقيم تحسها ثابته و لو بتاخد غرزه تلاقى العربيه بتعوم بس برضه اثبت من علبه الدركسيون بكتييير
المهم النقطه الى فاتت انا مش عارف سببها بالظبط وده لان العربيه معمول فيها شغل كتير و انا خيف يكون السبب فى انها مش مظبوطه ان الشاسيه معمول فيه شغل و ممكن يكون ده سبب العومان فى السرعات
تانى ملاحظه الاسكاترا بتاعه العربيتين الى فاتو كانت انعم من المره دى و انا لما سألت عن سبب ده قالى ان السبب ان الاسكاترا الجديده العمود بتاعها راكب على فبره و الاسكاترا الى كنا بنركبها استيراد العمود راكب على بليه و دى بتكون انعم و ممكن نشيل الفبره دى و نعمل بليه و ده يتكلف 60 جنيه بس هو قال ان الفرق بسيط و مش مستاهل اننا نفك الاسكاترا و هى لسه جديده عموما انا بس بتكلم لانى جربت الموضوع فى عربيتين قبل كده و لو اى حد غيرى انا متأكد انه هيبقى مبسوط بالأسكاترا على وضعها الحالى

انا حبيت انقل انطباعى عن المره دى و لو فيه اى استفسار انا تحت امركم