رد: شكل دعائى هزيل ياريت لا ننساق فية
 

هو ايه اللي واقع و حقيقة و صدقته ولا لأ مفيش حاجة في الدنيا دي كده !! و ياريتها كانت حتى احسن عربية رغم انها لو كانت احسن عربية في السعر ده مكنش هيقى فيه حاجة اسمها وااقع !! انا كنت فكرك بتفهم في العربيات و بقالك فترة في المجال ده !! لان بص على كل الاراء في كل المنتديات هتلاقي الاجماع على جيلي باندا هي احسن عربية في السعر ده و عن تجارب على الاقل أأمن بكتيير من ال a113 دي واخدة 3 نجوم و شوفتها خبطت قبل كده خبطة بسيطة من الجنب بقى الباب اللي على اليمين جنب السواق !!! اما باندا واخدة 5 نجوم وصاجها تقيل و امسك الكبوت بتعاها بنفسك !!
هتقولي مبيعات و بتاع طب ما اللانوس اهيه مرشأة البلد كلها رغم انها عربية عقيمة عندها 20 سنة !!
و بعدين انا مختلف معاك في مبدأ 5 سنين ده لانك لما تستنى 5 سنين علشان تجيب عربية هتكون موديل قديم يا معلم و هيكون اشكال و تكنولوجيا جديدة طلعت يعني ينفع انت تروح تشتري لانوس و تقول دي بقالها عمر و متجربة و بتاع؟؟؟ والله لو انت راضي حقك و دي طباع في الاخر

رد: شكل دعائى هزيل ياريت لا ننساق فية
 

[QUOTE=luckyman;202114]كلامك كله مردود علية

انما لو فضلن تتكلم باسلوب سيارتك تيجو او اسبرانزا الخ فانا للاسف مش اتكلم تانى فى الموضوع دة ابدا
لان لو حابب تتكلم باحترافية وعملية وشكل موضوعى فليكن انما تشخص الموضوع
فللاسف معنديش وقت انى اضيع مجهودى سدى


احسن حاجه قولتها بصراحة من اول الموضوع لاخره

يا رب تكون صادق

وسيب ملاك الجاك في حالهم

مضيعش وقتك سدى

رد: شكل دعائى هزيل ياريت لا ننساق فية
 

[QUOTE=temo;202228]بسم الله الرحمن الرحيم و به نستعين

انا قبل ما أبتدي أكتب ردي قرأت تقريبا كل الاراء و ووجدت حده في الردود من الطرفين ...تحبوا تسمعوا رأيي كواحد مهنته Test Driver..؟؟
أولا أنا لست مع من يهاجم السيارات الصينيه على مطلقها و لا انا مع اللى طاير بالسياره الجديده و يقول مثلا اكنها بي ام دبليو او ميرسيدس

طيب خلونا نفصل الموضوع

من حوالى 15 سنه ابتدت تظهر السيارات الكوريه في مصر زي الدايو السيلو و الرياسر و تبعتها الهيونداي الاكسل

وكانت اسعارها مقارنه بمنافسيها متدنيه و كانت الخامات فقيره و كان العمر الافتراضي لقطع الغيار قصير و اذكر لما كنا بنقول العربيه الاكسل دي زباله حتى السيوفت الياباني لم تسلم من السب لأن كانت السياره بالنسبه لنا مدرعه و ليست مركبه للتنقل و دي ثقافه ال 125 و ال 128لا و ال132 و أي عربيه تبداء بميه لكن مع الوقت أثبتت السيارات دي ان مع معامله تليق بقيمتها السعريه ممكن تعيش النهارده الانوس بقالها 11 سنه!! و الاكسل كملت 15 سنه و ماشيين مش مهم ماشيين ازاي لكنهم ماشيين زي اي عربيه

الغرض ايه من كلامي
خلينا منكبرش من الموضوع و نقول كلام اكبر من حجم السيار من شأنه عدم خدمت سمعتها يعني انا معايا لانوس و جولييت و سيراتو 2010 و نيسان صني 2009 ممكن اجيبلكوا كذا عيب في كل عربيه خصوصا الانوس اللى سمعتها انها عربيه يتستحمل عياز اقولوكوا ان جزء من التابلوه اللى عند الهوايه اللى في الوسط فوق الكاسيت اتشرخ و وقع من الشمس!!!! و ممكن العيب ده ميظهرش عند ناس تانيه
غير طبعا عفشه السياره اللى الناس اتعودن عليها فمبقتش تشتكي لانها هي كده ضايعه بس لما تكون عربيه انا اشتريتها ب 43 الف جنيه و بقالها 11 سنه من 99 و ماشيه 380 الف كيلو يبقى تمام صح؟ مش في حاجه اسمه قيمه مقابل سعر ؟؟؟

هي دي النقطه الاسبرانزا غير خاليه من العيوب و لا الجاك ولا البي واي دي اللى بيزعموا انها تويوتا صيني و العربيات الصيني دي فيها كوارس ماشيه على الارض مثل الجيلي بجميع انواعها ما عدا الباندا و البيريليانس ابو تلت نجوم

اللى عايز أقوله السارات الصينيه ليست الاسواء و لا الاحسن المهم هتشتري ايه بكام؟؟

لما الاقي سياره 1300 سي سي زي الباندا بأقل من 50 الف يبقى صفقه رابحه لما الاقي سياره زي الام الفن ب 70 الف جنيه تمام لكن مش هشتري اسبلندور 1600 سي سي ب 125 الف؟؟؟؟و انا قدامي سيراتو هاي لاين !!!! الموضوع قيمه مقابل سعر و زي مقال صديقي واحد معا 60 الف هيشتري ايه؟؟؟؟؟؟؟؟؟

اما موضوع التوكيلات فممكن اقول ان جميع التوكيلات زفت الطين الا لو كان تعاملك معاهم سطحى ساعتها ممكن تشكر فيهم مقابل تربيط عفشه او تغيير زيت لكن لو قابلتك مشكله عويصه حتكون زي بقيت الزملاء هتسب و تلعن و ده لنقص الخبره عندنا كمصرين و قله التدريب لما تعرفوا ان احسن توكيل بيجيب ميكانيكيه من بره و يشغلهم و هما اصلا خبرتهم كلها مكتسبينها من قبل دي تبقى مصيبه و حتى التدريب اللى بتعمله بعض التوكيلات الكبيره مش على المستوى

شوف حدودك ادرس كويس هات احسن اختيار و لا توجد سياره خاليه من العيوب حتى البي ام بتعطل و تقف في الشارع من اقل عطل في الكنترول يونت نتيجه التكنولوجيا المفرطه يا جماعه لو بامكاني ما كنت أركب غير فيراري
لو قرنا صيني بكور الكوري حيكسب لو كوري بيباني الياباني حيكسب لو يباني مع اوروبي زي الميرسيدس او الجاجور طبعا مفيش مقارنه لو أوروبي سبورت مع ايطالى اركن خالص السيارات الالماني لانها ولا حاجه قدام الموروث الايطالى من البوجاني زوندا و الفيراري و البوجاتي اللى اصلها كان ايطالي
ارجو اني اكون حسمت الخلاف و وضحت وجه نظر بالنسبه لكلا الطرفين

رد: شكل دعائى هزيل ياريت لا ننساق فية
 

بجد كلامك فوق الروعة بجد كل نقطة صح مية في المية و الكلام مترتب ترتيب ولا اكبر كاتبين المقال والله ليك مستقبل
و انت وضحت كل حاجة و جبت من الاخر و كأنك بالظبط قاري فكري بس عرفت تعبر عنه انا هسجل مشركتك دي عندي لانها بتوضح نقط كتير مهمة غايبة عن الشعب المصري و تقدر تنهي جدالات كتير
الف شكر يا باشا

رد: شكل دعائى هزيل ياريت لا ننساق فية
 

مشاركة ممتاز
وبرد على سؤالك هل هى صفقة رابحة ولا لا
حتى الان نعم
وحط تحت حتى الان مية خط

رد: شكل دعائى هزيل ياريت لا ننساق فية
 

[QUOTE=smasherone;213108]أتـفق معك تماما مع فارق بسيط إني مش حاشتري صيني حتى لو كانت ميزانيتي بسيطة , يا إما أستنى شوية أو أدفعهم مقدم لعربية أحسن بس مش صيني
أتفق مع luckyman إن الصيني لسة قدامه وقت علشلن يبقى زي الكوري ثم الياباني و بعدين يعديهم و يلتهم الأوروبي و الله أعلم

رد: شكل دعائى هزيل ياريت لا ننساق فية
 

والله دي آراء انا جبت اسبيرانزا A516 بقالها معايا 3 سنين مندمتش لحظة اني جبتها بالعكس انا بحمد ربنا اني جبتها و مجبتش الفيرنا علشان كنت بختار بينهم و مفيش في مرة حصل موقف خلاني اقول "اصلها صيني!!"