|
رد: لانسر 1300 اتوماتيك خليجى ايه مميزاتها و عيوبها ؟
هى سياره فاشله
|
رد: لانسر 1300 اتوماتيك خليجى ايه مميزاتها و عيوبها ؟
عربيه حلوه وفراملها كويسه جدا وعن تجربه مفهاش اي عيوب غير ان لو 1300 سي سي واوتوماتيك هتبقه رخمه اوي فى السحب و ضعيفه فى الجري غير كده كله تمام
|
رد: لانسر 1300 اتوماتيك خليجى ايه مميزاتها و عيوبها ؟
معلش للاخ اللى اجاب بان السيارة تقيلة وغير مسرعة بالمرة وانها مع التكييف بتكون بحجم سيارة 800 cc
انا معى بومة 2008 مواصفات خليجى وكل شغلى الغردقة والطريق ده طبعا معروف ... اقسم بالله ان السبارة تصل الى 180 وهى مرتاحة جدا وثبات عالى على الطريق علما بان تسارعها اصلا فى كتاب التوكيل 140 لكن حين تصل الى 180 فقط الار بى ام يعلى بعض الشئ ... اما من حيث الفرامل فهى اكثر من رائعة رغم انها ليست abs ولكنى اشعر بها وبكافئتها دون انزلاق وبخصوص قطع الغيار فهى متوافرة واسعارها بالنسبة لكونك راكب عربية يابانى طبعا اسعار معقولة وفى من اى قطعة غيار الصينى والتركى والتيوانى وخلافة يعنى ده مش عيب سيارة من الاخر سيارة مميزة وثابته ورائعة عيبها الوحيد ان السيارة الاتوماتيك .... تكون بطيئة بعض الشئ الى ان تصل سرعتها بالتجميع الذاتى للفتيس الاتوماتيك الى 80 بعدها ....خلى بالك لان السيارة بتفتح بشكل انسيابى ولا ضغط على الماتور وتحتاج لطريق مفتوح وامشى يا معلم واتمتع اما بخصوص البنزين مش قادر اقولك موفرة بشكل رائع بس يفضل ان كل مرتين او ثلاثة تفويل بنزين 92 طبا تفول مرة كده 95 علشان ده بيعمل دورة غسيل كاملة وبالنسبة للزيت فيما يخص الماتور ياريت بعد كل ثلاث تغيرات تغير مرة بسرعة يعنى على الف ك كده لانه ده بيعمل دورة غسيل كاملة لدورة الزيت اما بخصوص الفتيس فيجب تغير التزيت كل اربعين الف كيلو وافضل لو ضحيت شوية وغيرت على 30 او 35 كله بيحافظ على عربيتك اما بخصوص الفرامل فكل 20 الف ك يتم تغير التيل اما بخصوص الصيانة فالسيور اجمعها وبلية الدريك يتم تغيرهم كل 80 الف ك وانصحك بتربيط العفشة ولو كل 20 يوم لان شوارعنا الله واكبر عليها وانصحك بمتابعة ضغط الهواء فى الاطارات مرة كل اسبوع وانصحك بمتابعة دورة المياة مرة كل اسبوع وانصحك بمتاعبة كافة انواع الزيوت ( فرامل - باور وخلافة ) بس ياريت لا تستهون بشئ وتهتم بكل شئ فى السيارة وان تفضل قطع الغيار الاصلية وتمتع بالسيارة حتى لو عملت بها 500 الف ك كانها لسه زيرو :GROWIN~12: |
رد: لانسر 1300 اتوماتيك خليجى ايه مميزاتها و عيوبها ؟
لانسر 1300 لاتوجد بها عيوب اطلقا العربية سريعة وقوية وثبات عالى وتكيف شغال لايوثر على الماكينة
|
رد: لانسر 1300 اتوماتيك خليجى ايه مميزاتها و عيوبها ؟
يا جماعة الخير انا معايا لانسر بومة خليجى موديل 2008 اوتوماتيك وبصراحة العربية ذى الفل ولكن كل الاتوماتيك بيكون قليل في السرعة حتى تصل السيارة الى سرعة ال 80 ك في الساعة بعدها لا تراها ان كنت تريد السير بسرعة فسوف تصل الى سرعة 180 ك م في الساعة في اقل وقت وثبات عالى على الطريق وفرامل رائعة رغم انها مش ا ب اس لكنها فعالة وتسعف بشكل كبير ولا تسحف السيارة منك اما عن موضوع التكييف فكل السيارات تبطئ عند تشغيل التكيف لكن النصيحة انك لا تشغل التكييف الا لو السيارة بالفعل جمعت سرعتها هنا للن تشعر باى فرق لكن اذا كان التكييف شغال وقت التجميع للسرعة فسوف تشعر ببطئ بعض الشئ الى ان تصل السيارة الى السرعة الطبيعة لها وهى 140ك م في الساعة وبعدها تزداد السرعة حسب رغبتك بصراحة سيارة رائعة وثابته وجميلة وبالنسبة الى قطع الغيار انصحك بان تغير القطع الاصلية وتحافظ على الصيانة بالتوكيل وانا منذ 2008 وحتى الان حتى الزيت اغيره بالتوكيل ولو مسمار عاوز يتربط برده في التوكيل وبصراحة ولا حاسس انى معايا سيارة من 2008 وكانها مثل موديل 2013 بل هى اقوى وافضل منها كمان وبخصوص اسعار قطع الغيار فهى لا غالية اوى ولا حاجة بس بالنسبة لانها تدوم تبقى رخيصة وايه فائدة انى اجيب قطعة غيار رخصية واغيرها على فترات زمنية متقاربة يبقى الغالى افضل هتنساه خالص فمثلا التيل وده اهم شئ لانه بيتغر كل 20 الف ك سعره في التوكيل بالتركيب 520ج بس بيحافظ على الطنابير ايه فائدة انى اجيب تيل ب 140 ج اسبانى واتضطر اغير في التيل كل شوية وكمان بياكل في الطنابير نصيحة بجد سيارة رائعة جدا |
| الساعة الآن 09:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017