المشاركة الأصلية كتبت بواسطة miam0502788391 (المشاركة 168081)

اولا الحمد لله انا فرحت لك ان العربية اتصلحت
ثانيا هو انا متفق مع حضرتك ان خرطوم البنزين الزائد له فايدة وإلا ماكانش اللى صنعها عمله
بس حضرتك هتكتفى بكده ولا هتحاول تغير الطلمبة بواحدة تانية وترجع العربية زى الأول

المشاركة الأصلية كتبت بواسطة hamaza81 (المشاركة 168093)

أنا اشتريت طلمبة جديد ( عربيتي ريجاتا 1500 سي سي والطلمبة مكتوب عليها 128 يوغسلافي ) والطلمبة اللي اشتريتها هي هي نفس النوع اللي موجود والاثنين كان فيهم نفس العيب

المشاركة الأصلية كتبت بواسطة hamaza81 (المشاركة 167870)

الحمد لله الذي بنعمته تتم الصالحات
امبارح انا رحت للميكانيكي وفضل مصر على رأيه ان الطلمبة ضعيفة، جربنا نفخنا كل خراطيم البنزين تاني وركبت الطلمبة القديمة اللي كانت موجودة، دورت العربية وشاف خرطوم البنزين اللي طالع من الطلمبة لقى ان ضخ البنزين كويس، طلعت جربتها حصل نفس المشكلة، العربية بطلت عند سرعة 80.
رجعت للميكانيكي قالي يا اما هاصلحهالك يا اما هاقفل الورشة وأبطل ميكانيكا
بص على الخرطوم اللي طالع من الطلمبة لقينا ضخ البنزين قل عن الأول، الراجل قالي يبقى كدة العربية ضخ البنزين فيها قليل على السرعات العالية والطلبمات الاثنين الجديدة والقديمة ضعاف ( لسة مغير فلتر البنزين عشان ماحدش يقولي الفلتر مش نضيف ).
المهم فكينا العمة، في اثنين خراطيم واحد بيدخل بنزين للكاربيراتير، والثاني بياخد البنزين الراجع يوديه للتانك، قام الراجل عمل اختراع كدة جاب حاجة وسد بيها المخرج اللي بيودي البنزين اللي راجع للتانك وراح سد الخرطوم اللي راجع للتانك، بقى الكاربراتير فيه خرطوم واحد بس اللي بيدخل بنزين، وقالي نعوض ضعف ضخ البنزين في السرعات العالية بإن إحنا نسد الراجع للتانك، وقالي المشكلة الوحيدة انها ممكن تشرق ولو شرقت هاتشرق وهي في السلانسية، دور العربية وسابها دايرة شوية تمام مافيش مشكلة، قالي اطلع جرب العربية ، طلعت جربتها الحمد لله بقت زي الفل ومشيت بيها على 120 لفترة بس خفت ازود عن كدة عشان انا مش بحب السرعة، المهم فضلت ماشي بيها حوالي ساعتين العربية زي الفل بتسحب ومش بتبطل خالص ولا في شرقة ولا أي حاجة.
كدة المشكلة اتحلت الحمد لله

أنا بس عايز أعرف هل اللي عمله الميكانيكي ( سد خرطوم البنزين الراجع للتانك ) دا في ضرر على العربية، أنا عندي قناعة تامة ان اللي صنع العربية ماعملش الحاجة دي كدة وخلاص اكيد ليها لازمة. فهل مثلا اللي عمله الميكانيكي دا هايخلي العربية تسحب بنزين أكتر واللا ايه المشاكل اللي ممكن تحصل من كدة؟؟؟؟؟؟

وانا بشكر جميع الزملاء اللي شاركوني بمقترحاتهم وأفكارهم ودعواتهم

المشاركة الأصلية كتبت بواسطة محمد فتحى ابو الحسن حسن (المشاركة 171519)

السلام عليكم معاك محمد من الاسمعاعيلية وكانت معاية رجاتا وكانت نفس المشكلة ورحت للمكانيكى ونضف الخرطومان من التنك حتى الكربرتير الهواء الكمبروسر ضغض الهواء

المشاركة الأصلية كتبت بواسطة ehabxp10 (المشاركة 549118)

http://forum.masrmotors.com/showthread.php?p=549088&p osted=1#post549088نفس القصة انا تعبت وغير 10 ميكانيكة وواحد بس اللى قالى ياما هصلحها ياما هقفل الورشة دى سبحان الله نفس الكلامالواحد مبيتعلمش ببلاشتعبت اوى ولما سد الراجع العربيه سحبت سحب ممتاز ولما سالته وقلتله هتشرق قالى فى عوامة فى الكاربراتير هو معايرها على اساس العربيه متشرقش وفعلا مشيت حوالى 10 ايام والعربية تمام ده قبل ماشدها لانها عقبال عندكم بتتشد من الاول اليومين دول المهم سوالى دلوقتى ايه هى عيوب سد الراجع فى االكاربراتير؟وهل ده هيضر بشئ منتظر ردكم ومنتظرك استاذ حمزة