|
رد: حكايتى مع التأمين...و النصب العظيــم !
اقتباس:
http://www.islamweb.net/VER2/Fatwa/S...FatwaId&Id=472 او هذا الرابط http://ibn-jebreen.com/ftawa.php?vie...64&parent=4193 وجزاكم الله خيرا وارجو من الله ان يهدينا سواء السبيل |
رد: حكايتى مع التأمين...و النصب العظيــم !
مازلت فى انتظار رد وتوضيح العضو الفاضل (محمد صبحى) بشأن مانسب اليه ..............
|
رد: حكايتى مع التأمين...و النصب العظيــم !
السلام عليكم ورحمه الله وبركاته
أسف على التأخير و لكن ظروف قهرية ليس مجالها المهم نبتدى منين الحكاية؟ من الاول فى البداية انا شاركت فى المنتدى بهدف واحد اساسى هو ان اصقل معلوماتى فى مجال التأمين ولكى استفيد من الخبرات الموجوده و افيد اللى عايز نصيحة او معلومة مش للشغل أنا اسمى محمد صبحى من طنطا عندى 38 سنة لفيت الدنيا من الشرق للغرب و اولادى ولدوا فى الكويت و كنت شغال هناك مندوب فى شركة ادوية و لما نزلت مصر اشتغلت فى كل حاجة و اخيرا التأمين و انا يكالريوس تجارة جامعة طنطا بس كنت عشرى شويه خلصته فى 10 سنوات بحكم السفر الكثير و عاشرت جميع الملل و الديانات و اقدر اوزن الامور صح و الحمد لله لما دخلت المنتدى شاركت و الحمد لله استفدت كثير وبرده افدت الى حد ما و جالى شغل كويس من المنتدى بس بحكم كثره المشاغل فى العمل هنا و الشتاء يومه قصير وانا فى طنطا كنت بأرفض برده شغل يس بشكل مهذب المهم انضم لى فى الشغل اخت لى متحمسة جدا و الله يبارك فيها و اصبحنا دويتوا الشركة كلها بتخاف منه لحجم شغله و محفظته الكبيره و اللى له علاقة بالتأمين يعرف يعنى ايه محقظة يعنى كم وثائق و تجديدات و كأى مجال منيعات بدأت الحرب علينا من كل النواحى و هى دى ضريبه لازم تندفع مهو مافيش حلاوه من غير نار دى ما بيقولوا فكرنا فى التوسع الافقى نطلع من منطقة الدلتا و نحاول فى مصر بس المشكله العميل لما يعرف طنطا يقول لا انا ايه يودينى طنطا و الدنيا ماشيه الحمد لله كزيس بس احنا نسد على الشغل لان الشغل مش تأمين يس لا دا كمان تعويضات و مشاكل عملاء فى يوم اتصل بى دكتور بلبل حكيمنا الكريم و قال لى انا جبت رقمق من المنتدى وبصراحه لم اهتم لان ايامها كنت مشغول فى تعويض سياره عميل توتل لوس (هلاك كلى) و الشركة مش عايزه تدى الراجل حقه و انا الوسيط وفى وشى و متعودتش اطلع صغير المهم ذيه ذى كثير بيتصلوا من المنتدى و قلت ممكن يكون بيسأل على سعر و خلاص لما اتصل تانى قلت لاختى و شريكتى قالت لى طيب احنا كمان كام يوم نازلين مصر نعاين الخمس عربيات بتوع معرض كذا نبقا نخلصهم و نروح لها فقلت لها معرفش مليش مزاج مش نخلص اللى هنا الاول فقالت لى انت حتتبتر على الرزق يا محمد كده ربنا يحاسبك و ضحكنا المهم مر كام يوم وقلت لاختى و شريكتى خلاص منك ليه انا مش رايق اليومين دول حديله تلفونك و انتى تابعى معاه وقد كان كلمته و المعاينه عندنا ممكن فى اى فرع و ممكن عن طريق المهندس فى طنطا بينزل مصر كل يوم بعد يوم نقريبا المهم قالت لدكتور بلبل روح المركز الرئيسى و عاين وهما بيبعتوا المعاينه لنا وتانى يوم تصدر الوثيقة و فعلا الراجل و انا اسف له راح و تعب و غلب لحد ما عاين العربية و للاسف الطمع وحش اللى عاين يعرف منتجه او مندوبه و بيديها الشغل فهى اللى اتصلت بيه و هو بحكمته المعهوده اتصرف صح و اخبر شريكتى و اخبرنى فقلت لها ايه مابلاش العربيه دى من الاساس فقالت لى مالكش دعوه انا حخلصها و الوثيقة صدرت فى منطقة القاهره وظهر رقم الشاسيه و الموتور على السيستم و معنى كده من المستحيل ان تصدر وثيقة اخرى بنفس الشاسيه و الموتور على مستوى جمهورية مصلر العربية الا لما دى تلغى من على السيستم و دا لما المنتج اللى عملها يسلمها و يكتب عليها ترد لعدم سداد العميل و ممكن دا ياخد شهر لانى انا مثلا شنطتى اليوم فيها حوالى 12 وثيقة لعملاء و الاربعاء الماضلى كانو23 واحده وبصراحة مفيش منتج بيلغى وثيقة الا بعد شهر او اثنين و لما يعجز من العميل خالص لانه له عموله فيها المهم بعد مكالمات للاداره كثير و كلام و شكاوى اتلغت من القاهره و صدرت فى طنطا و يوم ما صدرت اتصلت يدكتور بلبل و حددت معاه موعد فى المساء لانى كنت نازل مصر يومها و فعلا زهبت له البيت لم اكن اعرفه هو مين الا لما قال لى انا حكيم المنتدى و الراجل رحب بى جدا و بعد التعارف اخرجت له الوثيقة و قلت له انا حخطم لحضرتك العموله اعتذار منى لما حدث و اللى كان خارج عن ارادتى و الله فحسيت فيه بالريبه و الشك فقام طلع الفلوس و عندما اخذتها منه قلت له حضرتك كان لازم تشوف كارنيه الشغل الاول فقال لى لا ما انا عارفك فقلت له اذاى قال من صورتك فى المنتدى انت من القلائل اللى حاطين صورهم و فعلا خصمت له العموله و اخذت الفلوس ناقصه 400 جنينه ووقفنا فى البلكونه شربنا سجاره و القهوه و الراجل بصراحه ابهرنى لقيته فعلا يستحق ان يكون حكيم و تمنيت ان اكومن لى ربع حكمته و قلتها له و تكلمنا فى مجالات كثيره السياسه و الشغل و الجنس و الطب حتى سألته على بعض المواضيع الطبيه الخاصه و بصراحه ارتحت له و حكيت له جزء من حياتى و انى تزوجت مرتين و اولادى و و و واخدت ايميله قال لى طيب مافيش ورقه للسداد فقلت له حضرتك مش مفروض تأخد الوثيقة الا لما تدفع الفلوس دى عهده عليا و انا كل كام وثيقة بأوردهم فى الخزنه برقمهم فقال لى طيب انا مسافر بعد يومين ممكن تبعت لى على الايميل صوره من الجواب او الورقة اللى سددت بيها كى اطمئن فقلت له حاضر بس طالما الوثيقه معاك انت الشركة ملزمه امامك و الوثيقة بتقول كده فى الشروط وودعته و انصرفت وروحت بعد ان انهيت شغل لى و سلمت وثيقة كمان و رجعت طنطا و لما قلت لاختى و شريكتى انا سبت له العموله اتشالت و اتهبدت وقالت لى ليه انت مش تعبت فيها و صرفت عليها كده للاه و الوطن و بعدين انت كده تخلى الناس تشك فينا كنت سيب له 50 أو حتى 100 جنيه حرام عليك تعبنا فقلت لها انا ممكن اكلمه فى تأمين الحياه و ان شاء الله يعمل وثيقة و متعوضة المهم فى هذه الاثناء مر بى ظرف قهرى ذى اللى انا فيه دلوقت ولازم ينصرف 9000 جنية و الموضوع متعلق بحياه شخص المهم اى منتج معاه العهده و هو ممكن يلبس طاقيه دا الى دا و انا عارف ان دا غلط بس فى قاعده شرعيه بتقول الضرورات تبيح المحظورات لانه ممكن فى اى وقت يقولوا لنا هاتوا العهده ويجردوها بس دا بيحصل بشكل دورى كل 3 شهور و الواحد بيبقى معاه 30و 40 وثيقة عهده المهم الفلوس لم اوردها للاسف ولانى زودت عليها من اللى كان معايا لحد ما اقبض العموله و هى كانت تقريبا 5الف تقريبا قلت احطا و اوردها ودى غلطه منى بس والله لم يكن امامى اى خيار اخر و اى اخ منكم مكانى كان حيتصرف نفس التصرف خصوصا لو ابنه فى المستشفى و محتاج المبلغ دا المهم دكتور بلبل كلمنى و كنت وعدته ان ابعث له صوره و شيطانى هدانى الى كتابه رقم وثيقته و اسمه على حافظه تانيه كنت موردها من يوم او اثنين و من خيبتى و من رحمه و حب الله لى انى كتبت رقم الوثيقة غلط و بعتها على الايميل و الموضوع انتهى معى الى هنا و قلت لما اقبض العموله ابقى اورد الفلوس وبعد فتره فوجئت بمديرى بيطلع لى صوره الحافظة اللى انا بعتها على الايميل و قال لى ايه الحكايه فقلت له بصراحه الموضوع كذا كذا كذا فضحك و قال لى كده من اول الم تعترف فقلت له و اكدب ليه انا اخطأت و لازم اتحمل خطئى فقال لى طيب سوى المشكله دى لان صاحبها جاء الى فلان و بصراحة فلان دا بوظك عنده انت عارف العين عليك علشان شغلك و الكل يتمنى لك غلطه فقلت له حاضر و فعلا خلال يوم و التانى كانت العمولات نزلت و وردت الوثيقة و اعتذرت له و قال لى انا عارف انك خامه طيبه و محترم بلاش تعمل كده تانى فقلت له اسف ة الله الظروف كانت اقوى منى وكمان مره انا اسف وقال ربنا يوفقك و خلى بالك من نفسك علشان يا ابنى انت مميز و واحد بيحب و 10 ييكرهوا و انت سابق الكل بكيبوات ودا اللى مخلى الكل متغاظ منك و انتهى الموضوع ومن كسوفى لم اسأل حتى هو الراجل صاحب الوثيقة جاء ازاى ولا ايه الحكايه و بس و فوجئت بالاخ سيف بيرن عليا و بيقول لى الموضوع ومن المفاجئه انه نزل فى النتدى قلت له لا دا سوء تفاهم و معلش انا اسف ليه بس مكانش امامى غير كده و هى دى الحكاية و اسف على الاطاله و الحكم لكم و ان الحكم الا لله و انا عارف انى غلطان و مستعد لتحمل اى عقاب او رد شرف لاخى الاكبر د بلبل و للجميع بس انا لى شوية تعليقات ممكن اقولها دكتور بلبل قالف قال لى انه بيحاول يصلح غلطته هوه ومساعدته معايا لآنهم دوخونى وانه متنازل عن جزء من الكوميشن بتاعه مقابل ذلك ! وبأن الكوميشن بتاع المندوب بيبقى من داخل مبلغ الوثيقه والزبون لا يعلم ذلك ! وده السبب ان الآستاذ فلان بتاع المركز الرئيسى عمل الوثيقه ب 4800 ج لكى يلهف هو الفرق ! فابتدأت أحس ان العمليه عصابه وأن التأمين برمته غلطته ! لكن أعطيته الفلوس 3900ج ! و مما زاد من شكى انه لما أخذ الفلوس قال للى انت دلوقت ارتكبت غلطه ! فقلت له ليه ؟؟ فأبرز كارنيه من الشركه فيه صورته و رقمه فى الشركه و قال لى كان لازم تطلب تشوف دى الآول ! فازداد شكى فيه ! ولكنى تماسكت وقلت له لو كنت شاكك فيك كنت طلبت بطاقتك بس أنا مش عايزها ! انا قدمت له البطاقة لما حسيت فيه الشك و الله يعلم والله أنا افتكرت عادل امام فى فيلم " لصوص و لكن ظرفاء " لما كان لابس ال Under Wear و بيقول " بلدى طنطا وأنا أحب أعيش أونطه ) ! ptmnlo123per154 يا دكتور حضرتك حكيم و ماكنتش اضن ان تستهزء بى كده و بعدين انا لو نصاب حسيب فلوس ليه؟ و لو فى الشركة انا كده عملتا اكثر من مره ايه اللى مصبرهم عليا؟ و للحديت بقيه ان شاء الله و اسف لك يا حكيمنا و للجميع و ابونورا و الاخ سيف و اكمل بكره ان شاء الله و مستعد لاى رد منكم و السلام عليكم و رحمه الله |
رد: حكايتى مع التأمين...و النصب العظيــم !
احييك على شجاعتك فى الاعتراف بالخطاء وارجو من جميع الاطراف الاسراع بوضع تعليقاتهم النهائية للتداول وعرض رأى الإدارة
|
رد: حكايتى مع التأمين...و النصب العظيــم !
اقتباس:
يا ريت كنت فكرت كويس وكتبت الحكاية دي في ردك الاولاني مش التاني. ثانيا واكرر مع كامل الاحترام امورك الشخصية ليس لها علاقة بكل ماحدث, الشغل شغل السؤال المهم بقى ياترى كان ايه ممكن يحصل لو حصل حادث و الدكتور او زوجتة حاولوا الاتصال بالشركة قبل سيادتك ما تصلح الموضوع؟ وربنا يديلك العمر والصحة ياتري فكرت انك ممكن تموت قبل ما تصلح الموقف؟ ختاما اشكر للدكتور بلبل فتح الموضوع لتنبية الناس وتحذيرهم واشكر له حكمتة في تناول الموضوع. مع تحياتي |
رد: حكايتى مع التأمين...و النصب العظيــم !
اقتباس:
بحول الله على الرد على كل كلمه فى المقال السابق ردآ بليغآ ) و لكن لن نخلص بأه فى أخذ و رد و عتاب أنا والزملاء فى غنى عنه ! والكلام واضح وضوح الشمس فيما قلته أنا و فيما قاله غيرى والحقيقه يقدر يستخلصها كل ذى عقل ! و الموضوع من الآخر أصبح لا يهمنى ! بس أكرر أنا كتبته فقط لنصح الزملاء و أملا فى الثواب من الله ! وفى نفس الوقت لم أذكر الآخ لا بأسمه ولا ياسم شركته ولم أقل حتى انه معنا فى المنتدى ( بل قلت فى أحد المنتديات ) ! اذا كان هوه بيغلطنى على سوء ظنى ! ماشى ياعم ! أنا شيطان وهوه ملاك رحيم بيساعد الناس ورؤساؤه عارفين كده بس احنا اللى مش عارفين ! و أنا اللى غلطان ! عليه النعمه غلطان ! و المصحف غلطان ! أخيرآ أكرر شكرى لك يا دكتور وشكرآ لآنك مش ناسى هموم مواطنيك الغلابه وانت فى أمريكا ! ما تيجى نرشحك ...! ما تخافش مش رئيس دوله ! يا دوب رئيس مجلس محلى !! هههههههههه Dr. Bolbolan ptmnlo123per122 |
رد: حكايتى مع التأمين...و النصب العظيــم !
اقتباس:
الآخ وائل أبو نورا - بعيدآ عن هذا الموضوع - تعجبنى آرائك فى معظم المواضيع ! بس طبعآ انت بشرى مثلنا ! و مش لازم كل آرائك تعجب كل الناس ! و من حقك تقول رأيك زينا برده فى كل المواضيع ! هههههههههه ! عايز أسألك سؤال ! هل تعتبر الراجل اللى بيطلع الآتوبيس و فاتح مطوه وبيسرق الناس عينى عينك ( رجل شجاع ) ! وهل تعتبر اللى بيعمل كده فى الخفاء الى أن ينكشف رجل جبان ! و ما هو تعريف النصب ! و هل تعتقد النصاب لو وقع فى نصبايه ! ح يبطل ؟ أو ح يعترف ؟؟ أو مش ح يدافع عن نفسه و يقلب الحقائق ؟ علمآ بأن موضوع النصب ده لم يصبح فرديآ ده أصبح منظومه ( و ده اللى أنا بأنبه اليه ) ! أكرر ....أكرر....السؤالين دول مش مقصود بيهم حد ! لآن الموضوع أعلاه انتهى خلاص ! بس فيه مواضيع بتفتح مواضيع أخرى ! فقط عايز أعرف وجهة نظرك بدون ذكر أى أحاديث دينيه ! Dr. Bolbolan :HAPPY_~211: |
| الساعة الآن 06:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017