رد: عايز تروح اى محافظة او مكا ن داخل مصر
 

بجد و موضوع حلو و معلومات قيمة و اظن ممكن احتاجك قريباااااااااا

رد: عايز تروح اى محافظة او مكا ن داخل مصر
 

انا اسف للتاخر فى الرد لكن ده بسبب ان الموضوع قديم وانا نسيته
عموما
افضل طريق من الزقازيق للمعادى بعيدا عن الزحام والسالك علشان ممكن تسمع فتاوى كتير
الزقازيق / منيا القمح / بنها / ثم يسارا حتى قليوب / ثم الطريق الدائرى يمينا حتى محور المريوطية الجديد هتنزل جوه المعادى يابطل
وتيجى بالسلامة

رد: عايز تروح اى محافظة او مكا ن داخل مصر
 

انا تحت أمرك واتشرف واتنور بيك فى اى وقت

رد: عايز تروح اى محافظة او مكا ن داخل مصر
 

جزاك الله خيرًا

بس أنا قصدى أفضل طريق للزقازيق من المعادى

ولو فيه رخامة ياريت التفاصيل

رد: عايز تروح اى محافظة او مكا ن داخل مصر
 

أنا متهيألى هاخد نفس طريق ميت غمر اللى هو انى انزل من كوبرى بنها وكأنى رايح المنصورة

بس سمعت انها من طريق الاسماعيلية اقرب واحسن

ياريت حضرتك تفيدنى

هل هو ده الطريق اللى حضرتك وصفته بس بالعكس ولا لأ؟

رد: عايز تروح اى محافظة او مكا ن داخل مصر
 

هههههههههههههه مهو نفس الطريق بس بالعكس تسأل على طلعة الدائرى وتطلعه وتمشى عليه حتى منزل شبرا الخيمة وقبل المنزل هتلاقى يفط على اليمين من قبلها ب2 كيلو بتقول لك منزل شبرا 2 كيلو الزم اليمين اول متقرا يافطة بتقول منزل شبرا 1 كيلو الزم اليمين تمسك اليمين على طووووول لان فى رصيف طويييييييل معمول ولو عديته هتنزل المنزل اللى بعده وانت نازل من المنزل متكملش على طول تكسر شمال فى النفق واول متطلع من النفق هتلاقى نفسك مسكت الزراعى طوالى حتى بنها وبعد كوبرى الشموت هيقابلك كوبرى كبير وعالى متطلعوش تنزل من تحته وتكسر يمين عند التقاطع وقبل المزلقان متعديش المزلقان بتاع السكة الحديد وتمشى طوالى هيكون القطار على شمالك حوالى 45 كيلو حتى الزقازيق مارا بشبلنجة ومنيا القمح والزنكلون والعزيزية ثم الزقازيق وتوصل برضه بالسلامة

رد: عايز تروح اى محافظة او مكا ن داخل مصر
 

اولا ميت غمر الزقازيق حوالى 35 كيلو ثم ميت غمر حتى الدائرى 84 كيلو باجمالى 119 كيلو متر
لكن الزقازيق بنها الدائرى 81 كيلو وهو الاقرب
اما الزقازيق الاسماعيليه الدائرى 169 كيلو ثم 13 كيلو حتى توصل تقاطع الدائرى مع الزراعى
وبالتالى الوصفة الاسهل اللى قلتها لك