رد: تقرير عن النيوسيراتو أثناء و بعد صيانة الآلف !
 

بصراحه تحفه ...ربنا يباركلك فيها يارب وعقبال ما تجيب احسن منها

رد: تقرير عن النيوسيراتو أثناء و بعد صيانة الآلف !
 

والله تقريبآ فيه كده و كده ! و كما ترى عندى هوه مش طالع من الاكصدام لكن هوه تحت الاكصدام و فيه cover

عليه بعرض الاكصدام باللون الآسود ! و أظن كده أشيك !

ممكن أجاوب نيابة عن القائمين فى المنتدى ! كلنا نفس الشىء ! انت بتعمل موضوع وبعدين فيه واحد غيرك بيعمل

موضوع تانى ! تنزل انت لتحت سطر وهوه يبقى فوقك ! أو حد يرد على موضوع تالت يطلع فوقك و هكذا لغاية

لما تنزل تحت خالص وتنط لصفحه تانيه ! فتختفى من الصفحه الآولى ! ايه بأه اللى يخليك فى الصفحه الآولى

على طول ؟؟ أولا : الطريقه النظيفه الطبيعيه ! وهى ان الموضوع يكون قوى و عليه ردود كثيره فيظل تحت النظر !

ثانيآ : طريقه أخرى فيها تلاعب ! وهى ان واحد يعمل موضوع و ما حدش يرد عليه ! يبتدى هوه كل لما الموضوع

ينزل لتحت ! يرد على نفسه ! مثلا يقول فين الردود ؟ وستنى لما يقرب يختفى ! ويقوم مشارك تانى ! أنا عايز ردود

كثيره ! أو لو حد رد عليه أى رد ! يسيبه لغاية برده لما الموضوع يقرب يختفى ويقوم داخل قايل له ( شكرآ ) !

أو شكرآ على الدخول ! يقوم رافع الموضوع تانى ! مع انه ممكن يكتفى بشكرآ اللى أسفل كل موضوع ! بس دى

ما بترفعش الموضوع ! أو شخص يكون له أكثر من حساب بأكثر من اسم ويكتب و يرد على نفسه و يمدحها كمان !

لذلك تجد مواضيع جيده جد تختفى سريعآ لآن صاحبها بيحترم نفسه ! بيكتب الموضوع وبيسيب الناس تعلق عليه براحتها

وبيرد على اللى شايف ان فيه اختلاف فى وجهة النظر فقط !

أخيرآ - ممكن لما تعمل موضوع تحاول فقط تفتكر هوه فى أى باب من الآبواب و ترجع له وقت اللزوم !



الخليجى مختلف فى الآوبشنز وفيها تباديل و توافيق وبالتالى مش ح تعرف اذا كان السعر يساوى القيمه ولا لآ !

وأغلى من التوكيل و ليس عليه ضمان ! بس أسرع فى التسليم !

Dr. Bolbolan

رد: تقرير عن النيوسيراتو أثناء و بعد صيانة الآلف !
 

بص المواصفات الخليجي من وجهة نظري وبحكم إني كنت في الخليج وسقت هنا وهناك بتكون أقوي ... من حيث التكييف ... كفاءة الموتور .... الأوبشن .... والموضوع ببساطه إن ضمان الوكيل بيكون ليه تكلفة المفروض إنها تغطي عيوب الصناعة .. وصيانه مميزه أو بسعر منخفض ... وكل وكيل ملزم وفقا لعقد الوكالة مع الشركة الأم علي تقديم هذه الخدمات لعدد السيارات التي قام بشرائها من الشركة الأم وهي كيا ( يعني برقم موتور وشاسية ورقم رسالة الإستيراد ) وبالتالي الضمان لا يسري علي أي سيارة كيا ... يعني صيانة وضمان الخليجي لازم يكون لدي وكيل الخليجي بره وعليه إنت لا قدر الله لو طلع الموتور أو السيارة فيه عيب متقدرش ترجع الشركة المصنعة لفقدك شرط التمتع بالصيانه ضد عيوب الصناعة ..... تعالي بقه طب الموضوع ده تقييمي له إيه .... أولا الشركات دي بتشتغل بنظام يسمي QC مراقبة الجودة وأي سيارة معيبة تباع للعميل تعتبر خسارة سمعة ... لذلك تجد عيوب الإنتاج قليلة ... كما أن التوكيل ومن خبرتي السابقة بيتفنن إزاي يحمل العيوب للعميل لأن جزء من تكلفة الإستبدال بيتحملها وكيل الصيانة خصما من أرباح الصيانة يبقي من مصلحته إنك تعمل صيانة علي حسابك ... وأنا هنا بتكلم علي وكيل الصيانه المصري ... في الخليج مراكز الصيانه محترمه .... في النهاية سعر الخليجي أقل عشان بيقوم بيه تجار سيارات بخلاف الوكيل في السوق المصري .. يعنني بعيد عن مغالاة الوكيل في المكسب ... كمان المنافسة في السوق الخليجي بين مختلف مصنعي السيارات كبير ومش أي سيارة تقدر تنافس ... عشان كده مواصفاتها وعيوبها لازم تكون أفضل .... ده رأي بحكم عملي .... ( مدير ومحلل مالي ) .. والله أعلم .... وإشتريتها من عند سمير ريان ... مقابل مستشفي المقاولون العرب
مواصفتها كل الأوبش بس بدون فتحة سقف.

رد: تقرير عن النيوسيراتو أثناء و بعد صيانة الآلف !
 

شكرا يا دكتور علي الرد بالنيابه عن الإدارة أنا مش عايز أكون تحت النظر علي طول ولا حاجه (ايه بأه اللى يخليك فى الصفحه الآولىعلى طول ؟؟ ) بس عايز أعرف ده طبيعي ولا هناك خطأ م من عندي في المشاركة وبعدين .... أنا بستمتع أكثر لما أقرأ للأعضاء وبشارك تفاعلا مع الموضوعات مش أكثر ولو عرفت أكون مفيد أكثر زي حضرتك مش ها أتأخر.... شكرا لتوضيحك بالنيابة عن الإدارة وهذا ما ينبغي أن يميز هذا المنتدي الأخوة وحسن الظن والإحترام ... والحقيقة إنت تستحق ذلك ولا نزكيك علي الله ... وجزاكم الله خيرا:HAPPY_~211:

رد: تقرير عن النيوسيراتو أثناء و بعد صيانة الآلف !
 

رد: تقرير عن النيوسيراتو أثناء و بعد صيانة الآلف !
 

الشكمان اللى خارج من الاكصدام ده اوبشن فى الSX

رد: تقرير عن النيوسيراتو أثناء و بعد صيانة الآلف !
 

والله يادكتور مع احترامى الكامل لكل من أشاد بتقريرك انا مش فاهم إن كانت العربية كويسة ولا وحشة - هى أحلى ولا الإلنترا أحلى زى ما قلت فى السابق لأحد الأعضاء.
ياريت يكون التقييم النهائى للسيارة واضح وصريح من واقع تجربتك الشخصية وتاخد كام من عشرة.